Levitikɔs 26:36 - EBƆRƐ BE KAWƆL

³⁶ Meeŋ shin nɛ kufugboŋ ko e tɔr menyi nɛ men wɔ efuli pɔtɛ nɛ men doŋana nyaŋ menyi nɛ men ya ka wɔ so na. Nɛ afu ber kefantaŋ gba nɛ men nu kumo be egbri menyeeŋ lara keya n shile. Menyeeŋ bir to n shile fanɛ b ka bee ju menyi kena to na n ya tɔr jemanɛ nɛ edoŋ kikɛ maŋ taga menyi to gba.

Levitikɔs 26:36 ပူးပေါင်းရင်းမြစ်များ

Jɛnesis 35:5

Jeekɔb nɛ mbe kanaŋ ka lar Shɛkɛm a yɔ nɛ Ebɔrɛ shin nɛ kufu pɛ nde nɛ b bɔla amo ase a choŋ na be basa. Amoso b daŋ maŋ tiŋ n wora Jeekɔb nɛ mbe basa shɛŋ.

Jɛnesis 4:12

Fo naŋ dɔ kumo so gba, fo maaŋ nya shɛŋ. Yili kabre a yɔ fo maaŋ baa kɔ epe, feeŋ baa la efɔ nna a na chamcham durnya ere to.”

2 Kronikɛls 14:14

Kumo be kaman nɛ Asa be benapo na kɔ ndewurbi nɛ a kulti Gɛra na kena m pɔɔ amo kikɛ so ŋkpal Enyɛnpe Ebɔrɛ be kusɔ nɛ e wora na ka shin nɛ kufu pɛ bumo ga so. Ndoŋ nna nɛ Juda be benapo na muu bumo be asɔ lela kikɛ n yɔ.

Job be kawɔl 13:25

Kashenteŋto, kebaa funti esa nɛ e maŋ wɔ egbɛ fanɛ kefantaŋ nɛ afu kɔ a yɔ na e naa par fo a?

Nshɛ 53:5

Kufu beeŋ pɛ menyi a chɔ kananɛ k daŋ pɛ menyi dra na. Ebɔrɛ beeŋ farnyaŋ mo doŋana be awibi to nɛ anishinyɔr e pɛ menyi ŋkpal Ebɔrɛ ka kini menyi so.

Nshɛ 53:6

Mee jo saŋɛ nɛ esa ko beeŋ shi Zayɔn m ba mɔlga Israɛl nna. Anyi be Ebɔrɛ, fo baŋ naŋ nɛfa fo basa, Jeekɔb be kanaŋ to ebi be ŋgbene beeŋ fuli bumo, nɛ Israɛlebi e ji eyur.

Nshɛ 89:43

Fo shin nɛ mbe akɔsɔ kikɛ ki asɔ jiga, nseŋ shin nɛ e kɔ kena n tɔr.

Aŋasa 28:1

Basa lubi bee shile nna nsaa gbɛ a keni fanɛ esa ko ka bee ju bumo na, ama basa nɛ baa wora asheŋ niŋiso bre bee nite kenyɛnso nna fanɛ buluŋ na.

Aizaaya 30:17

Menyi to be basa kagboŋ beeŋ wu bedoŋ be enapo koŋwule nseŋ shile nɛ bumo be benapo anu e shin nɛ menyi kikɛ e shile. Kumo be lalaloge menyi to be basa gbrɛbi e naaŋ ka nsaa du fanɛ kedibi nɛ b ta tuta n chɛ m mata n yuu kebee be awɔlto na.

Aizaaya 7:2

Juda be ewura ka daŋ nu fanɛ Siriya be efuli so be benapo ba ti Israɛl be benapo so, nɛ kufu pɛ ewura Ahaz nɛ mbe basa kikɛ ga nɛ baa chicha fanɛ afu ka bee ber ndibi so na.

Aizaaya 7:4

Men kaŋ wu mo nɛ fo kaŋɛ mo fanɛ e shin nɛ mbe kagbene e dese mo. E saa maa ŋana ewura Rezin nɛ ewura Pɛka. B nya agbo ga bre, ama bumo alɛ baa du fanɛ ndibi anyɔ ka kɔ edɛ nsaa dese a duŋ gbrɛgbrɛbi nna.

Jɛremaya 37:10

Hale nɛ men tiŋ ŋ kɔ m pɔɔ Babilɔn be benapo na kikɛ so gba, bumo be basa nɛ b doro a dese bumo be ewajɛbu to kraa beeŋ koso n chɔɔ kadegboŋ ere n lɛ.”

Jɛremaya 46:16

Menyi be esoji fiti abar nna n tɔr, nɛ eko kaŋɛ mo barkasa le: ‘Koso manaŋ nɛ an shile bedoŋ be tokobi m mɔlga anyi be amu nseŋ yɔ anyi be basa kutɔ epe!’ ”

Nfabel 1:3

Juda be efuli so be basa ki anya nna, a ji awurfoŋ ashi efuli pɔtɛana so. Efuli pɔtɛana so nɛ b wɔ a maa kɔ kakpa nɛ baaŋ tre bumo gbagba pe. Bedoŋ e kulti bumo n wɔtɔ, nɛ ekpa maŋ wɔtɔ nɛ b bɔla so m mɔlga bumo be amu.

Nfabel 1:6

Jerusalɛm be kemaŋkura kikɛ loge. Kumo be bejuŋkparpoana ki fanɛ echibir nɛ akoŋ kɔ nɛ b maŋ naa kɔ eleŋ nɛ b shile ŋ ŋana bekpampo so nna.

Nfabel 4:19

An doŋana na daa du fanɛ kusore ka bee fuu kusɔ na nna. B daa ju a buu anyi so kaplɛkama nna a fin anyi nɛ b pɛ. Abee so nɛ b daa kuŋ anyi a pɛ, ŋko pugi keshishɛrsawule so a jo anyi nɛ an ba purgi bumo nɛ b pɛ.

Ezikɛl 21:12

Dimɛdi pibi, boŋ to awɔrso, ŋkpal manɛ so tokobi na bee ba ma basa nɛ Israɛl be benimuana so nna. Bumo kikɛ beeŋ wu, bumo nɛ basa nɛ b ka na kikɛ. Amoso, ta enɔ n deŋi kumu a shu!”

Ezikɛl 21:15

Saŋɛ na so kufu beeŋ pɛ basa; nɛ galeŋga e chicha n fiti n tɔr. N wora ma tokobi shiriya nɛ k mɔ ashi bumo be mbunaana kikɛ ase. N tiŋ n yee kumo nna nɛ k bee kpa edɛ fanɛ bɔrɛ ka bee nyɛkpɛ na, nseŋ pɛ kumo to nɛ m mɔ.

Ezikɛl 21:7

B kaŋ bishi fo kusɔ nɛ k ba nɛ fee shu fo kaŋɛ bumo le: ‘Baru nɛ k bee ba na so nɛ mee shu.’ Kumo jemanɛ kaŋ fo ekama be kagbene beeŋ jija mo nɛ kufu e tɔr ekama so nɛ bumo be aba e pɔ bumo nɛ b baa chicha a maaŋ naŋ tiŋ n wora shɛŋ. Kachɛ na bee ba! K maaŋ naŋ chɛr nseŋ ba. Ma, Enyɛnpetale Ebɔrɛ na e kaŋɛ na.”

Hoziya 8:3

ama b kini kusɔ nɛ k walɛ. Ŋkpal loŋ so, bumo doŋana beeŋ ju m buu bumo so.

Levitikɔs 26:17

Ma alɛ beeŋ lar menyi kaman, saŋɛ na so, men doŋana beeŋ pɔɔ menyi so. Basa nɛ b kishi menyi beeŋ ji menyi so kuwura nɛ kufu e pɛ menyi nɛ men baa chicha a shile jemanɛ nɛ ekama maŋ ju a buu menyi so.

Ditɛronɔmi 1:44

Ndoŋ nna nɛ Amɔriebi nɛ b daa wɔ abee na so na gbelge m ba menyi so fanɛ emushoŋ n ju menyi hale n ya fo kakpa nɛ baa tre Hɔɔma nɛ k wɔ Edɔm be kebeesawule so n ya kɔ m pɔɔ menyi so ndoŋ.

Joshuwa 5:1

Amɔriebi be bewura nɛ b wɔ Jɔɔdan be epeŋitɔrkpa na nɛ Keenan be bewura nɛ b chena m mata teku nɛ baa tre Mɛditerenia na kikɛ ka nu kananɛ Enyɛnpe Ebɔrɛ shin nɛ Jɔɔdan be lɔr na ku to nɛ Israɛlebi na nite kumo to n dii na nɛ bumo ŋgbene fara a ku nɛ baa ŋana ketu Israɛlebi na ŋ kɔ.

Joshuwa 7:5

nseŋ mɔ Israɛlebi na be basa adesa nɛ ashe kikɛ. Aiebi na daŋ yili kade na be kabunagboŋ na ase nna n ju Israɛlebi na hale n ya fo kakpa nɛ baa bure ajembu to a pɔr na. Ndoŋ nɛ Israɛlebi na be aba pɔ bumo nɛ kufu pɛ bumo ga.

1 Samuɛl 17:24

Israɛl be benapo na ka wu Goliɛf, nɛ kufu pɛ bumo nɛ bumo kikɛ shile.