Levitikɔs 26:30 - EBƆRƐ BE KAWƆL

³⁰ Meeŋ mur mboŋ nɛ menyee shuŋ agbir nɛ a wɔ agurɔŋgu so na kikɛ, nseŋ bure menyi be ebɔrɛsure nɛ menyee chɔɔ eduwu amo so na, nseŋ naŋ bela men be bubuni n deŋi menyi be agbirana nɛ a tɔr a dese na so. Menyi be asheŋ beeŋ baa nu ma agbo nɛ ŋ kishi menyi.

Levitikɔs 26:30 ပူးပေါင်းရင်းမြစ်များ

Jɛnesis 19:13

ŋkpal manɛ so, anyee shin nɛ an mur kade ere nna na. Asheŋ lubi nɛ baa malga a gbiti basa ere a sa Enyɛnpe na wora keshi ga, amoso nɛ e shuŋi anyi fanɛ an ba mur kumo na.”

1 Bewura 13:2

Kusɔ nɛ Enyɛnpe Ebɔrɛ kaŋɛ fanɛ anebi na e kaŋɛ a laŋɛ bɔrɛsure na be kaplɛa so e la fanɛ: “Baaŋ kurge kebia ko ashi ewura Deevid be kanaŋ to n nase mbe ketre Josaya. E beeŋ mɔ bɔrɛmatapoana nɛ baa lara esarga a deŋi kumo so ere n lara sarga n deŋi kumo so nseŋ chɔɔ dimɛdi be awibi kumo so.”

1 Bewura 13:32

Kusɔ kama nɛ Enyɛnpe Ebɔrɛ na shin nɛ e malga a laŋɛ Bɛtɛl be bɔrɛsure nɛ Samɛria be agbirana be kaplɛa so na kikɛ beeŋ bɔlɔ so.”

2 Bewura 23:16

Ewura Josaya ka keni ŋ kulti nseŋ wu nchaŋana ka wɔ kebee so, nɛ e shin nɛ b lara awibi nɛ a wɔ amo to na n ya deŋi bɔrɛsure na so n chɔɔ. Saŋɛ na so bɔrɛsure na beeŋ wora eyurpi daŋkare be ekpa so nɛ kusɔ nɛ Ebɔrɛ be anebi kaŋɛ dra dra saŋɛ so nɛ ewura Jeroboam daa yil bɔrɛsure na ase na e bɔlɔ so. Josaya ka naŋ keni nɛ e wu anebi nɛ e daŋ wu loŋ be asheŋ ŋ kaŋɛ na be nchaŋ.

2 Bewura 23:20

E daŋ mɔ agbirwuraana na nna n deŋi kakpa nɛ baa shuŋ agbir na be ebɔrɛsureana so, nseŋ chɔɔ edimɛdi be awibi n deŋi bɔrɛsure kikɛ so. Kumo be kaman nɛ e bɛta n yɔ Jerusalɛm.

2 Bewura 23:8

E daŋ shin nna nɛ bɔrɛmatapoana nɛ b wɔ Juda na kikɛ ba Jerusalɛm nɛ e bɔla daŋkare be ekpa so n jija bumo be ebɔrɛsure nɛ baa lara esarga amo so na. E daŋ bure ebɔrɛsure nɛ baa lara esarga amo so a sa kaboe be kiyoyu lubi nɛ k wɔ a mata kabuna nɛ kade na be gomena Joshuwa pɔr na nna.

2 Kronikɛls 23:17

Kumo be kaman nɛ b ya da Baal be lambu na n lɛ nseŋ bure kumo be ebɔrɛsure nɛ agbirana nɛ a wɔ ndoŋ na kikɛ nseŋ mɔ Maatan nɛ e la Baal be kegbirwura na ashi ebɔrɛsureana na ase gbagba.

2 Kronikɛls 31:1

Kejigboŋ na ka loge, nɛ Israɛlebi na yɔ Juda be efuli so be kade kikɛ to, n ya bure ndoŋ be ajembu be eshabɔrɛ nɛ kegbirche Ashira be mpɔrduli be ndibi n lɛ nseŋ mur ndoŋ be ebɔrɛsure nɛ kakpa nɛ nnyamase bee shuŋ bumo be agbirana na kikɛ. B daŋ wora loŋ nna ashi Juda be efuli so kikɛ nɛ Bɛnjamin nɛ Efrayim nɛ Manase be kaba so kikɛ. Kumo be kaman nɛ b bɛta n yɔ epe.

Nshɛ 106:40

Amoso Enyɛnpe Ebɔrɛ na daŋ nya agbo n wora mbe basa nna nseŋ daŋ kishi bumo be asheŋ.

Nshɛ 89:38

Ama naniere fo, Ebɔrɛ na nya agbo nna n wɔtɔ ewura nɛ fo lara na nseŋ kini mo n lɛ, nseŋ pal kaman n sa mo.

Aizaaya 27:9

Ekpa koŋwule so nɛ Israɛlebi beeŋ tiŋ m bɔla so n nya bumo be alubi nɛ kewora n jija be ketampaŋ. A daga fanɛ b bure nnyamase be agbirsure nɛ b pɔr a chɔɔ eduwu amo so na nseŋ tia kegbirche nɛ baa tre Ashira na be ndibi tenteŋ nɛ b yuu na kikɛ n lɛ.

Jɛremaya 14:19

Ade be kaman nɛ basa na kule Ebɔrɛ ŋ kaŋɛ le: Enyɛnpe Ebɔrɛ, fo kini Juda n lɛ nna ere a? Fo kishi Jerusalɛm be basa nna ere a? Manɛ nna nɛ fo doro anyi ga loŋ, hale anyi maaŋ tiŋ n nya kechɛ? An daa tama kayurwushi nɛ eyur be alenfia nna, ama etɔrɔ nɛ e bee keta kufu e ba anyi so.

Jɛremaya 16:18

Meeŋ shin nɛ b ka bumo be alubi nɛ asheŋ jiga be akɔ ntuŋ anyɔso, ŋkpal manɛ so, b ta agbirana nɛ e maŋ kɔ ŋkpa fanɛ bubuni nɛ ŋ kishi amo be asheŋ na m ba sɔ ma kasawule so be kaplɛkama n shin nɛ k wora eyurpi daŋkare be ekpa so.”

Ezikɛl 16:39

Kumo be kaman, meeŋ shin nɛ fo jipoana e bure m bure mboŋ nɛ fee ji kesakalea na nsaa shuŋ agbirana na kikɛ. Baaŋ suge fo asɔbuuso nɛ abitasɔ na kikɛ ŋ ka fo kayurkpaŋ nɛ enɔfuloŋ.

Ezikɛl 43:7

“Dimɛdi pibi, Ezikɛl, ma kuwurputi be kakpa nna na. Meeŋ baa wɔ Israɛl be basa nɛ b la ma basa ere to a ji kuwura bumo so hale mbaanaayɔ. Israɛl be basa ŋko bumo be bewuraana maaŋ naŋ shuŋ agbirana ŋko n wora kanyiŋi be asɔ nɛ a bee ŋaba ma ketre cheembi na n yili nfe n sa bumo be bewura nɛ b wu na.

Ezikɛl 6:13

Jemanɛ nɛ bumo be basa beeŋ wu n dese abeebi nɛ abeegboŋ be awɔlto nɛ ndibi gboŋ be yiri nɛ a la bumo be agbirana be eshuŋkpaana nɛ baa chɔɔ duwu a sa bumo be agbirana kikɛ be afito na nɛ baaŋ pin fanɛ ma e la Enyɛnpetale Ebɔrɛ na.

Hoziya 10:2

Ŋgbene kpakpasowuraana beeŋ ji bumo be alubi be tɔnɔ. Enyɛnpe Ebɔrɛ beeŋ bure bumo be ebɔrɛsure na nseŋ jija bumo be agbirjembu nɛ b yuu na gba.

Levitikɔs 20:23

Men sa maa bɛ basa nɛ b wɔ ndoŋ na be edaŋkaresheŋ so a wora asheŋ fanɛ bumo. Mee ju nnyamase na nna nɛ men nya ekpa n luri kasawule na so, ŋkpal b ka wora asheŋ lubi n shin nɛ ma kagbene kaa so.

Levitikɔs 26:11

Meeŋ baa wɔ ma wajɛbu na to ashi menyi to, ma alɛ maa lar menyi be kaman kikɛ.

Levitikɔs 26:15

Nɛ men kini kewora ma mbraana kasonu nsaa maŋ wora m bɔla ma nɛ menyi be kɔnɔkoŋwule be ŋkre na so,

Eemɔs 6:8

Le nɛ Enyɛnpetale Ewurgboŋ na kaŋɛ kenishipereso: “Israɛl be basa be kamoowu nɛ b kɔ na be asheŋ bee nu ma agbo alegaiso. Ŋ kishi bumo be nwu gboŋgboŋi nɛ b pɔr na ga. Ma alɛ beeŋ ta bumo be kadegboŋ na nɛ kusɔ kama nɛ k wɔ kumo to n sa bumo doŋana.”

Eemɔs 7:9

Abee so be mboŋ nɛ basa daa shuŋ Ebɔrɛ na kikɛ beeŋ mur. Nɛ bumo be ebɔrɛlambuana kikɛ a ki alambure. Nɛ n shin nɛ Ewura Jeroboam be kuwurji malɛ e ba ekar.”

Ditɛronɔmi 32:19

Enyɛnpe Ebɔrɛ na ka wu loŋ nɛ e nya agbo nseŋ kini mbe mbia n lɛ.