Levitikɔs 26:3 - EBƆRƐ BE KAWƆL

³ Nɛ menyee bɛ ma mbraana so nsaa wora kusɔ nɛ ŋ kaŋɛ kasonu,

Levitikɔs 26:3 ပူးပေါင်းရင်းမြစ်များ

Nehemaya 1:9

Ama nɛ fanɛ an bɛta m ba fo kutɔ nseŋ wora kusɔ nɛ fo nase n sa anyi na bre, hale nɛ an pesaŋ to n sɔ durnya ere be efuli kikɛ so gba, feeŋ naŋ bɛta anyi m ba kakpa nɛ fo daŋ yili kumo fanɛ an baa shuŋ fo na.

Ɛksodɔs 23:25

Nɛ men baa shuŋ ma, Enyɛnpe Ebɔrɛ, men be Ebɔrɛ na, ma alɛ beeŋ nɛfa men be ajibi nɛ men be nchu nseŋ lara alɔana kikɛ ashi menyi to.

Aizaaya 1:19

Nɛ menyeeŋ baa wora ma kasonu bre, menyeeŋ baa nya asɔ lela kasawule ere so a ji.

Aizaaya 30:23

Ade be kaman, jemanɛ kikɛ nɛ men duu asɔ, Enyɛnpe Ebɔrɛ na beeŋ shin nɛ bɔrɛchu e ba nɛ a kɔr n daŋ nseŋ wora nɛnɛ nɛ men teŋi. Men be asɔbɔya malɛ gba beeŋ nya ejikpa damta a ji.

Jɛremaya 11:4

K la kɔnɔkoŋwule be ŋkre nɛ ma nɛ bumo nanaana wora nna jemanɛ nɛ n daŋ lara bumo ashi Ijipt be efuli so nɛ k daa du fanɛ edɛ wuloŋwuloŋ n sa bumo nɛ b daŋ ji awurfoŋ ga kumo to na nna. N daŋ yili kumo nna n sa bumo fanɛ b baa wora asheŋ nɛ ŋ kaŋɛ kenishipereso na, saŋɛ na so, baaŋ baa la ma basa nɛ ma alɛ e baa la bumo be Ebɔrɛ.

Levitikɔs 19:25

Ama menyeeŋ tiŋ n ji kafɛ nusopo na to be asɔrso na. Nɛ men wora ade kikɛ bre, men be ndibi sɔrso beeŋ baa sɔr nɛnɛ ga. Ma e la Enyɛnpe, men be Ebɔrɛ na.

Zakareya 8:12

Meeŋ shin nɛ men dɔ n duu menyi be asɔduuso kayurwushiso. Menyi be afeelebi nɛ e bee sɔr asɔrso nɛ baa tre greeps na beeŋ sɔr nɛnɛ, nɛ bɔrɛ e ba ga nɛ men be kasawule e wora adɔjibi nɛnɛ. Ma efuli so be basa nɛ baaŋ ji efute na nɛ meeŋ nɛfa le be ekpa so.

Malakai 3:10

Men ta menyi be kudukudusopo kikɛ m ba Enyɛnpe Ebɔrɛ be lambu to, saŋɛ na so ajibi damta beeŋ baa wɔ ndoŋ. Men wora ma ŋ keni, nɛ m bugi Ebɔrɛso be etokuro n chulgi enɛfa be yiri yiri alegaiso n sa menyi nɛ menyi maaŋ nya kakpa gba n yili amo.

Ditɛronɔmi 7:12

Nɛ men nu nseŋ wora mbraana ere kasonu kashenteŋto, Enyɛnpe menyi be Ebɔrɛ na beeŋ baa bɛ menyi nɛ mo be kɔnɔkoŋwule be ŋkre na so nseŋ ŋini menyi mbe kasha nɛ k maa loge na fanɛ kananɛ e nase men nananyɛnana kɔnɔ na.

Kelaraŋŋini 22:14

Kagbenefuli la bekama nɛ b fɔr bumo be epiŋi nɛ a lar so nseŋ nya ekpa nɛ b ji ŋkpa be kedibi na be asɔrso nseŋ naŋ nya m bɔla mbuna to na n luri kadegboŋ na to na peya nna.