Levitikɔs 26:26 - EBƆRƐ BE KAWƆL

²⁶ Meeŋ ti ekpa nɛ menyee bɔla so a nya ajibi na, saŋɛ na so beche kudu beeŋ baa tɔ bumo be ebodobodo ashi ebodobodo be ebu koŋwule to. Baŋ baa karga amo nna a sa ekama, nɛ men we amo n loge gba, men kraa maaŋ moɛ.

Levitikɔs 26:26 ပူးပေါင်းရင်းမြစ်များ

2 Bewura 6:25

Ŋkpal benapo na ka daŋ pugi ŋ kulti kade na so, ajibi be asheŋ daŋ ki kpakpa nna ashi kade na to. Ŋkpal loŋ so gbiti be ndarbi aduburwa nɛ b daa fa kurma be kumu nsaa fa kupuŋ to be albasa kurwa fimbi be bɔlɔ malɛ gbiti be ndarbi anu.

Nshɛ 105:16

Enyɛnpe Ebɔrɛ na daŋ shin nɛ ewule ba efuli na so nna nɛ bumo be adɔjibi kikɛ mur.

Aizaaya 3:1

To, Enyɛnpetale Ebɔrɛ na bee shin nɛ e lara kusɔ kama nɛ esa kama nɛ basa ta bumo be anishi n yuu so ashi Jerusalɛm to nɛ Juda be efuli so nna. E bee shin nɛ e lara bumo be ajibi jiso nɛ nchu nuuso,

Aizaaya 5:10

Yabra belbelso fanɛ egalɔn ashe nawule nɛ esa beeŋ nya ashi ndibi sɔrso be kudɔ nɛ k fo fanɛ nto adunyɔ be kasawule so, nseŋ nya ayu beeŋ wora ekurwa kuduaburwa nawule ashi ayuduu ekurwa kalfa nɛ aduburwa nɛ e ta n duu to.”

Aizaaya 9:19

Enyɛnpetale Ebɔrɛ na ka nya agbo so, mbe kasogberge bee chɔɔ nna fanɛ edɛ a mur basa na ashi kasawule na kikɛ so, nɛ k ki fanɛ ekama nɛ mbe kumu so be asheŋ nna na.

Aizaaya 9:20

Basa bee fuu ajibi kama nɛ b wu kenishiso nna a ji ashi efuli na be kaplɛkama, ama akoŋ kraa mɔ bumo. B daa daŋɛ bumo be mbia gba nna a we!

Jɛremaya 14:12

Nɛ b kishi n luri kabɔrɛkule to gba, m maaŋ nu bumo be kekule nɛ baaŋ kule a fin kechɛto na. Nɛ b bar ma esarga chɔɔso nɛ ayu be esarga gba, bumo be asheŋ kraŋ maaŋ par ma. Kusɔ nɛ meeŋ shin nɛ k wora bumo e la fanɛ, baa wu kena to ŋko akoŋ nɛ alɔ beeŋ mɔ bumo.”

Ezikɛl 14:13

“Dimɛdi pibi, nɛ efuli ko so be basa wora alubi n da ma so nsaa maŋ ji kashenteŋ n sa ma, nɛ n shin nɛ bumo be adɔjibi jija nɛ akoŋ tɔr m mɔ basa na nɛ bumo be asɔbɔya kikɛ,

Ezikɛl 4:10

Feeŋ baa jɔ amo gbrɛgbrɛbi nna a wora ajibi kachɛ kama a ji,

Ezikɛl 4:16

Kumo be kaman nɛ e kaŋɛ ma: “Dimɛdi pibi, meeŋ shin nɛ akoŋ a tɔr Jerusalɛm be basa so nɛ ajibi be asheŋ a ki kpakpa ga n sa bumo nɛ b ta kafɔŋ nɛ kagbene jija a karga ajibi nɛ nchu nuuso a sa abar,

Ezikɛl 4:17

ŋkpal manɛ so, ajibi nɛ nchu be asheŋ beeŋ ki kpakpa. Kusɔ nɛ k beeŋ wora na beeŋ chinchiŋ bumo hale nɛ b baa chicha. Ekama beeŋ foe eyur to hale n ya wu ŋkpal bumo be alubi so.”

Ezikɛl 5:16

Ma alɛ beeŋ naŋ shin nɛ akoŋ e mɔ menyi fanɛ b ka to menyi atanyembi m mɔ na. Kashenteŋto, meeŋ mur menyi be adɔjibi nɛ akoŋgboŋ a tɔr menyi so.

Hoziya 4:10

Menyee ji ajibi ga, ama menyi alɛ maa moɛ kikɛ. Menyee yɔ agbir to n ya kaa fin mbia, ama menyi alɛ maa nya bumo kikɛ. Ŋkpal manɛ so, men kini ma nna nseŋ ya kaa bɛ agbir so.”

Levitikɔs 26:27

Nɛ fanɛ ade kikɛ be kaman, men kraa maa shuli a sa ma nseŋ kini kewora ma kasonu,

Maika 6:14

Menyeeŋ ji ajibi, ama menyi alɛ maaŋ moɛ. Menyeeŋ chala asɔ n yili, ama menyi alɛ maaŋ baa kɔ mpetɛ nɛ a yil. Ma, Enyɛnpe Ebɔrɛ na beeŋ shin nɛ bedoŋ e ba kɔ n suge amo kikɛ.

Heegai 1:6

Men duu asɔ damta, ama asɔ gbrɛbi nɛ men teŋi. Menyee ji ga, ama menyi alɛ maa moɛ. Menyee nuu nchu ga, ama a maa tuge menyi achukoŋ. Menyee buu asɔbuuso, ama men kraa shu awo. Beshumpo bee shuŋ a nya kakɔka, ama k du fanɛ b kaa bee ta amo a wɔtɔ ekɔlgu nɛ a futi to nna.”