Levitikɔs 26:20 - EBƆRƐ BE KAWƆL

²⁰ Menyi maaŋ nya shɛŋ ashi kushuŋ kpakpaso kama nɛ menyeeŋ shuŋ to, ŋkpal manɛ so, menyi be adɔjibi nɛ ndibi sɔrso maaŋ wora kasawule na so.

Levitikɔs 26:20 ပူးပေါင်းရင်းမြစ်များ

Jɛnesis 4:12

Fo naŋ dɔ kumo so gba, fo maaŋ nya shɛŋ. Yili kabre a yɔ fo maaŋ baa kɔ epe, feeŋ baa la efɔ nna a na chamcham durnya ere to.”

1 Bewura 18:2

Ndoŋ nna nɛ Elaija pɛ ekpa n yɔ nɛ e ya wu ewura Ahab. Kumo be jemanɛ so nɛ akoŋgboŋ tɔr Samɛria be kade to,

Job be kawɔl 31:40

kumo ere Ebɔrɛ e shin nɛ afitiri nɛ ewi a kɔr n sɔ kasawule na kikɛ so, mannɛ ayu ŋko aboyu. Job be kamalga be ekar nna na.

Nshɛ 107:34

nɛ adɔsawule lela ki nsawule wuso a dese, ŋkpal basa nɛ b wɔ ndoŋ be amu kpakpaso so.

Nshɛ 127:1

Enyɛnpe Ebɔrɛ na baa maŋ chɛ to m pɔr kowu na, bepɔrpo bee gben jiga nna. Nɛ e baa maŋ kuŋ kadegboŋ na, bekumpo na bee kuŋ kumo jiga nna.

Aizaaya 17:10

Menyi Israɛlebi teŋ Ebɔrɛ nɛ e bee mɔlga menyi nsaa kuŋ menyi fanɛ kefalta gboŋ na so nna. Men dɔ atoto be adɔbi nna a shuŋ agbirana amo to.

Aizaaya 17:11

Ama nɛ aduuso na kɔr n daŋ nseŋ purge kachɛ nɛ men duu amo na kikɛ gba, men kraa maaŋ teŋi shɛŋ amo so, ama etɔrɔ nɛ ebesa nɛ a maaŋ ku nɛ menyeeŋ nya.

Aizaaya 49:4

Ndoŋ nna nɛ ŋ kaŋɛ le: “N shuŋ ŋ gben jiga. N ta ma eleŋ n shuŋ ga, ama ma alɛ maŋ nya shɛŋ. Kusɔ nɛ k daga fanɛ n nya kikɛ wɔ Enyɛnpe Ebɔrɛ na be enɔ to nna. Mo e naaŋ ka ma kumo be kukɔ.”

Jɛremaya 12:13

Ma basa daŋ dɔ n duu ayu, ama afitiri nɛ b teŋi. B daŋ shuŋ ŋ gben ga, ama bumo alɛ maŋ nya shɛŋ kumo to. Ŋkpal ŋ ka daŋ nya agbo ga so, bumo be adɔjibi daŋ maŋ wora n sa bumo.”

Hoziya 2:11

Meeŋ shin nɛ mbe kamooji na kikɛ e ba ekar, mbe kafɛ kafɛ nɛ kufɔl kufɔl nɛ kewushiachɛ kikɛ be kamooji na beeŋ ba ekar.

Levitikɔs 26:4

meeŋ shin nɛ bɔrɛ e baa ba menyi jemanɛ nɛ k daga, saŋɛ na so adɔjibi beeŋ baa wora nɛnɛ nɛ ndibi e baa sɔr nɛnɛ kasawule na so.

Habakuk 2:13

Efuliana nɛ men daŋ kɔ m pɔɔ so na be basa daŋ shuŋ ŋ gben jiga hale a bɛlɛ nna. Asɔ nɛ b gben m pɔr na kikɛ ji edɛ. Enyɛnpe Ebɔrɛ e shin nɛ loŋ wora na.

Heegai 2:16

ekama nɛ e daa yɔ aboyu nɛ e buri n nase ase daa tama kenya aboyu fanɛ ebɔtɛ anyɔ nna, ama e daa nya bɔtɛ koŋwule nna. Esa beeŋ yɔ yabra to a tama kenya ekɔlba kalfa be bɔlɔ bɔlɔ, ama e bee nya ekɔlba adena nna.

1 Kɔrintebi 3:6

An baa du fanɛ basa nɛ b wɔ ndɔ to a shuŋ nna. Ma e duu asɔ duuso nɛ Apɔlɔs wora nchu n wurge amo so, ama Ebɔrɛ e shin nɛ a daŋ.

Galeeshaebi 4:11

Men be asheŋ bee ku ma kagbene nna nɛ mee fɛ fanɛ shere ŋ gben menyi so jiga nna na.

Ditɛronɔmi 11:17

Nɛ men wora loŋ, Enyɛnpe Ebɔrɛ na beeŋ nya agbo n wɔtɔ menyi nseŋ pɛ bɔrɛ nɛ menyi be adɔsawule e wɔl nɛ menyi be adɔjibi e wora ŋ gben. Kumo be kaman k maŋ chɛr nɛ menyi gbagba e wu m mur kasawule lela nɛ Enyɛnpe Ebɔrɛ na bee sa menyi na so.

Ditɛronɔmi 28:18

Enyɛnpe Ebɔrɛ na be kɔnɔsho beeŋ ba menyi nɛ menyi be mbia nɛ adɔjibi nɛ ana nɛ mbolpɔ so nɛ a maaŋ foo.

Ditɛronɔmi 28:42

Elotɔr beeŋ ba ji menyi be ndibi be afantaŋ nɛ asɔrso nɛ menyi be adɔjibi kikɛ m mur.

Ditɛronɔmi 32:22

Kumo be kaman nɛ ma agbo e suse fanɛ edɛ n chɔɔ kusɔ kama durnya to, n ta menyi be adɔ n ti so. Edɛ na beeŋ chɔɔ hale bubuni to ashi kasawule to nseŋ naŋ chɔɔ abeeana gba m mur.