Levitikɔs 26:18 - EBƆRƐ BE KAWƆL

¹⁸ Ade kikɛ be kaman, nɛ men kraa maŋ wora ma kasonu, meeŋ shin nɛ menyi be kasogberge e ti so ale shunu.

Levitikɔs 26:18 ပူးပေါင်းရင်းမြစ်များ

Nshɛ 119:164

Ale shunu nɛ mee kpaŋ fo karechɛ kikɛ, ŋkpal fo mbraana ka niŋi nsaa maŋ kɔ ŋkpɛato so.

Ɛksodɔs 9:14

Nɛ mannɛ aloŋ, meeŋ shin nɛ kulɔ lubi nɛ k chɔ etɔrɔana ere kikɛ e tu fo nɛ fo beyaasepo nɛ fo basa kikɛ nɛ fo pin fanɛ esa kikɛ maŋ naa wɔtɔ a du fanɛ ma ashi durnya ere to kikɛ.

Aŋasa 24:16

Basa niŋiso bee tɔr alɛ damta nsaa koso ama tɔrɔ baŋ ba alubiworapo bre so nɛ e tɔr kela koŋwule gba e maaŋ naŋ tiŋ n niŋi to kikɛ.

Aizaaya 5:25

Enyɛnpe Ebɔrɛ na nya agbo ga nna n wɔtɔ mbe basa nsaa shin nɛ e gberge bumo kusoe kenishipereso. Abee beeŋ gbuŋgbuŋ nɛ basa e wu n dese agbembiana so fanɛ epi na. Ama amo nɛ amo kikɛ Enyɛnpe Ebɔrɛ na be agbo kraa maaŋ wushi. E kraa beeŋ baa sha kegberge menyi kusoe n ti so.

Jɛremaya 14:4

Ŋkpal bɔrɛ ka maa ba nɛ kasawule wɔl a dese so; bedɔpo be ŋgbene jija bumo ga nna nɛ b ta bumo be anishi a ŋana.

Danɛl 3:19

Ndoŋ nna nɛ ewura Nebukadneeza nya agbo alegaiso n wɔtɔ Shaadrak nɛ Mɛshaak nɛ Abedneego, nseŋ shin nɛ b foŋ edɛ na to nɛ e bee tushi ale shunu so a chɔ kananɛ a daa du sososo na.

Levitikɔs 26:21

Nɛ men kraa maa sa ma kashuli nseŋ kini kenu n sa ma, ŋ kraa beeŋ shin nɛ men be kasogberge e naaŋ ti so ale shunu.

Levitikɔs 26:24

kumo ere meeŋ baa kraa la men doŋ nseŋ shin nɛ menyi be kasogberge a ti so ale shunu a chɔ dra na peya.

Levitikɔs 26:28

kumo ere meeŋ nya agbo n wɔtɔ menyi nseŋ shin nɛ menyi be kasogberge e ti so ale shunu so a chɔ adra na.

1 Samuɛl 2:5

Basa nɛ b daa nya a ji yɛlyɛla so na bee ji paa nna a fin bumo be kusɔ jiso naniere, ama bekama nɛ akoŋ daa mɔ na bre maŋ naa shu akoŋ. Fo e shin nɛ egbentepo kurge mbia ashunu, nɛ bibi damta bumo nio malɛ paŋ mbe mbia kikɛ.