Levitikɔs 26:15 - EBƆRƐ BE KAWƆL

¹⁵ Nɛ men kini kewora ma mbraana kasonu nsaa maŋ wora m bɔla ma nɛ menyi be kɔnɔkoŋwule be ŋkre na so,

Levitikɔs 26:15 ပူးပေါင်းရင်းမြစ်များ

Jɛnesis 17:14

Amoso enyɛn kama nɛ e maŋ ku kututu daga b ka lara mo ashi ma basa to, ŋkpal manɛ so, e maŋ bɛ ma kɔnɔkoŋwule be ŋkre be kɔnɔ naseso na so nna na.”

2 Bewura 17:15

B daa maa bɛ Enyɛnpe Ebɔrɛ na be keŋini so, nseŋ kini kebɛ kɔnɔkoŋwule be ŋkre nɛ mo nɛ bumo nananyɛnana daŋ kre na gba so. B daa maŋ ta mbe kasokpele na gba n tre shɛŋ. B daa wɔtɔ nna a shuŋ agbir fuloŋ nseŋ ki basa fuloŋ. Efuli pɔtɛana nɛ a kulti bumo na be edaŋkaresheŋ nɛ Ebɔrɛ maa sha na nɛ b daa bɛ so.

2 Kronikɛls 36:16

Ama b daŋ kplaŋ Enyɛnpe Ebɔrɛ be kamalga so nna nsaa wora mbe mbɔ nɛ e daa shuŋi bumo kutɔ na amɔmɔshiasheŋ nsaa mushe mbe anebiana na, hale nɛ Enyɛnpe Ebɔrɛ be agbo kaa alegaiso nɛ shɛŋ maŋ naa wɔtɔ nɛ k sɔ basa na.

Nshɛ 50:17

Men kini ma keŋini nsaa kplaŋ ma mbra so.

Ɛksodɔs 19:5

Amoso naniere nɛ men baŋ wora kasonu cheche n sa ma nseŋ bɛ ma kɔnɔkoŋwule be ŋkre na so bre, menyeeŋ baa kraa la ma basa gbagba nɛ mee sha ga ashi basa kikɛ to na. Kasawule ere kikɛ la meya nna.

Ɛksodɔs 24:7

Kede be kaman nɛ e ta kɔnɔkoŋwule be ŋkre be kawɔl na ŋ kraŋ kumo awɔrso nɛ basa na nu nseŋ kaŋɛ le: “Mmalga nɛ Enyɛnpe Ebɔrɛ na malga na kikɛ, anyeeŋ bɛ amo so nseŋ wora kasonu n sa amo.”

Aŋasa 1:30

Fo kini ma kasotoji nsaa maŋ shin nɛ n niŋi fo ekpa.

Aŋasa 1:7

Kabɔrɛŋana e la kenyi be sososo. Ewulpo e naa kini kanyiasheŋ be kekoya nɛ kebela be kasogberge.

Aŋasa 5:12

Loŋ be jemanɛ na so nɛ fo kaŋɛ le: “Manɛ e ba nɛ n daa maŋ koya? Manɛ nna nɛ m maŋ shuli n sɔ keŋini?

Aizaaya 24:5

Edimɛdi jija durnya nna ŋkpal b ka kini kewora Ebɔrɛ be mbraana kasonu so. Bumo alɛ maŋ naa sa bumo nɛ Ebɔrɛ be kɔnɔkoŋwule be ŋkre nɛ k daga fanɛ k baa wɔtɔ mbaanaayɔ na bunyaŋ.

Jɛremaya 11:10

Kananɛ bumo nananyɛnana daŋ kini kenu ma mmalga nseŋ shuŋ agbir pɔtɛana nseŋ bɔla amo so n wora kulubi na nɛ bumo alɛ gba bee wora na. Juda nɛ Jerusalɛm to be basa kikɛ kini kewora m bɛ kɔnɔkoŋwule be ŋkre nɛ ma nɛ bumo nanaana wora na so nna.

Jɛremaya 31:32

Kɔnɔkoŋwule be ŋkre popɔr na beeŋ baa du fanɛ kedra nɛ ma nɛ bumo nananyɛnana daŋ wora jemanɛ nɛ n daŋ juŋkpar bumo n lar Ijipt be kasawule so nsaa ŋini bumo ekpa ashi bumo be enite to na nna. N daa du fanɛ ekul nɛ e bee sha mbe eche ga na nna n sa bumo, ama b daa maŋ bɛ ma nɛ bumo be kɔnɔkoŋwule be ŋkre na so.

Jɛremaya 6:19

Bumo be ashiri to be ŋkre na so, meeŋ shin nɛ jɛrbi gboŋgboŋi e ba bumo so, nɛ k baa la kasogberge n sa bumo ŋkpal b ka kini ma keŋini nsaa maŋ wora ma mmalga kasonu so.

Ezikɛl 16:59

Nɛ Enyɛnpe Ebɔrɛ naŋ kaŋɛ: “Meeŋ gberge fo, Jerusalɛm, kusoe ŋkpal fo ka kplaŋ ntaŋ nɛ fo bɔ na so nseŋ jija ma nɛ fo kɔnɔkoŋwule be ŋkre na so.

Levitikɔs 26:11

Meeŋ baa wɔ ma wajɛbu na to ashi menyi to, ma alɛ maa lar menyi be kaman kikɛ.

Levitikɔs 26:43

Ama, pɔɛŋ nɛ loŋ e wora, a daga fanɛ kasawule na e dese jiga n wushi nɛnɛ, nɛ bumo alɛ e ka bumo kekini ma mbraana nɛ atandeana na be kukɔ kikɛ.

Levitikɔs 26:9

Meeŋ nɛfa menyi nseŋ sa menyi mbia damta. Ma alɛ beeŋ bɛ kɔnɔkoŋwule be ŋkre nɛ ma nɛ menyi kre na so.

Malakai 2:2

Men shin nɛ menyi be asheŋ woraso e baa sa ma bunyaŋ. Men baa maa nu kusɔ nɛ mee kaŋɛ menyi, meeŋ shin nɛ kɔnɔsho a pɛ menyi. Asɔ kama nɛ a la nɛfa n sa menyi na gba, meeŋ sho amo kɔnɔ. Kashenteŋto, n tiŋ n sho amo kɔnɔ gba, ŋkpal men ka maŋ ta ma mmalga kenishipereso so.”

Nɔmbɛs 15:31

Ŋkpal amodoŋwura ka kini kenu n sa Enyɛnpe Ebɔrɛ na nseŋ kute n wora n da mbe mbra na so so, men ju mo nɛ e maŋ naa wɔ mbe basa to. Mo alɛ be kulubi beeŋ bɛ mo gbagba be kumu so.”

Ashuŋ Shunso 13:41

‘Menyi nɛ menyee fɛl kusɔ nɛ Ebɔrɛ kaŋɛ na, men nu nfe. Menyeeŋ kooba nseŋ wu. Meeŋ wora kusɔ ko menyi be ŋkpa ere to, ama esa bugi kumo to n sa menyi gba, men maaŋ yirda kumo.’ ”

Romebi 8:7

Amoso, nyiŋgbasa baŋ shin nɛ kapɔr lubi ere wɔ mbe nfɛra, kumo ere e ki Ebɔrɛ mo doŋ nna na, ŋkpal manɛ so, e maa nu a sa Ebɔrɛ be mbra na. Kashenteŋto, e baŋ maaŋ tiŋ n nu n sa kumo nna gba kuraa.

Ditɛronɔmi 31:16

Kumo be kaman nɛ Enyɛnpe Ebɔrɛ na kaŋɛ Mosis le: “Fo maaŋ naŋ chɛr nseŋ wu. Fo alɛ be luwu be kaman basa na maaŋ naa ji kashenteŋ a sa ma nseŋ lar kɔnɔkoŋwule be ŋkre nɛ ma nɛ bumo kre na to. Baaŋ lar ma kaman n ya kaa shuŋ nnyamase be agbirana nɛ a wɔ kasawule nɛ baa yɔ na so.

1 Tɛsalɔnikaebi 4:8

Amoso, ekama nɛ e kini keŋini ere, mannɛ nyiŋgbasa nɛ e kini, ama Ebɔrɛ nɛ e bee sa menyi mbe Kiyoyu na nɛ e kini.

Hibruwebi 8:9

Ma Enyɛnpe na naŋ kaŋɛ: Loŋ be kɔnɔ naseso na maaŋ baa du fanɛ kumo nɛ n nase n sa bumo nananyɛnana kachɛ nɛ m pɛ bumo be enɔana n lara bumo ashi Ijipt be kasawule so na. Ŋkpal b ka daa maŋ ji bumo be amu kashenteŋ m bɛ ma kɔnɔ naseso so n ya fo ekar na so, m pal ma kaman nna n sa bumo.

1 Samuɛl 12:15

Ama nɛ men baa maa nu a sa Enyɛnpe Ebɔrɛ na nsaa kplaŋ mbe mbra so bre, e beeŋ lara kenishi n yuu menyi nɛ men be ewura fanɛ kananɛ e daŋ wora men nananyɛnana na dra na.