Levitikɔs 26:14 - EBƆRƐ BE KAWƆL

¹⁴ Kumo be kaman nɛ Enyɛnpe Ebɔrɛ naŋ kaŋɛ: “Nɛ men maŋ nu m bɛ ma mbraana so, menyeeŋ luri kasogberge to.

Levitikɔs 26:14 ပူးပေါင်းရင်းမြစ်များ

2 Bewura 22:13

“Enyɛnpe Ebɔrɛ na be agbo beeŋ baa wɔ ma nɛ ma basa kama nɛ b kraa wɔ Juda be efuli ere so so ga ŋkpal an nananyɛnana ka maŋ nu n sa mo nseŋ kini kewora kusɔ nɛ kawɔl ere bee ŋini fanɛ b wora na so. Amoso men ya bishi n fin kusɔ nɛ Enyɛnpe Ebɔrɛ na bee sha fanɛ an wora.”

2 Kronikɛls 34:24

le be kubɔya nɛ k shi Enyɛnpe Ebɔrɛ kutɔ ere. E yɛ Ebɔrɛ yɛ: “Meeŋ gberge Juda be basa kikɛ kusoe fanɛ kananɛ b kraŋ kawɔl na to ashi Juda be ewura be anishito na.

2 Kronikɛls 7:19

Ama nɛ fanɛ fo ŋko Israɛl be basa ko kini kebɛ ma mbra so nsaa shuŋ efuli pɔtɛana so be agbir,

Nshɛ 81:12

Ŋkpal loŋ so nɛ n yige bumo n sa bumo be ŋkpensheŋ be kebaawɔtɔ nɛ b wɔtɔ a wora asheŋ nɛ baa sha.

Aŋasa 3:33

Enyɛnpe Ebɔrɛ na be shoduu wɔ basa lubi pe nna, nɛ mbe nɛfa malɛ wɔ basa lela pe.

Jɛremaya 11:8

Ama b maŋ wora ma kasonu. Kusɔ nɛ b wora e la fanɛ, bumo be ekama kraa wɔ bumo be kagbene kpakpaso to nna a wora asheŋ lubi. N daŋ kaŋɛ bumo kenishipereso nna fanɛ b baa bɛ kɔnɔkoŋwule be ŋkre na so, ama b kini kebɛ kumo so. Amoso nɛ n shin nɛ kasogberge nɛ e wɔ kumo to na ba bumo so na.”

Jɛremaya 17:27

Ama a daga fanɛ b baa wora ma kasonu nsaa ta ma kewushiachɛ na fanɛ kachɛ cheembi nsaa maa sulɔ asɔ a bɔla Jerusalɛm be mbunagboŋana na to a luri a lar loŋ be kachɛ na. Nɛ b kini nseŋ wora loŋ, meeŋ shin nɛ Jerusalɛm be mbunagboŋana na e ji edɛ. Jerusalɛm to be ewurkpaana beeŋ ji edɛ n tɔr nɛ esa kikɛ maaŋ tiŋ n duŋ edɛ na.”

Jɛremaya 26:4

Kumo be kaman nɛ Enyɛnpe Ebɔrɛ na naŋ kaŋɛ ma fanɛ ŋ kaŋɛ basa na le: “Ma, Enyɛnpe Ebɔrɛ na e naa kaŋɛ menyi na fanɛ men baa wora ma kasonu nsaa bɛ ma keŋini nɛ n ta n sa menyi na so,

Jɛremaya 28:8

dra dra pɔɛŋ nɛ b kurge anyi na nɛ anebiana na bee kaŋɛ fanɛ kena nɛ jɛrbi nɛ alɔ beeŋ ba efuli damtaana nɛ kuwurjiana nɛ e kɔ eleŋ ga na so.

Jɛremaya 32:23

Ama b ka ba kasawule ere so m ba sɔ kumo ŋ ki bumo peya na be kaman, b maŋ wora fo kasonu ŋko m bɛ fo mbra so. Kusɔ kama nɛ fo yili bumo fanɛ b wora na b maŋ wora kumo. Amoso nɛ fo shin nɛ kemur ere ba bumo so na.

Jɛremaya 40:2

Nebuzaradan daŋ keta ma nna n lar ekarso nseŋ ya kaŋɛ ma le: “Enyɛnpe fo Ebɔrɛ na daŋ kpele fo basa kusoe fanɛ e beeŋ mur kasawule ere,

Nfabel 1:18

Enyɛnpe Ebɔrɛ na kɔ ekpa nɛ e wora loŋ, ŋkpal manɛ so, anyi maŋ wora mo kasonu nna. Kaplɛkama be basa, men nu nfe. Men keni ebesa nɛ anyee ji. An doŋana pɛ anyi be mbifɔlbi nna n yɔ kenyaya to ashi efuli wɔfɔ so.

Nfabel 2:17

Kusɔ nɛ Enyɛnpe Ebɔrɛ na kre nseŋ kaŋɛ fanɛ e beeŋ wora na nɛ e wora na. Dra na kikɛ nɛ e kpele anyi kusoe fanɛ e maaŋ wu anyi kuwɔr; e yɛ e beeŋ mur anyi, mo alɛ mur anyi kashenteŋto. E shin nɛ an doŋana pɔɔ anyi so nɛ bumo be ŋgbene fuli, ŋkpal an ka kɔ n tɔr so so.

Danɛl 9:13

Kasogberge nɛ k dese Mosis be mbra na to na ba anyi kikɛ so. Ama amo nɛ amo kikɛ an kraa maa wora fo aparsheŋ. Kumo e la fanɛ an maŋ yige alubi be kewora, anyi alɛ maa bɛ fo kashenteŋ na so.

Hoziya 7:12

Meeŋ sho bumo keshewu m pɛ bumo fanɛ mbuibi. Meeŋ gberge bumo kusoe ŋkpal alubi nɛ baa wora na so.

Levitikɔs 26:18

Ade kikɛ be kaman, nɛ men kraa maŋ wora ma kasonu, meeŋ shin nɛ menyi be kasogberge e ti so ale shunu.

Malakai 2:2

Men shin nɛ menyi be asheŋ woraso e baa sa ma bunyaŋ. Men baa maa nu kusɔ nɛ mee kaŋɛ menyi, meeŋ shin nɛ kɔnɔsho a pɛ menyi. Asɔ kama nɛ a la nɛfa n sa menyi na gba, meeŋ sho amo kɔnɔ. Kashenteŋto, n tiŋ n sho amo kɔnɔ gba, ŋkpal men ka maŋ ta ma mmalga kenishipereso so.”

Ashuŋ Shunso 3:23

Ekama nɛ e kini kenu kusɔ nɛ anebi na beeŋ kaŋɛ menyi, baaŋ lara mo Ebɔrɛ be basa to n shin nɛ e mur.’

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Joshuwa 23:15

Kananɛ e baaŋ bɛ kɔnɔ naseso kama nɛ e nase n sa menyi so na, loŋ koŋwule na nɛ e beeŋ tiŋ m bar kasogberge gba menyi so.

Demujipoana 2:15

Jemanɛ kikɛ nɛ b baŋ naŋ yɔ kena to, Enyɛnpe Ebɔrɛ na daa lar bumo kaman nna nɛ b kɔ n tɔr fanɛ kananɛ e daŋ kaŋɛ bumo fanɛ e beeŋ wora na. Ndoŋ nna nɛ kagbene jija damta tɔr Israɛlebi na so.

1 Samuɛl 12:15

Ama nɛ men baa maa nu a sa Enyɛnpe Ebɔrɛ na nsaa kplaŋ mbe mbra so bre, e beeŋ lara kenishi n yuu menyi nɛ men be ewura fanɛ kananɛ e daŋ wora men nananyɛnana na dra na.