Levitikɔs 26:13 - EBƆRƐ BE KAWƆL

¹³ Ma Enyɛnpe menyi be Ebɔrɛ na e lara menyi ashi Ijipt be efuli so m ba saŋɛ na so menyi maaŋ naa la anya. Ma e kɔ m pɔɔ eleŋ kama nɛ k daa ji menyi so na so, saŋɛ na so, menyi maŋ naa fɔŋ shɛŋ so na.”

Levitikɔs 26:13 ပူးပေါင်းရင်းမြစ်များ

Nshɛ 116:16

O Enyɛnpe Ebɔrɛ, n la fo kayɛrbi kashenteŋto nna; kananɛ n nio shuŋ fo na nɛ ma alɛ gba bee shuŋ fo na. Fo e mɔlga ma ashi luwu to.

Ɛksodɔs 14:8

Nɛ Enyɛnpe Ebɔrɛ naŋ shin nɛ Ijipt be ewura Fɛɛro be kagbene naŋ ki kpakpa nɛ e ju m buu Israɛl be basa na so, ŋkpal kananɛ b daŋ lar Ijipt a fɛ fanɛ shɛŋ shɛŋ maaŋ naŋ tiŋ n wora bumo na so so.

Ɛksodɔs 20:2

“Ma e la Enyɛnpe Ebɔrɛ, men be Ebɔrɛ mo nɛ e lara menyi ashi Ijipt be kasawule so, kakpa nɛ men daa wɔ kenyaya to na.

Ɛksodɔs 6:7

Menyeeŋ ba kraa la ŋ gbagba be basa nɛ ma alɛ e baa la menyi be Ebɔrɛ. Saŋɛ na so nɛ menyeeŋ pin fanɛ ma e la Enyɛnpe Ebɔrɛ nɛ e la menyi be Ebɔrɛ nɛ e lara menyi kenyaya to ashi Ijiptebi be enɔ to.

Aizaaya 51:23

Ama meeŋ shin nɛ kasogberge na e ba basa nɛ b kɔrfɛ menyi nseŋ shin nɛ men dese agbembi so, nɛ baa chichi menyi so fanɛ shishɛr na so.”

Aizaaya 9:3

Enyɛnpe Ebɔrɛ, fo shin nɛ fo basa wora keshi n ti so; fo alɛ nseŋ shin nɛ bumo be ŋgbene fuli bumo. Baa ji eyur kagbenefuliso ashi kusɔ nɛ fo wora to nna, fanɛ kananɛ basa nɛ b teŋi ayu be ŋgbene bee fuli bumo na, ŋko fanɛ basa nɛ b kɔ n suge asɔ kena to nsaa barga amo to na.

Jɛremaya 2:20

Kumo be kaman nɛ Enyɛnpetale Ebɔrɛ naŋ kaŋɛ le: “Israɛlebi, dra na kikɛ nɛ men kini ma kebaawɔ wɔ menyi. Menyi alɛ kini fanɛ men maaŋ wora ma kasonu ŋko n shuŋ ma. Men daa shuŋ agbirana ashi abeebi so nɛ ndibigboŋ nɛ e kɔ afantaŋ ga be afito nna, a fɛ fanɛ amo e naa sa menyi mbia.

Jɛremaya 28:2

Enyɛnpetale, Israɛl be Ebɔrɛ na yɛ: “Meeŋ jija Babilɔn be ewura be eleŋgboŋ nɛ e kɔ na.

Jɛremaya 28:4

Ma alɛ beeŋ naŋ bɛta Juda be ewura Jehowachin nɛ e sɔ mo tuto ewura Jehowakim so na nɛ Juda be basa nɛ b pɛ n yɔ Babilɔn be efuli so na kikɛ m ba. Kashenteŋto, meeŋ jija Babilɔn be ewura be eleŋgboŋ nɛ e kɔ na. Ma, Enyɛnpe Ebɔrɛ na e kaŋɛ.”

Ezikɛl 30:18

Jemanɛ nɛ meeŋ jija Ijipt be eleŋ nɛ baa puchi so nseŋ shin nɛ k ba ekar na, tentembiri beeŋ tɔr kadegboŋ nɛ baa tre Taapanes na so. Kuwɔlpa beeŋ buu Ijipt be efuli na so nɛ b pɛ kumo be ndegboŋ to be basa ŋ ki anya.

Ezikɛl 34:27

Saŋɛ na so nɛ ndibi na e sɔr nɛnɛ nɛ nsawule na kikɛ malɛ e wora adɔjibi. Kumo be kaman nɛ ekama e chena mo gbagba be kasawule so nɛ kayurwushi. Ŋ kaŋ tuge ŋgbɛlɛbi nɛ a kre ma basa na, nseŋ shin nɛ b nya bumo be amu ashi basa nɛ b pɛ bumo anya na be enɔ na nɛ baaŋ pin fanɛ ma e la Enyɛnpe Ebɔrɛ na.

Hoziya 11:4

Ŋ koli bumo m mata ma kumu kashaso, nseŋ maŋ bumo so m pɛga. N sa bumo ajibi nɛ b ji,

Levitikɔs 25:38

Kusɔ nɛ ma, Enyɛnpe Ebɔrɛ, nɛ n la menyi be Ebɔrɛ nɛ n lara menyi Ijipt be efuli so nɛ m ba ta Keenan be kasawule n sa menyi na yili nna na.

Levitikɔs 25:42

Israɛl be basa na la Enyɛnpe Ebɔrɛ na be anya nna nɛ e shi Ijipt be efuli so m bar bumo. A maŋ daga b fa n tɔ bumo anya.

Levitikɔs 25:55

Israɛl be esa maaŋ tiŋ a la dimɛdi be kenya mbaanaayɔ, ŋkpal manɛ so, Israɛl be basa la Enyɛnpe Ebɔrɛ na be anya nna. Mo e lara bumo Ijipt be efuli so m ba. Mo alɛ e la Enyɛnpe bumo be Ebɔrɛ na.”

Nahum 1:13

Meeŋ shin nɛ Asiriyaebi be eleŋ nɛ baa ji menyi so na e ba ekar, nɛ n tuge ŋgbɛlɛbi nɛ b ta ŋ kre menyi na to.”