Levitikɔs 26:1 - EBƆRƐ BE KAWƆL

¹ Ndoŋ nna nɛ Enyɛnpe Ebɔrɛ naŋ kaŋɛ: “Men sa maŋ kaŋ lɔŋɛ agbirana ŋko n wora mpɔrduli nɛ ajembu be eshabɔrɛ n yili, ŋko n shɛl ajembu a shuŋ amo. Ma e la Enyɛnpe menyi be Ebɔrɛ na.

Levitikɔs 26:1 ပူးပေါင်းရင်းမြစ်များ

2 Bewura 17:10

B daŋ ta ajembu nna m pɔr agbir nɛ kegbirche Ashira be kapɔrduli n yili abee so nɛ ndibi be afito a shuŋ amo.

2 Bewura 17:16

Israɛlebi na daŋ kini kebɛ Enyɛnpe bumo be Ebɔrɛ na be mbra so nna nseŋ ta shuwa n lɔŋɛ egbolu fɔlbi anyɔ a shuŋ amo. B daŋ naŋ lɔŋɛ kegbirche Ashira gba be kapɔrduli nna nsaa shuŋ kumo nɛ achɛkpabi nɛ kegbir nɛ baa tre Baal na.

2 Bewura 17:8

nsaa bɛ basa nɛ Enyɛnpe Ebɔrɛ ju kasawule na so na be edaŋkaresheŋ nɛ asheŋ lubi nɛ Israɛl be bewura bar Israɛl be efuli so na kikɛ so nna.

Nshɛ 78:58

B daŋ pɔr agbirana nna n yili agurɔŋgu so a shuŋ; n shin nɛ Ebɔrɛ be kukɔrkɔ koso nɛ e nya agbo ga.

Nshɛ 97:7

Bekama nɛ baa shuŋ agbirana ŋko a puchi amo so na bee ŋaba nna; ŋkpal manɛ so, agbirana kikɛ maŋ la shɛŋ Ebɔrɛ be anishito.

Ɛksodɔs 20:2

“Ma e la Enyɛnpe Ebɔrɛ, men be Ebɔrɛ mo nɛ e lara menyi ashi Ijipt be kasawule so, kakpa nɛ men daa wɔ kenyaya to na.

Ɛksodɔs 20:23

Men sa maŋ kaŋ ta shuwa ŋko gbiti n lɔŋɛ agbir kikɛ a shuŋ amo n ti ma so.

Ɛksodɔs 23:24

Men sa maŋ kaŋ bunyaŋ bumo be agbir na ŋko n shuŋ amo ŋko m bɛ bumo be edaŋkaresheŋ so. Men jija bumo agbirana na cheche nseŋ bure bumo be agbirjembu na to burburbi.

Ɛksodɔs 34:17

Men sa maŋ kaŋ ta kebɛlso n lɔŋɛ kegbir a bunyaŋ kumo.

Aizaaya 2:20

Kamɔnchɛ na kaŋ fo, ekama beeŋ ta mbe shuwa nɛ gbiti be agbirana nɛ e lɔŋɛ a shuŋ na n lɛ eshiboe nɛ ekɔŋkɔŋ.

Levitikɔs 19:4

Men sa maŋ kaŋ kplaŋ ma so n ya shuŋ agbir. Men sa maŋ ta abɛlso ŋko kusɔ kama n wora kapɔrduli be yiri kikɛ ŋ ki agbir a shuŋ kumo. Ma e la Enyɛnpe, men be Ebɔrɛ na.

Levitikɔs 25:55

Israɛl be esa maaŋ tiŋ a la dimɛdi be kenya mbaanaayɔ, ŋkpal manɛ so, Israɛl be basa la Enyɛnpe Ebɔrɛ na be anya nna. Mo e lara bumo Ijipt be efuli so m ba. Mo alɛ e la Enyɛnpe bumo be Ebɔrɛ na.”

Levitikɔs 7:33

bɔrɛmatapo nɛ e bee sɔ ŋklaŋ na nɛ nfɔ na a lara sarga na kutɔ nna.

Nɔmbɛs 33:52

men ju basa nɛ b wɔ kasawule na so na kikɛ, nseŋ jija bumo be agbir nɛ b ta abɛlso nɛ ajembu n wora na nɛ mboŋ nɛ baa shuŋ amo na kikɛ.

Ashuŋ Shunso 17:29

Ŋkpal anyi alɛ ka la mbe mbia so, an sa maa fɛ fanɛ Ebɔrɛ du fanɛ shuwa be kusɔ pɔrso ŋko gbiti be kusɔ pɔrso ŋko kejembu be kusɔ pɔrso ko nɛ nyiŋgbasa ta mo gbagba be kenyi be nfɛra n wora nna.

Ditɛronɔmi 27:15

Ebɔrɛ be kɔnɔsho beeŋ ba esa kama nɛ e beeŋ ta kejembu ŋko kedibi ŋko kebɛlso n lɔŋɛ kegbir a shuŋ ashiri to so. Ŋkpal manɛ so, Enyɛnpe Ebɔrɛ na kishi kagbirshuŋ ga. Nɛ basa nɛ b yil Ebal be kebee so na kikɛ e shuli so le: ‘Amɛn!’

Ditɛronɔmi 5:6

‘Ma e la Enyɛnpe, menyi be Ebɔrɛ nɛ e kɔ n suge menyi ashi Ijipt, kakpa nɛ menyi daa la anya na.

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.

Demujipoana 18:30

Ade be kaman nɛ Dan be yiri to be basa na yuu agbirana na a shuŋ amo nɛ Jonatan nɛ mbe kaman to ebi ki bumo be bɔrɛmatapoana hale n ya fo jemanɛ nɛ bumo doŋana ba kɔ m pɔɔ bumo so nseŋ tintiŋ bumo n yɔ efuli pɔtɛ wɔfɔ ko so. Jonatan ere daa la Mosis pibinyɛn nɛ baa tre Gɛshɔm na be kenana nna.