Levitikɔs 25:6 - EBƆRƐ BE KAWƆL

⁶ Hale men ka maaŋ dɔ kasawule na gba na, k kraa beeŋ sa menyi nɛ men be anya nɛ men be paawuraana nɛ befɔ nɛ menyi nɛ bumo chena na

Levitikɔs 25:6 ပူးပေါင်းရင်းမြစ်များ

2 Bewura 19:29

Ade kikɛ be kaman nɛ Aizaaya kaŋɛ Ewura Hɛzekaya le: “Kusɔ nɛ k beeŋ wora be tɔɔnɛ nna na. Kafɛ ere nɛ kafɛ a ba kikɛ menyi maaŋ dɔ n duu shɛŋ ama menyi alɛ beeŋ nya akɔrbua n teŋi n ji. Ama kafɛ nɛ k bɛ so kesasopo na bre menyeeŋ dɔ n duu ayu n teŋi nseŋ duu afeelebi nɛ a bee sɔr asɔrso nɛ baa tre amo greep na nseŋ nya amo be asɔrso n chuge n ji.

Ɛksodɔs 23:11

nseŋ yige kumo nɛ k wushi kafɛ shunusopo na bre to. Menyi alɛ e sa maŋ teŋi kumo so be akɔrbua kafɛ shunusopo na to, saŋɛ na so betirpo nɛ kupuŋ to be asɔbɔya gba beeŋ shishi amo nɛ a ka na n ji. Loŋ koŋwule na e daga fanɛ men wora men be afeelebi sɔrso nɛ ɔlif be ndibi be adɔ gba.

Levitikɔs 25:20

Ama esa ko beeŋ baa fɛ le: ‘Manɛ nɛ anyeeŋ baa ji kafɛ shunusopo nɛ anyee maa dɔ a du shɛŋ, anyi alɛ maa teŋi shɛŋ na to?’

Levitikɔs 25:21

Ma, Enyɛnpe Ebɔrɛ na beeŋ nɛfa kasawule na kafɛ shesopo na to, saŋɛ na so adɔjibi nɛ a beeŋ wora na beeŋ tiŋ n ji menyi n fo nfɛ asa.

Levitikɔs 25:5

Men sa maŋ kaŋ teŋi adɔjibi nɛ amo gbagba beeŋ kɔr adɔsawule na so na loŋ be kafɛ na. Menyi alɛ e sa maŋ kaŋ chuge ndibi sɔrso nɛ menyi maŋ lɔŋɛ to na gba be asɔrso, ŋkpal manɛ so, kasawule na daga fanɛ k wushi loŋ be kafɛ na.

Levitikɔs 25:7

nɛ men be asɔbɔya nɛ kupuŋ to be asɔbɔya kikɛ ajibi jiso. Menyeeŋ tiŋ n ji asɔ kama nɛ a beeŋ kɔr kumo so na.

Ashuŋ Shunso 2:44

Beyirdapoana na kikɛ daŋ baa wɔ abar so nna kɔnɔkoŋwuleso nsaa bar bumo be asɔ kakpa koŋwule m ba kaa chɛ abar to.

Ashuŋ Shunso 4:32

Nfɛra koŋwule nɛ beyirdapoana na kikɛ daa kɔ. Bumo be ekama daa maa kaŋɛ fanɛ mbe asɔ la mo nawule peya nna. Kusɔ kama nɛ ekama daa kɔ b daa ta nna a barga to a sa abar.