Levitikɔs 25:43 - EBƆRƐ BE KAWƆL

⁴³ Men sa maŋ kaa mɛaŋ bumo, ama men baa ŋana menyi be Ebɔrɛ na nsaa nu a sa mo.

Levitikɔs 25:43 ပူးပေါင်းရင်းမြစ်များ

Jɛnesis 42:18

Kumo be kachɛ sasopo nɛ Josɛf kaŋɛ bumo le: “Mee ŋana Ebɔrɛ nna, amoso men wora kesheŋ nɛ mee shin nɛ ŋ kaŋɛ menyi ere nseŋ nya men be amu.

2 Kronikɛls 28:10

Naniere menyeeŋ sha keta Juda nɛ Jerusalɛm be benyɛn nɛ beche nna ŋ ki men be anya na. Menyi maŋ nyi fanɛ nɛ men wora loŋ menyi alɛ gba wora alubi ŋ gbiti Enyɛnpe men be Ebɔrɛ na nna ere a?

Job be kawɔl 31:13

Nɛ fanɛ n daa maŋ wora kusɔ nɛ k daga n sa ma nyɛrbi nɛ mbita jemanɛ nɛ asheŋ ko daŋ ba ma nɛ bumo be kefɛato na,

Job be kawɔl 31:14

n daa maaŋ tiŋ n ya yili Ebɔrɛ be anishito nɛ e ji ma demu nɛ n ji n lar.

Ɛksodɔs 1:17

Ama beche nɛ b daa keta kakurge na daa kɔ kabɔrɛŋana nna, amoso b daŋ kini kewora kusɔ nɛ Ijipt be ewura na kaŋɛ bumo na nna, nseŋ daa yige mbinyɛnsobi na gba.

Ɛksodɔs 1:21

Beche nɛ baa sɔ kakurge na ka daa ŋana Ebɔrɛ so so e daŋ nɛfa bumo nna n sa bumo be ekama mo gbagba be mbia.

Ɛksodɔs 2:23

Kumo be nfɛ damta ka ba choŋ nɛ Ijipt be ewura na wu, ama amo nɛ amo kikɛ nɛ Israɛlebi na kraa wɔ kenyaya to nna a ji awurfoŋ nsaa shu a tre Ebɔrɛ fanɛ e chɛ bumo to.

Ɛksodɔs 3:7

Ndoŋ nna nɛ Enyɛnpe Ebɔrɛ kaŋɛ mo le: “N wu tɔrɔ mo nɛ ma basa bee ji ashi Ijipt be efuli so, ma alɛ nseŋ naŋ nu b ka bee shu ŋkpal awurfoŋ nɛ baa ji ashi anyakenipoana be enɔ to na so. Bumo be asheŋ tir ma ga.

Ɛksodɔs 3:9

N nu ma basa Israɛlebi be kushu kashenteŋto, ma alɛ nseŋ naŋ wu kananɛ Ijiptebi bee tɔrɔ bumo.

Ɛksodɔs 5:14

Ade kikɛ be kaman nɛ Ijipt be basa nɛ baa keni anya na so na wɔtɔ a bri Israɛlebi na be bejuŋkparpo nɛ b daa juŋkpar bumo kushuŋ na to na nsaa bishi bumo le: “Manɛ so nɛ menyi maa kuya ebirkesi na nɛ a bee fo kananɛ men chɛr a kuya amo saŋkama na?”

Aizaaya 47:6

N daŋ nya agbo n wora ma basa nna, nseŋ daŋ wora bumo fanɛ b ka maŋ naa la ma basa. Ŋkpal loŋ so nɛ n ta bumo m bɔɔ menyi enɔ, menyi alɛ daa maŋ wu bumo kuwɔr. Men daa ŋmenyaŋ bumo to be basakpar na gba nna.

Aizaaya 58:3

Kumo be kaman nɛ basa na bishi le: “Manɛ nna nɛ anyee kishi nɛ Enyɛnpe Ebɔrɛ na maa wu fanɛ anyee kishi? Nɛ manɛ nna nɛ anyee bar anyi be amu kaseto nɛ mbe lakal maŋ wɔ anyi so?” Ade be kaman nɛ Enyɛnpe Ebɔrɛ na malɛ kaŋɛ bumo le: “Kashenteŋ na e la fanɛ, jemanɛ kikɛ nɛ menyee kishi menyi gbagba be aparsheŋ nɛ menyee wora nsaa mɛaŋ menyi be beshumpoana.

Ezikɛl 34:4

Menyee maa keni bumo be bumo nɛ b maŋ kɔ eleŋ na so, ŋko a chɛ bumo nɛ baa lɔ na ŋko a wɔtɔ bumo nɛ b doro na be achuu to adur a kre amo ŋko a kuŋ bumo nɛ baa lar a yɔ mboŋ ko na a ba ŋko a fin bumo nɛ foe na. Men du nyaŋnyaŋ nna a tɔrɔ bumo.

Levitikɔs 25:17

Sa maŋ kaŋ puni fo barkasa Israɛl be esa, ama baa ŋana Ebɔrɛ. Ŋkpal manɛ so, ma e la Enyɛnpe fo Ebɔrɛ.

Levitikɔs 25:42

Israɛl be basa na la Enyɛnpe Ebɔrɛ na be anya nna nɛ e shi Ijipt be efuli so m bar bumo. A maŋ daga b fa n tɔ bumo anya.

Levitikɔs 25:44

Nɛ menyee sha anya, menyeeŋ tiŋ n tɔ bumo ashi efuli pɔtɛana nɛ a kulti menyi na be basa kutɔ.

Levitikɔs 25:46

Menyeeŋ tiŋ n yige bumo ere n sa menyi be mbia fanɛ mpetɛsɔ nɛ b baa shuŋ bumo fanɛ anya hale n ya wu. Ama men sa maŋ kaa mɛaŋ men braana Israɛlebi na bre be ekama.

Levitikɔs 25:53

A daga fanɛ b ta mo fanɛ esa nɛ baa ber paa kafɛ kikɛ nna. A maŋ daga fanɛ mo nyɛnpe na e baa mɛaŋ mo.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Ɛfesesebi 6:9

Benyɛnpe, menyi alɛ gba e baa wora menyi be anya loŋ. Men sa maa funti a funti bumo, ŋkpal manɛ so, menyi alɛ gba nyi fanɛ esa nɛ e wɔ ebɔrɛso a la menyi nɛ anya na kikɛ be Enyɛnpe na maŋ kɔ ŋkpɛato.

Ditɛronɔmi 25:18

B daa maŋ ŋana Ebɔrɛ nseŋ daŋ kre kena m bɛ menyi so m ba kɔ menyi jemanɛ nɛ men daŋ gben a chul to na nseŋ mɔ menyi to be bumo nɛ b daŋ shir kaman na.

Kɔlɔsiebi 4:1

Benyɛnpeana, men baa kɔ men be anya to kpakpa a keni bumo so nɛnɛ nsaa nyi fanɛ menyi alɛ gba kɔ Enyɛnpe ebɔrɛso.