Levitikɔs 25:39 - EBƆRƐ BE KAWƆL

³⁹ Nɛ ketir pɛ men barkasa Israɛl be esa nɛ e ta mbe kumu n fa n sa fo fanɛ kenya gba, sa maŋ kaŋ shin nɛ e shuŋ kenya be kushuŋ.

Levitikɔs 25:39 ပူးပေါင်းရင်းမြစ်များ

1 Bewura 9:22

Ewura Sɔlɔmɔn daa maa tintiŋ Israɛlebi na bre nɛ baa shuŋ ashuŋ kpakpaso ama e daŋ ta bumo be beko nna ŋ ki benapo n ta beko malɛ ki benapo be benimu n ta beko ŋ ki egbaŋɛturko be benimu nɛ beko malɛ bee dii egbaŋɛ a kɔ kena.

2 Bewura 4:1

Kachako nɛ ekulpoche nɛ e la anebiana na be katuŋ to be eche na yɔ Elaisha kutɔ n ya kaŋɛ mo le: “N nyɛnpe, ma kul wu nna. Fo alɛ nyi e ka daa la esa nɛ e kɔ kabɔrɛŋana ga. Naniere esa ko nɛ e paŋ amansherbi a maŋ tiŋ ŋ ka na, ba nɛ e ba keta ma mbinyɛnsobi anyɔ.”

2 Kronikɛls 28:10

Naniere menyeeŋ sha keta Juda nɛ Jerusalɛm be benyɛn nɛ beche nna ŋ ki men be anya na. Menyi maŋ nyi fanɛ nɛ men wora loŋ menyi alɛ gba wora alubi ŋ gbiti Enyɛnpe men be Ebɔrɛ na nna ere a?

Nehemaya 5:5

Anyi alɛ gba la Juwebi nna, nɛ anyi be mbia nɛ bumo be mbia kikɛ la kukoŋwule. Ama anyi ere bee fa anyi be mbia nna nɛ baa ki anya. Naniere anyi maŋ naa kɔ kechɛto kikɛ be tama ŋkpal an ka ta anyi be adɔsawule nɛ ndibi sɔrso be adɔana ŋ n chɛr ayu so.”

Ɛksodɔs 1:14

nɛ kebaawɔtɔ ki nyaŋnyaŋ n sa bumo ŋkpal loŋ so. B daa shin nɛ baa baga eshii a kuya ebirkesi a pɔr nwu nsaa shuŋ ndɔana to nna. Bumo alɛ daa maa wu Israɛlebi na kuwɔr kikɛ.

Ɛksodɔs 21:2

Fo baŋ tɔ kenya nɛ e la Israɛl be esa, nfɛnshe e daga e ka shuŋ fo, ama kafɛ shunusopo bre to, k daga fanɛ fo shin nɛ e nya mbe kumu nsaa maŋ ka shɛŋ.

Jɛremaya 25:14

Meeŋ ka Babilɔnebi na be kusɔ nɛ b wora na kukɔ n shin nɛ efuli pɔtɛana nɛ bewuragboŋ damta e ba pɛ bumo anya.’ ”

Jɛremaya 27:7

Efuliana na kikɛ be basa beeŋ shuŋ Ewura Nebukadneeza nɛ mbe mbia nɛ mo nanabiana fanɛ anya n ya fo fanɛ bedoŋ ka beeŋ ba mur mbe efuli na gba. Kumo be kaman nɛ efuliana nɛ e kɔ yuku ga nɛ bewurgboŋana e ba abar so m ba tintiŋ mbe efuli so be basa nɛ b shuŋ bumo fanɛ anya.

Jɛremaya 30:8

Kumo be kaman nɛ Enyɛnpetale Ebɔrɛ na kaŋɛ le: “Jemanɛ na kaŋ fo, meeŋ buri kubɔ to be kebarga nɛ k deŋ menyi be abɔ so na to nseŋ tuge ŋgbɛlɛbi nɛ a chɛ men be mbre nɛ aya kikɛ na, saŋɛ na so menyi maaŋ naa la anya n sa efuli pɔtɛana so be basa.

Jɛremaya 34:14

nfɛ ashunu kikɛ be kaman, a daga fanɛ b yige bumo braana Hibruwebi nɛ b tɔ anya nɛ b shuŋ bumo n fo nfɛnshe na nɛ b ya kaa wɔ bumo be amu a ji. Ama b maŋ nu kusɔ nɛ ŋ kaŋɛ bumo na.

Jɛremaya 34:8

Ewura Zɛdikaya nɛ Jerusalɛm to be basa na daŋ wora kɔnɔkoŋwule nna ŋ kaŋɛ fanɛ baaŋ yige

Jɛremaya 34:9

Hibruwebi be benyɛn nɛ beche nɛ b tɔ anya na kikɛ, saŋɛ na so esa kama maaŋ baa kɔ Israɛl be esa fanɛ kenya.

Levitikɔs 25:46

Menyeeŋ tiŋ n yige bumo ere n sa menyi be mbia fanɛ mpetɛsɔ nɛ b baa shuŋ bumo fanɛ anya hale n ya wu. Ama men sa maŋ kaa mɛaŋ men braana Israɛlebi na bre be ekama.

Matiu 18:25

E daa maŋ tiŋ nɛ e ka, amoso, mo nyɛnpe daŋ kaŋɛ nna fanɛ b ta mo nɛ mbe eche nɛ mbe mbia nɛ mbe asɔ kikɛ nyam n fa ŋ ka kukɔ na.