Levitikɔs 25:34 - EBƆRƐ BE KAWƆL

³⁴ Ama nsawule nɛ Livaiebi be asɔbɔya bee ji so na bre maŋ daga kefa kikɛ, ŋkpal manɛ so, a la bumo be mpetɛsɔ nna mbaanaayɔ.

Levitikɔs 25:34 ပူးပေါင်းရင်းမြစ်များ

2 Kronikɛls 31:19

Bɔrɛmatapoana nɛ b daa wɔ nde nɛ b ta n sa Ɛɛrɔn be kaman to ebi ŋko nde na be asɔbɔya be ejikpa be mboŋ na, benyɛn ko nɛ baa tiŋ a keta bumo be amu daa wɔ loŋ be nde nɛ bɔrɛmatapoana nɛ b la Ɛɛrɔn be kaman to ebi wɔ ndoŋ a chige ajibi a sa benyɛn nɛ b wɔ kebɔrɛmata be kanaŋ to na nna nɛ beko malɛ ti Livaiebi be kabuna ebi na so.

Ezikɛl 48:13

Livaiebi na gba daga kakpa nɛ k daga. Kumo alɛ beeŋ dese a laŋɛ bɔrɛmatapoana be kakpa na be kelargato be kaseto be kaba so nna. Kumo be nteŋ to beeŋ yili epeŋilarkpa n ya fo epeŋitɔrkpa nsaa la emayɛl ashunu nɛ kumo be mparto e yili kelargato be esoso n ya fo kelargato be kaseto nsaa la emayɛl asa.

Ezikɛl 48:14

Kasawule na be kakpa nɛ k la Enyɛnpe Ebɔrɛ peya na e naŋ baa la kasawule na kikɛ be kakpa lela ga nɛ a maŋ daga fanɛ b ku kumo be kaba kama n fa ŋko n chɛr kusɔ ko ŋko n sa esa kikɛ. Ŋkpal manɛ so, k la kakpa cheembi nna nsaa la Enyɛnpe Ebɔrɛ na peya.

Levitikɔs 25:23

A maŋ daga men ka fa kasawule n sa esa nɛ e baa kɔ kuraa, ŋkpal manɛ so, k maŋ la menyeya nna, Enyɛnpe Ebɔrɛ na e wɔ kumo nɛ menyi alɛ du fanɛ befɔ nɛ e sa ekpa nɛ men baa ji kumo so be tɔnɔ.

Levitikɔs 25:33

Kowu kama nɛ Livai be esa beeŋ fa ashi Livaiebi be kade to nsaa maŋ tiŋ n laŋɛ n tɔ kumo, k daga fanɛ b laŋɛ kumo n sa mo Kelaŋɛ n sa be Kafɛ na, ŋkpal manɛ so, nwu nɛ a wɔ Livaiebi be nde to na la bumo gbagba peya nna ashi bumo braana Israɛlebi to.