Levitikɔs 25:10 - EBƆRƐ BE KAWƆL

¹⁰ Menyeeŋ ta kafɛ adunusopo na fanɛ kafɛ nɛ efuli na so be ekama daga kenya mbe kamooji. Kafɛ na to nɛ basa be mpetɛsɔ kama nɛ beko sɔ n tɔ kikɛ beeŋ naŋ bɛta bumo ŋko bumo be kamanebi be enɔ to. Ekama malɛ nɛ b tɔ mo kenya beeŋ naŋ nya mbe kamooji m bɛta n yɔ mbe kanaŋ to be basa kutɔ.

Levitikɔs 25:10 ပူးပေါင်းရင်းမြစ်များ

Ɛzra 1:3

Bekama nɛ b la Enyɛnpe Ebɔrɛ na be basa beeŋ tiŋ n yɔ n ya lɔŋɛ Israɛl be Ebɔrɛ nɛ e wɔ Jerusalɛm to na be bɔrɛlambu na m pɔr.

Nshɛ 146:7

Mo e naa ji asheŋ nɛ amo be ekpa so a sa betirpo nsaa sa bumo nɛ akoŋ kɔ kusɔ jiso. Enyɛnpe Ebɔrɛ na e naa lara basa nɛ b ti ebu ashi kabuti to.

Ɛksodɔs 20:2

“Ma e la Enyɛnpe Ebɔrɛ, men be Ebɔrɛ mo nɛ e lara menyi ashi Ijipt be kasawule so, kakpa nɛ men daa wɔ kenyaya to na.

Aizaaya 49:9

Kumo be kaman nɛ ŋ kaŋɛ basa nɛ b wɔ kabuti to le: “Men lar kabuti to!” Ma alɛ beeŋ kaŋɛ bumo nɛ b wɔ tentembiri to le: “Men lar tentembiri na to m ba kefulto to!” Baaŋ baa du fanɛ mbolpɔ nɛ a bee ji abeemase nna.

Aizaaya 63:4

N wora loŋ nna nɛ m bishi kuwule n sa ma basa ashi bumo doŋana so a ŋini fanɛ jemanɛ fo nɛ m mɔlga bumo.

Jɛremaya 34:10

Bejuŋkparpoana na nɛ basa na kikɛ daŋ shuli so fanɛ baaŋ yige bumo be anya na nɛ b ya kaa wɔtɔ bumo be amu so nsaa maŋ naa la anya kikɛ.

Jɛremaya 34:8

Ewura Zɛdikaya nɛ Jerusalɛm to be basa na daŋ wora kɔnɔkoŋwule nna ŋ kaŋɛ fanɛ baaŋ yige

Ezikɛl 46:17

Ama nɛ fanɛ ewura na ku mbe kasawule ŋ kɛ esa kama nɛ e bee shuŋ mo, kumo ere k beeŋ naŋ bɛta ŋ ki ewura na peya kafɛ nɛ baa bɛta basa be mpetɛsɔ a sa bumo na to. Kasawule na la mbe kapetɛ nna. Mo nɛ mbe mbia nawule e naaŋ tiŋ a wɔ kumo mbaanaayɔ.

Levitikɔs 25:11

Kafɛ adunusopo na la kamooji be jemanɛ nna n sa menyi, amoso men sa maŋ kaŋ duu shɛŋ men be adɔsawule so ŋko a teŋi asɔ nɛ amo gbagba kɔr na ŋko a chuge ndibi sɔrso nɛ men maŋ lɔŋɛ so na be asɔrso.

Levitikɔs 25:13

Kapetɛsɔ kama nɛ eko tɔ mo barkasa kutɔ nfɛ adena nɛ akpanu nɛ a choŋ na to na daga fanɛ e bɛta kumo n sa kumo wura le be kafɛ na to.

Levitikɔs 25:41

Loŋ be kafɛ na mo nɛ mbe mbia beeŋ lar fo kutɔ m bɛta n yɔ mbe kanaŋ nɛ mbe kabunabi to.

Levitikɔs 25:54

Nɛ fanɛ e maŋ nya kesɔnyige akpaana ere be kekama so, a daga fanɛ mo nɛ mbe mbia kikɛ ka nya bumo be amu Kelaŋɛ n sa be Kafɛ nɛ k baa ba na to.

Luuk 1:74

nseŋ bɔ fanɛ e beeŋ mɔlga anyi ashi an doŋana kutɔ

2 Kɔrintebi 3:17

Enyɛnpe e la Kiyoyu na, kaplɛkama malɛ nɛ Enyɛnpe be Kiyoyu malɛ wɔ, ndoŋ nɛ kamooji wɔ.

Galeeshaebi 4:25

Nɛ esa baa malga Heega be asheŋ, kumo ere Sainai be kebee nɛ k wɔ Areebia be efuli so na be asheŋ nɛ e bee ji na. Mo nɛ baa ta a ber Jerusalɛm nɛ anyee wu ere nna, ŋkpal manɛ so, kumo nɛ kumo be mbia la anya nna a wɔtɔ.

Galeeshaebi 5:13

Ŋ kurgepoana, Ebɔrɛ tre menyi ere nna nɛ men ba kaa wɔ men be amu. Ama men sa maŋ kaŋ shin nɛ le be kamoowɔ ere e sa menyi ekpa nɛ men shin nɛ men be eyur to be ayɛlgasɔ e baa wɔ menyi. Ama men shin nɛ kasha e baa shin nɛ men baa shuŋ abar.

1 Pita 2:16

Men baa wɔtɔ fanɛ basa nɛ b wɔ bumo be amu a ji, ama men sa maa kɔ loŋ be kamooji na a buu kulubi kama so. Men baa kɔ kebaawɔtɔ mo nɛ k du fanɛ Ebɔrɛ be anya peya a wɔtɔ.