Levitikɔs 24:9 - EBƆRƐ BE KAWƆL

⁹ Ebodobodo na la Ɛɛrɔn nɛ mbe kaman to ebi be kachige nna. Ŋkpal a ka la asɔ cheembi ashi esargajibi nɛ baa lara a sa Enyɛnpe Ebɔrɛ na so, a daga fanɛ b baa ji amo kaboŋ cheembi nna.”

Levitikɔs 24:9 ပူးပေါင်းရင်းမြစ်များ

Ɛksodɔs 27:21

Ɛɛrɔn nɛ mbe mbinyɛnso e daga fanɛ b baa chɔɔ efitila na so a yili patisa nɛ k kuŋ kɔnɔkoŋwule be ŋkre be deka na be anishito na. B baa chɔɔ efitila na so kaaseso kikɛ nɛ a baa fuli to ma, Enyɛnpe Ebɔrɛ be wajɛbu na to a klade. A daga fanɛ Israɛlebi nɛ bumo be kaman to ebi kikɛ e baa bɛ mbra ere so mbaanaayɔ.

Levitikɔs 10:12

Nɛ Mosis kaŋɛ Ɛɛrɔn nɛ mbe mbinyɛnsobi anyɔ, Eliaza nɛ Itama, nɛ b ka na le: “Men ta ayu be sargajibi nɛ a ka ashi ajibi nɛ b ta n lara sarga n sa Enyɛnpe Ebɔrɛ na to na n wora ebodobodo nɛ a maŋ kɔ yiisi n chena bɔrɛsure na ase n we, ŋkpal manɛ so, k la sarga nɛ k du cheembi ga nna.

Levitikɔs 10:17

“Manɛ e ba nɛ men maŋ ji kulubi be sarga na ashi kakpa nɛ k du cheembi nseŋ daga? K la sarga cheembi ga nna nɛ Enyɛnpe Ebɔrɛ na ta n sa menyi nɛ e bɔla kumo so n lara kade na kikɛ be alubi bumo to.

Levitikɔs 21:22

E beeŋ tiŋ n ji ajibi nɛ b ta n lara sarga n sa ma nɛ a ki cheembi nɛ amo nɛ a ki cheembi ga na kikɛ.

Levitikɔs 24:10

Kanyɛn ko nɛ mo tuto shi Ijipt e daa wɔtɔ. Mo nio nɛ baa tre Shɛlomit nɛ e la Dibri nɛ e shi Dan be yiri to na pibiche nseŋ shi Israɛl be efuli so na. Kachako nɛ kolu tɔr kanyɛn na nɛ Israɛl be esa ko so ashi keeyi to nɛ e malga ŋ gbiti Ebɔrɛ. Ndoŋ nna nɛ b pɛ mo m ba Mosis kutɔ,

Levitikɔs 3:17

Israɛl be esa kikɛ maŋ daga e ka ji nfɔ ŋko ŋklaŋ. K la mbra nɛ k dese nna n sa Israɛl be basa kikɛ ashi kaplɛkama nɛ b wɔ nna hale mbaanaayɔ.

Levitikɔs 6:11

Kumo be kaman nɛ e gbaŋ kabɔrɛmata be epiŋi na n nase nseŋ ta piŋi pɔtɛ m buu pɔɛŋ nseŋ muu nsunɔ na n lar keeyi na to n ya lɛ kakpa nɛ k daga.

Levitikɔs 6:16

Kumo be kaman nɛ bɔrɛmatapoana na e ta amo nɛ a ka na n wora bodobodo nɛ yiisi maŋ wɔ amo to n we ashi wajɛbu na be kelɔnɛ cheembi na so. Enyɛnpe Ebɔrɛ na e ta amo n sa bumo nɛ a baa la bumo be ayu be sargajibi to be kachige. Kananɛ kulubi nɛ kewora n jija be esarga du cheembi na nɛ bodobodo na gba du.

Levitikɔs 6:9

“Kaŋɛ Ɛɛrɔn nɛ mo mbinyɛnsobi fanɛ mbraana nɛ n yili a laŋɛ sarga chɔɔso be kaplɛa so nde: A daga fanɛ b baa chɔɔ esarga bɔrɛsure na so saŋkikɛ. A maŋ daga bɔrɛsure na so be edɛ ka duŋ kikɛ.

Levitikɔs 8:3

Kede be kaman nɛ fo shin nɛ Israɛl be basa kikɛ e ba shɛr ndoŋ.”

Levitikɔs 8:31

Mosis ka wora loŋ n loge nɛ e kaŋɛ Ɛɛrɔn nɛ mbe mbinyɛnsobi na le: “Men ta eblaŋ na n yɔ Enyɛnpe be wajɛbu na be kabuna ase n ya daŋɛ amo n ti ebodobodo nɛ a wɔ kelantaŋɛ na to so n we amo ndoŋ fanɛ kananɛ Enyɛnpe Ebɔrɛ na ŋini na.

Malakai 1:12

Ama menyi ere jija ma ketre nna ŋkpal men ka maa tre ma bɔrɛsure na shɛŋ nsaa ta ajibi nɛ men maa sha gba a lara sarga a deŋi kumo so so.

Matiu 12:4

E daŋ yɔ Ebɔrɛ be lambu to nna n ya ta ebodobodo nɛ b daŋ ta n lara sarga n sa Ebɔrɛ na nna nɛ mo nɛ basa na we, ŋkeshin nɛ an be mbra na bee kaŋɛ fanɛ bɔrɛmatapo na nawule e naaŋ tiŋ n we loŋ be bodobodo na.

Maak 2:26

E daŋ yɔ Ebɔrɛ be lambu to nna n ya ta bodobodo nɛ b daŋ ta n lara sarga n sa Ebɔrɛ na nna n we, ŋkeshin anyi be mbra na bee kaŋɛ fanɛ bɔrɛmatapo na nawule e naaŋ tiŋ n we loŋ be bodobodo na. Ama Deevid we kumo hale n sa basa na gba, saŋɛ nɛ Abiata daa la bɔrɛmatapo nimuso na.”

Luuk 6:4

E daŋ yɔ Ebɔrɛ be lambu to nna n ya ta bodobodo nɛ b daŋ ta n lara sarga n sa Ebɔrɛ na nna nɛ mo nɛ basa na we, ŋkeshin nɛ anyi be mbra na bee kaŋɛ fanɛ bɔrɛmatapo na nawule e naaŋ tiŋ n we loŋ be bodobodo na.”

1 Samuɛl 21:6

Ndoŋ nna nɛ bɔrɛmatapo na ta bodobodo cheembi nɛ b daŋ deŋi Enyɛnpe Ebɔrɛ na be teebɔl cheembi so na nseŋ ta apopɔr n deŋi so na, n sa Deevid ŋkpal manɛ so bodobodo kikɛ daŋ maŋ naa wɔtɔ.