Levitikɔs 24:7 - EBƆRƐ BE KAWƆL

⁷ Men ta duwu lela n nase ebodobodo na be egbaŋ be kekama to nseŋ chɔɔ duwu na n lara sarga n sa Enyɛnpe Ebɔrɛ na.

Levitikɔs 24:7 ပူးပေါင်းရင်းမြစ်များ

Jɛnesis 9:16

Saŋkama nɛ kabɔrɛnyaŋgelambi na lar awɔlpa to, meeŋ wu kumo nseŋ nyiŋi ma nɛ menyi nɛ asɔ futeso kikɛ be kɔnɔkoŋwule be ŋkre na.”

Ɛksodɔs 12:14

“A daga fanɛ menyi nɛ men be kaman to ebi kikɛ e baa wora kejigboŋ kafɛ kikɛ a nyiŋi kusɔ nɛ ma, Enyɛnpe Ebɔrɛ wora n sa menyi ere. Men shin nɛ k ki mbra n sa menyi mbaanaayɔ.

Ɛksodɔs 13:9

Kesheŋ ere beeŋ baa la kanyiŋi nna nsaa du fanɛ b ka kre mbra na m mata menyi be enɔana so ŋko menyi be nsɔto nɛ men baa ŋini beko kumo be asheŋ. Saŋɛ na so, k beeŋ baa nyiŋi menyi kananɛ Enyɛnpe Ebɔrɛ be mbra na bɔlɔ menyi to kpal manɛ so, Enyɛnpe Ebɔrɛ ta mbe eleŋgboŋ nna n lara menyi ashi Ijipt be kasawule so.

Ɛksodɔs 17:14

Kumo be kaman nɛ Enyɛnpe Ebɔrɛ kaŋɛ Mosis le: “Sibɛ kekɔmpɔɔso ere be asheŋ kikɛ n nase kawɔl to, saŋɛ na so k beeŋ baa la kanyiŋi nɛ fo kraŋ kumo ŋ ŋini Joshuwa. Ŋkpal manɛ so meeŋ mur Amalɛkebi nɛ b ka na kikɛ cheche ashi kasawule so nɛ esa kikɛ maaŋ naŋ nu bumo be asheŋ.”

Aizaaya 43:23

Menyi maŋ ta mbolpɔ n lara esarga chɔɔso n sa ma, ŋko n ta menyi be esarga m bunyaŋ ma. Ma alɛ maŋ yili menyi so a fin ayu be esarga ŋko efɛa belbelso be eduwu be esarga n shin nɛ ebɔl e lar menyi.

Levitikɔs 2:1

Nɛ esa ta ayu nɛ e ba lara sarga n sa Enyɛnpe Ebɔrɛ na, a daga e kɔr amo nɛ a pe nɛnɛ. Kumo be kaman e ta ɔlif be ŋku m baga amo nseŋ ta duwu n ti so

Levitikɔs 2:2

m ba sa Ɛɛrɔn be mbinyɛnsobi nɛ b la bɔrɛmatapoana na. Nɛ bumo be ekoŋwule e jɔ nyifu nɛ ɔlif be ŋku be wea to na enɔ be bɔlɔ nseŋ ta duwu na n ti so n chɔɔ bɔrɛsure na so a ŋini fanɛ amo kikɛ la sarga chɔɔso nɛ amo be efɛa bee par Enyɛnpe Ebɔrɛ na nna.

Levitikɔs 2:9

E beeŋ ta amo be ako shɛda so n chɔɔ bɔrɛsure na so a ŋini fanɛ sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Baru lela nɛ Jɔn kute na 6:35

Nɛ Yesu kaŋɛ bumo: “Ma e la loŋ be bodobodo nɛ k bee sa ŋkpa na. Ekama nɛ e ba ŋ kutɔ, akoŋ maaŋ pɛ mo kikɛ nɛ ekama nɛ e yirda ma, achukoŋ malɛ maaŋ pɛ mo.

Baru lela nɛ Jɔn kute na 6:51

Ma e la bodobodo nɛ k bee sa ŋkpa n shi ebɔrɛso na. Esa kama nɛ e we le be bodobodo ere beeŋ baa wɔtɔ mbaanaayɔ. Bodobodo mo nɛ meeŋ ta n sa basa na e la ma eyur ere nɛ ŋ kɔ a sa durnya nɛ k nya ŋkpa na.”

Ashuŋ Shunso 10:31

‘Kɔɔnilias, Ebɔrɛ nu fo kabɔrɛkule na nseŋ naŋ wu fo alelasheŋ na.

Ashuŋ Shunso 10:4

Nɛ e ta mbe anishi n yuu malaika na so kufuso nseŋ bishi mo: “Manɛ nna, n nyɛnpe?” Nɛ malaika na kaŋɛ: “Ebɔrɛ nu fo kabɔrɛkuleana nseŋ naŋ wu fo kelela be kewora na nsaa shin nɛ e wora asɔ nɛ fee kule na.

Ɛfesesebi 1:6

Men shin nɛ an baa di Ebɔrɛ epaŋ ŋkpal mbe le be mamachi be kuwɔr be kakɛ nɛ e bɔla mo Pibinyɛn shaso so n ta ŋ kɛ anyi na so.

Hibruwebi 7:25

Amoso, e beeŋ tiŋ m mɔlga basa nɛ baa bɔla mo so a yɔ Ebɔrɛ kutɔ naniere nɛ saŋkama, ashi bumo be alubi to, ŋkpal manɛ so, saŋkikɛ e wɔtɔ nna a kule Ebɔrɛ a sa anyi.