Levitikɔs 24:3 - EBƆRƐ BE KAWƆL

³ Kaase so kikɛ Ɛɛrɔn beeŋ chɔɔ efitila na so n yili patisa nɛ k bee kuŋ kɔnɔkoŋwule be ŋkre be deka nɛ k yil acheembiana to be kakpa cheembi na be anishito ashi wajɛbu na to hale nɛ kare e ya chɛ kachipurso. Kede la mbra nɛ k dese nna hale mbaanaayɔ, k maa chɛrga kikɛ.

Levitikɔs 24:3 ပူးပေါင်းရင်းမြစ်များ

Ɛksodɔs 27:21

Ɛɛrɔn nɛ mbe mbinyɛnso e daga fanɛ b baa chɔɔ efitila na so a yili patisa nɛ k kuŋ kɔnɔkoŋwule be ŋkre be deka na be anishito na. B baa chɔɔ efitila na so kaaseso kikɛ nɛ a baa fuli to ma, Enyɛnpe Ebɔrɛ be wajɛbu na to a klade. A daga fanɛ Israɛlebi nɛ bumo be kaman to ebi kikɛ e baa bɛ mbra ere so mbaanaayɔ.

Levitikɔs 24:2

e ta mbraana n sa Israɛl be basa na. E yɛ: “Men bar ɔlif be ŋku gbagba nɛ a walɛ nɛnɛ m ba wɔtɔ efitilatɔl nɛ a wɔ wajɛbu na to na nɛ a baa chɔɔ a fulto jemanɛ kikɛ.

Levitikɔs 24:4

Ɛɛrɔn e naaŋ baa keni efitila nɛ a yil shuwa gbagba be efitilatɔl na so nsaa shin nɛ b baa chɔɔ amo so kanyɛso kikɛ ashi Enyɛnpe Ebɔrɛ na be anishito.

Levitikɔs 3:17

Israɛl be esa kikɛ maŋ daga e ka ji nfɔ ŋko ŋklaŋ. K la mbra nɛ k dese nna n sa Israɛl be basa kikɛ ashi kaplɛkama nɛ b wɔ nna hale mbaanaayɔ.

Nɔmbɛs 18:5

Fo nɛ fo mbinyɛnsobi nawule e daga kebaashuŋ Enyɛnpe be wajɛbu na to nɛ bɔrɛsure na so, loŋ nɛ ma agbo maaŋ naŋ ba Israɛlebi na so.

1 Samuɛl 3:3

nɛ Samuɛl malɛ dese Ebɔrɛ be lambu to be kakpa nɛ Ebɔrɛ be ŋkre be deka na wɔ na. Saŋɛ so nɛ Ebɔrɛ be lambu to be fitila na maŋ naŋ duŋ na