Levitikɔs 24:2 - EBƆRƐ BE KAWƆL

² e ta mbraana n sa Israɛl be basa na. E yɛ: “Men bar ɔlif be ŋku gbagba nɛ a walɛ nɛnɛ m ba wɔtɔ efitilatɔl nɛ a wɔ wajɛbu na to na nɛ a baa chɔɔ a fulto jemanɛ kikɛ.

Levitikɔs 24:2 ပူးပေါင်းရင်းမြစ်များ

2 Kronikɛls 13:11

Kachipurso nɛ kaaseso kikɛ, baa chɔɔ duwu nɛ asɔbɔya be kechɔɔ m mur be esarga nna a sa Enyɛnpe Ebɔrɛ. Baa ta bodobodo be sarga na nna a deŋi teebɔl nɛ k du cheembi na so daŋkare be ekpa so nsaa chɔɔ efitila nɛ a yil shuwa be kefitilatɔl na malɛ so kaaseso kikɛ. Anyi ere bee bɛ Enyɛnpe Ebɔrɛ be mbra na so nna, ama menyi ere kini mo.

Nshɛ 119:105

Fo kamalga du fanɛ fitila nna n sa ma, kumo e naa shin nɛ ma ekpa so bee fulto nɛ mee wu a wora asheŋ.

Nshɛ 119:130

Kebaapin fo mmalga to bee bugi nfɛra to nna nsaa sa basa nɛ b maŋ nyi asheŋ kanyiasheŋ.

Ɛksodɔs 39:37

nɛ shuwa gbagba be kefitilatɔl nɛ kumo be efitila nɛ kumo be asɔwurbi na kikɛ nɛ ŋku nɛ baaŋ baa kɔ a chɔɔ efitila na so

Ɛksodɔs 40:24

Kede be kaman nɛ e ta kefitiliatɔl nɛ efitila na n yili Ebɔrɛ be wajɛbu na be kelargato be kaseto be kaba so ashi teebɔl na be anishito

Aŋasa 6:23

Ŋkpal manɛ so fo nio nɛ fo tuto be keŋini du fanɛ kefulto nna n sa fo; nɛ bumo be kasogberge malɛ bee sa fo kebaawɔtɔ lela.

Aizaaya 11:2

Enyɛnpe Ebɔrɛ na be kiyoyu e naŋ sa mo kanyiasheŋ nɛ kashennyi nɛ kasheŋwora be kenyi nɛ e ta n ji kuwura mbe basa so nɛnɛ. E beeŋ baa nyi Enyɛnpe Ebɔrɛ na be aparsheŋ nsaa bunyaŋ mo.

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Levitikɔs 24:1

Ndoŋ nna nɛ Enyɛnpe Ebɔrɛ na kaŋɛ Mosis fanɛ

Levitikɔs 24:3

Kaase so kikɛ Ɛɛrɔn beeŋ chɔɔ efitila na so n yili patisa nɛ k bee kuŋ kɔnɔkoŋwule be ŋkre be deka nɛ k yil acheembiana to be kakpa cheembi na be anishito ashi wajɛbu na to hale nɛ kare e ya chɛ kachipurso. Kede la mbra nɛ k dese nna hale mbaanaayɔ, k maa chɛrga kikɛ.

Matiu 4:16

basa nɛ b wɔ tentembiri to na wu kefulto gboŋ ko. Kefulto na nyaŋɛ a yuu basa nɛ b wɔ luwu be tentembiri be kasawule so na.”

Matiu 5:16

Men baa shin nɛ men be kefulto e baa nyaŋɛ nɛnɛ ga nɛ basa e tiŋ n wu men be ashuŋ lela nseŋ maŋkura men Tuto nɛ e wɔ ebɔrɛso na.

Luuk 1:79

e beeŋ shin nɛ an fara a nya kumɔlga naniere nseŋ nyaŋɛ kefulto ashi ebɔrɛso n yuu bumo nɛ b wɔ tentembiri to nsaa ŋana luwu na so kikɛ n shin nɛ an bɔla kagbenewushi be ekpa to.”

Luuk 12:35

“Men bela ase ŋ kre so nɛnɛ nseŋ chɔɔ efitila so n yili

Baru lela nɛ Jɔn kute na 1:4

Kamalga na to nɛ ŋkpa kikɛ shi nɛ le be ŋkpa ere malɛ bar kefulto basa to.

Baru lela nɛ Jɔn kute na 1:9

Kashenteŋ be kefulto nɛ k bee nyaŋɛ a sa esa kama na e daa ba durnya ere to na.

Baru lela nɛ Jɔn kute na 5:35

Jɔn daa du fanɛ fitila nɛ k chɔɔ so nna a sa basa kefulto nɛ men daŋ shuli n wu kefulto na be ebel gbrɛbi.

Baru lela nɛ Jɔn kute na 8:12

Yesu ka naŋ ya malga basa na kutɔ nɛ e kaŋɛ bumo le: “Ma e la durnya be kefulto. Esa kama nɛ e bɛ ma so maaŋ nite tentembiri to kikɛ, ama e beeŋ baa kɔ kefulto nɛ k bee sa ŋkpa.”

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

2 Kɔrintebi 4:6

Ebɔrɛ mo nɛ e kaŋɛ fanɛ: “Men shin nɛ kefulto e shi tentembiri to n lar n nyaŋɛ,” koŋwule na e naa shin nɛ mbe kefulto bee nyaŋɛ anyi be ŋgbeneana to a bar anyi Ebɔrɛ be kemaŋkura be kanyiasheŋ be kefulto nɛ k bee nyaŋɛ Kristo be anishito na.