Levitikɔs 24:16 - EBƆRƐ BE KAWƆL

¹⁶ Israɛl be esa kikɛ ŋko efɔ kama nɛ e wɔ Israɛl be efuli so nɛ e malga ŋ gbiti Enyɛnpe Ebɔrɛ na, kade na ebi kikɛ beeŋ kpa mo ajembu m mɔ.

Levitikɔs 24:16 ပူးပေါင်းရင်းမြစ်များ

2 Samuɛl 6:2

nseŋ juŋkpar bumo n yɔ Baala nɛ k wɔ Juda be efuli so na, nɛ b ya ta Enyɛnpe be ŋkre be deka nɛ mbe ketre Enyɛnpetale na deŋ kumo so ashi emalaika anyɔ na be nferinto na.

Nshɛ 139:20

Baa kaa malga mmalga lubi a gbiti fo nna nsaa jija fo ketre.

Nshɛ 74:10

O Ebɔrɛ, saŋɛ mo nɛ an doŋana beeŋ yige kebaa tege anyi nɛ kebaawora fo eyur to?

Nshɛ 74:18

Enyɛnpe Ebɔrɛ, baa nyiŋi kananɛ fo doŋana wora fo eyurto a mushe fo na, nɛ kananɛ bewulpo keni fo ketre jiga na.

Ɛksodɔs 20:7

Men sa maa ta Enyɛnpe Ebɔrɛ be ketre a wora asheŋ lubi. Men sa maa bɔ Enyɛnpe Ebɔrɛ be ketre na chilchil, ŋkpal manɛ so, Enyɛnpe Ebɔrɛ maaŋ yige m paŋ esa kama nɛ e kɔ mbe ketre a wora a wora asheŋ lubi kikɛ.

Ɛksodɔs 22:28

Ekama e sa maŋ kaŋ malga ŋ gbiti Ebɔrɛ ŋko n shoduu menyi to be ejuŋkparpo.

Levitikɔs 20:2

fanɛ e kaŋɛ Israɛlebi na le: “Israɛl be esa kama ŋko efɔ kama nɛ e wɔ Israɛl be efuli so nseŋ ta mbe kebia n lara sarga n sa kegbir Mɔlɛk, daga fanɛ kade na to ebi kikɛ ka kpa mo ajembu m mɔ.

Matiu 12:31

Amoso, mee kaŋɛ menyi le nna fanɛ basa be kulubi kama nɛ kamalga kama nɛ k gbiti Ebɔrɛ beeŋ nya keyigempaŋ, ama kamalga kama nɛ k gbiti Kiyoyu Cheeŋ na maaŋ nya keyigempaŋ kikɛ.

Matiu 26:66

Manɛ nɛ men wu kumo to?” Nɛ basa na kaŋɛ le: “E daga luwu nna.”

Maak 14:64

“Men nu kananɛ e malga ŋ gbiti Ebɔrɛ nna na. An naa sha eshɛda ko nna n ti so a? Manɛ nɛ men wu kumo to?” Nɛ bumo kikɛ kaŋɛ fanɛ e wora alubi n daga luwu.

Baru lela nɛ Jɔn kute na 19:7

Nɛ Juwebi na naŋ kaŋɛ mo: “An kɔ mbra ko nɛ k bee ŋini fanɛ a daga kanyɛn ere ka wu ŋkpal e ka bee tre mbe kumu Ebɔrɛ Pibinyɛn so.”

Ashuŋ Shunso 26:11

N daa wɔtɔ nna a shin nɛ baa gberge bumo kusoe ashi nshɛrbuana na to nseŋ daa kɔ a fin kananɛ meeŋ wora nɛ b kaŋɛ fanɛ b maaŋ naŋ yirda Yesu na. Agbo daŋ pɛ ma ga ŋkpal bumo so nɛ n yɔ hale nde pɔtɛana to gba nɛ n ya tɔrɔ bumo.”

Ashuŋ Shunso 7:58

n ya gberge mo n lar kadegboŋ na to ŋ kpa mo ajembu m mɔ. Kabrantiɛbia ko nɛ b daa tre Sɔɔl kutɔ nɛ eshɛdajipoana na daŋ yige bumo be asɔbuuso nɛ e bee keni so.

1 Timoti 1:13

Ama e wu ma kuwɔr, ŋkpal manɛ so, ŋ ka daa maŋ yirda na so e shin nɛ n wora kawulisheŋ na.

Jeems 2:7

Bumo damawuraana koŋwule na chap e naa kaa malga a gbiti Yesu Kristo be ketre lela nɛ basa ta a tre menyi na.