Levitikɔs 23:39 - EBƆRƐ BE KAWƆL

³⁹ Jemanɛ kikɛ nɛ men dɔ n teŋi, men ji Abuu to be Kachɛgboŋ ere m bunyaŋ Enyɛnpe Ebɔrɛ na. Menyeeŋ fara kufɔl shunusopo na be kachɛ kuduanusopo na n ji kumo nchɛnshunu. Kachɛ sososo na la kewushiachɛ nna nɛ kachɛ burwasopo na gba la kewushiachɛ.

Levitikɔs 23:39 ပူးပေါင်းရင်းမြစ်များ

Ɛksodɔs 23:16

Kasɔteŋi be jemanɛ baa fo, men wora Kasɔteŋi be Kejigboŋ. Kafɛ na ya kaa loge be saŋɛ nɛ menyee chala men be adɔjibi abar so na, men wora Kechala Abarso be Kejigboŋ na.

Levitikɔs 23:24

e kaŋɛ Israɛlebi na le: “A daga fanɛ men wushi kufɔl shunusopo na to be kachɛ juŋkparso na. Men kaŋ nu mbel be kushu nɛ men shɛr abar so m bunyaŋ Enyɛnpe Ebɔrɛ na.

Levitikɔs 23:36

Nchɛnshunu na kikɛ to menyeeŋ baa lara esargajibi karechɛ kikɛ. Kachɛ burwasopo na nɛ men shɛr m bunyaŋ Enyɛnpe Ebɔrɛ na nseŋ lara sargajibi n sa mo, ŋkpal manɛ so, k la kabɔrɛshuŋ be kachɛ nna nɛ a maŋ daga fanɛ men shuŋ shɛŋ.

Levitikɔs 23:38

Nchɛgboŋ ere kikɛ ti jemanɛ kikɛ be kewushiachɛana na so nna. Esarga ere gba ti jemanɛ kikɛ be ŋkɛ nɛ nnɔ naseso nɛ men tia nɛ menyi be ŋgbene to be ŋkɛ nɛ men kɔ a sa Enyɛnpe Ebɔrɛ na kikɛ so nna.)

Levitikɔs 23:40

Men ta men be ndibi sɔrso be asɔrso lela nɛ abii be ayabi nɛ ndibi nɛ a kɔ afantaŋ ga be ayabi n ji eyur m maŋkura Enyɛnpe menyi be Ebɔrɛ na kachɛ juŋkparso.

Ditɛronɔmi 16:13

Men kaŋ loge menyi be kayuteŋi nɛ asɔrso be kechuge, men ji Abuu to be kachɛgboŋ na nchɛnshunu.