Levitikɔs 23:21 - EBƆRƐ BE KAWƆL

²¹ Men sa maŋ kaŋ shuŋ kushuŋ kikɛ loŋ be kachɛ na, ama keshɛr m bunyaŋ Enyɛnpe Ebɔrɛ na nawule. Kaplɛkama nɛ men wɔ, a daga fanɛ men be kaman to ebi ka bee bɛ mbraana ere so hale mbaanaayɔ.

Levitikɔs 23:21 ပူးပေါင်းရင်းမြစ်များ

Jɛnesis 17:7

Meeŋ nase ma kɔnɔkoŋwule be ŋkre n sa fo nɛ fo kaman to ebi nɛ bumo alɛ be kaman to ebi mbaanaayɔ. Meeŋ baa la fo nɛ fo kaman to ebi kikɛ be Ebɔrɛ.

Ɛksodɔs 27:21

Ɛɛrɔn nɛ mbe mbinyɛnso e daga fanɛ b baa chɔɔ efitila na so a yili patisa nɛ k kuŋ kɔnɔkoŋwule be ŋkre be deka na be anishito na. B baa chɔɔ efitila na so kaaseso kikɛ nɛ a baa fuli to ma, Enyɛnpe Ebɔrɛ be wajɛbu na to a klade. A daga fanɛ Israɛlebi nɛ bumo be kaman to ebi kikɛ e baa bɛ mbra ere so mbaanaayɔ.

Aizaaya 11:10

Jemanɛ ko bee ba nɛ ewura popɔr nɛ e beeŋ shi ewura Deevid be kuwurji be kabuna na e baa la tɔɔnɛ n sa efuliana na. Baaŋ baa gama abar so mbe kuwurade to nsaa sa mo bunyaŋ.

Levitikɔs 23:14

Men sa maŋ kaŋ ji ajibi popɔr na kebumbuŋ to ŋko atɔso ŋko n ta amo n wora bodobodo n we, ama men juŋkpar m bar amo m ba lara sarga n sa Ebɔrɛ na nna pɔɛŋ. Kede la mbra nna a dese n sa menyi nɛ men be mbia ashi kaplɛkama nɛ men wɔ mbaanaayɔ.

Levitikɔs 23:2

e kaŋɛ Israɛl be basa na le: “Nchɛgboŋ nɛ menyeeŋ baa shɛr a bunyaŋ ma, Enyɛnpe Ebɔrɛ na nde:

Levitikɔs 23:20

Bɔrɛmatapo na beeŋ ba maŋ ajibi na nɛ ekpakpafɔlbi anyɔ na so ashi Enyɛnpe Ebɔrɛ na be anishito a ŋini fanɛ a la kakɛgboŋ nna n sa mo nsaa la bɔrɛmatapoana be kachige. Le be esarga du cheembi nna.

Levitikɔs 23:25

Men sa maŋ kaŋ shuŋ menyi be karechɛ kikɛ be ashuŋ nɛ menyee kaa shuŋ na be kekama loŋ be kachɛ na, ama kelara sarga n sa Enyɛnpe Ebɔrɛ na nawule.

Levitikɔs 23:31

Le be mbra ere dese nna n sa menyi be kaman to ebi kikɛ ashi kaplɛkama nɛ b wɔ.

Levitikɔs 23:4

Nchɛgboŋana nɛ Enyɛnpe Ebɔrɛ na yili nɛ a la nchɛ cheembiana nɛ menyeeŋ baa shɛr nde:

Levitikɔs 23:7

Nchɛnshunu na to be kachɛ juŋkparso na, menyeeŋ shɛr m bunyaŋ Ebɔrɛ nsaa maŋ shuŋ menyi gbagba be ashuŋ.

Levitikɔs 3:17

Israɛl be esa kikɛ maŋ daga e ka ji nfɔ ŋko ŋklaŋ. K la mbra nɛ k dese nna n sa Israɛl be basa kikɛ ashi kaplɛkama nɛ b wɔ nna hale mbaanaayɔ.

Nɔmbɛs 18:23

Livaiebi na nawule e naa ba shuŋ wajɛbu na to nɛ kumo be kewora n da so be turju e ba bɛ bumo. Le be mbra ere dese nna n sa menyi nɛ men be kaman to ebi kikɛ mbaanaayɔ. Bumo alɛ maaŋ nya kapetɛ kikɛ ashi Israɛlebi na to,

Ditɛronɔmi 16:11

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ b wɔ kade na to na beeŋ ji menyi be amu ashi Enyɛnpe Ebɔrɛ na be anishito ashi kakpa nɛ menyee shuŋ Ebɔrɛ na.