Levitikɔs 23:2 - EBƆRƐ BE KAWƆL

² e kaŋɛ Israɛl be basa na le: “Nchɛgboŋ nɛ menyeeŋ baa shɛr a bunyaŋ ma, Enyɛnpe Ebɔrɛ na nde:

Levitikɔs 23:2 ပူးပေါင်းရင်းမြစ်များ

2 Bewura 10:20

Ndoŋ na nɛ Jehu ponte ŋ kaŋɛ le: “Men kaŋɛ ekama kachɛ nɛ an lara n yili nɛ an shuŋ Baal be kegbir ere!” Nɛ b bɛ kusɔ nɛ e kaŋɛ na so.

1 Kronikɛls 23:31

Bumo koŋwule na e naŋ baa ta kechɔrɔ a sa Enyɛnpe Ebɔrɛ nsaa di mo epaŋ saŋkama nɛ baa lara kewushiachɛ nɛ kufɔl popɔr be nchɛgboŋ nɛ nchɛgboŋana kikɛ be esarga na. Kushuŋ nɛ b sa Livaiebi be katuŋ kama na e daga fanɛ b baa shuŋ Enyɛnpe Ebɔrɛ na be anishito saŋkama.

2 Kronikɛls 2:3

Ewura Sɔlɔmɔn daŋ ta le be kubɔya ere nna n ya sa Tayɛ be Ewura Hiram: “Shin nɛ ma nɛ fo e baa ji yawu fanɛ kananɛ fo nɛ n tuto ewura Deevid daa ji yawu na, nɛ fo baa fa ndibi nɛ baa tre sida na a sa ma fanɛ kananɛ fo daŋ fa amo n sa mo nɛ e pɔr mbe ewura be laŋ na.

2 Kronikɛls 30:5

B daŋ yili Dan be kasawule so be kelargato be esoso be kaba so nna n tre Israɛlebi na kikɛ n ya fo Bɛshiba be kelargato be kaseto be kaba so fanɛ b chala abar a chɔ kananɛ b daa chala abar na m ba Jerusalɛm m ba ji kebansonchoŋ be kejigboŋ na kananɛ mbra na ŋini na.

Ɛzra 3:5

Kumo be kaman nɛ b lara sarga chɔɔso nɛ k daga na malɛ gba. Bumo alɛ daŋ naŋ lara kufɔl popɔr be esarga nɛ esarga kama nɛ a daga fanɛ b baa lara nchɛgboŋ nɛ Enyɛnpe Ebɔrɛ na yili n sa bumo na kikɛ.

Nshɛ 81:3

Men foŋ mbel n fara kufɔl popɔr be kejigboŋ be kasheŋwora na kufɔl kikɛ be kachɛ sososo nɛ kumo be kachɛ baŋɛto na.

Ɛksodɔs 32:5

Ɛɛrɔn ka wu kusɔ nɛ k wora na nɛ e yuu bɔrɛsure n yili shuwa be kenabi na be anishito nseŋ kaŋɛ: “Echefo anyeeŋ wora bunyanso be kanyiŋi be kejigboŋ n sa Enyɛnpe Ebɔrɛ.”

Aizaaya 33:20

Men to anishi ŋ keni Zayɔn be kebee nɛ anyee ji anyi be nchɛgboŋ kumo so na. Menyeeŋ wu fanɛ Jerusalɛm la kakpa nɛ anyi beeŋ tiŋ n nya anyi be amu a wɔtɔ nna. K du fanɛ wajɛbu nɛ k yil a maa gbuŋgbuŋ nna. Kumo be ayir maa tia nɛ kumo be efɔlana malɛ gba maa tuge to kikɛ.

Nfabel 1:4

Naniere esa kikɛ maŋ naa ba bɔrɛlambu nɛ k yil Zayɔn be kebeegboŋ so na to m ba kaa bunyaŋ Ebɔrɛ nchɛgboŋachɛ. Beche fɔlbi nɛ baa boŋ nshɛ ndoŋ na bee ji awurfoŋ nna, nɛ bɔrɛmatapoana na malɛ bee munto a shu. Kadegboŋ na be mbunagboŋana na ase wora shruum nɛ k wora fanɛ kebɔltofinfin ka pɛ Jerusalɛm na.

Ezikɛl 44:24

Nɛ kesheŋ ko koso nɛ a daga fanɛ b ji kumo mbra be ekpa so, bɔrɛmatapoana na beeŋ keni ma mbraana so nna n ji kumo. Kananɛ ma mbraana nɛ atande bee ŋini na nɛ baaŋ baa yili so a ji bumo be kabɔrɛshuŋ be nchɛgboŋana, nseŋ shin nɛ Kewushiachɛ na e baa la kachɛ cheembi n sa bumo.

Hoziya 2:11

Meeŋ shin nɛ mbe kamooji na kikɛ e ba ekar, mbe kafɛ kafɛ nɛ kufɔl kufɔl nɛ kewushiachɛ kikɛ be kamooji na beeŋ ba ekar.

Jowɛl 1:14

Naniere, a daga fanɛ men tre abar n shɛr ŋ kishi ekishi cheembi. Men tre bejuŋkparpoana na, nɛ bekama nɛ b wɔ kasawule ere so na n shɛr men Nyɛnpe be bɔrɛlambu to n shu n tre mo.

Jowɛl 2:15

Men yili Zayɔn be kebee so n foŋ kabel n tre ekama m ba shɛr nseŋ yili kumo fanɛ ekama e kishi!

Levitikɔs 23:1

Ndoŋ nna nɛ Enyɛnpe Ebɔrɛ na naŋ kaŋɛ Mosis fanɛ

Levitikɔs 23:21

Men sa maŋ kaŋ shuŋ kushuŋ kikɛ loŋ be kachɛ na, ama keshɛr m bunyaŋ Enyɛnpe Ebɔrɛ na nawule. Kaplɛkama nɛ men wɔ, a daga fanɛ men be kaman to ebi ka bee bɛ mbraana ere so hale mbaanaayɔ.

Levitikɔs 23:37

(Nchɛgboŋ nɛ Enyɛnpe Ebɔrɛ na yili n sa fanɛ men ta a bunyaŋ mo nsaa lara esargajibi nɛ esarga chɔɔso nɛ ajibi weato be esarga nɛ asɔbɔya be esarga nɛ yabra belbelso be esarga nɛ a daga karechɛ kikɛ a sa mo na nna na.

Levitikɔs 23:4

Nchɛgboŋana nɛ Enyɛnpe Ebɔrɛ na yili nɛ a la nchɛ cheembiana nɛ menyeeŋ baa shɛr nde:

Levitikɔs 23:44

Enyɛnpe Ebɔrɛ na be nchɛgboŋ be mbra nɛ e nase n sa fanɛ b ta a maŋkura mo nɛ Mosis daŋ ta n sa Israɛl be basa na nna na.

Nahum 1:15

Judaebi, men keni, kabɔ ko kɔ baru lela n shi kebeegboŋ na so a ba! Kayurwushi be baru nɛ e kɔ a ba. Amoso men ji menyi be nchɛgboŋ nseŋ wora m bɔlɔ nnɔ nɛ men nase n sa Ebɔrɛ na so. Kumukpakpaso wuraana maaŋ naaŋ kɔ n sɔ menyi be kasawule kikɛ, ŋkpal manɛ so, b mur cheche kuraa.

Nɔmbɛs 10:10

Nɛ men baa ji menyi be kufɔl popɔr be kejigboŋ nɛ kabɔrɛshuŋ be kejigboŋana ko, k daga men baa foŋ mbel na saŋɛ nɛ menyee lara sarga chɔɔso nɛ kɔnɔkoŋwuleso be esarga na nɛ ma nɛ n la men Nyɛnpe nɛ men be Ebɔrɛ na e chɛ menyi to.”

Nɔmbɛs 29:39

Men baa lara le be esarga ere kachɛgboŋ achɛ kikɛ n ti keparso ŋko kɔnɔ be ketia be esarga so.”

Baru lela nɛ Jɔn kute na 5:1

Yesu ka wora nchɛnnyɔ nɛ e yɔ Juwebi be kabɔrɛbɛso be daŋkare ko be Kejigboŋ to ashi Jerusalɛm.

Kɔlɔsiebi 2:1

Mee kaŋɛ menyi kesheŋ ere nna ŋkpal ŋ ka bee sha men ka pin kananɛ mee mɔ ma kumu a sa menyi nɛ bumo nɛ b wɔ Laodisiya nɛ bumo nɛ b maŋ naŋ wu ma kikɛ na,

Kɔlɔsiebi 2:16

Amoso, men sa maŋ shin nɛ ekama e wu menyi kulubi ŋkpal kusɔ jiso ŋko kusɔnuuso so ŋko ŋkpal men ka maa bunyaŋ nchɛgboŋ ŋko kufɔl popɔr ŋko kewushiachɛ so.