Levitikɔs 23:11 - EBƆRƐ BE KAWƆL

¹¹ Mo alɛ beeŋ ba maŋ kumo so Enyɛnpe Ebɔrɛ na be anishito a ŋini fanɛ k la Kewushiachɛ na be sarga nna, saŋɛ na so Enyɛnpe Ebɔrɛ na beeŋ sɔ menyi be kekule.

Levitikɔs 23:11 ပူးပေါင်းရင်းမြစ်များ

Ɛksodɔs 28:38

A daga fanɛ Ɛɛrɔn e baa chɛ neemu na nɛ kasibɛ na e baa wɔ mbe kasɔto so saŋkama a ŋini fanɛ e ta Israɛlebi be alubi nɛ b wora saŋɛ nɛ baa lara sarga a sa ma na n deŋi mbe kumu so nɛ ma, Enyɛnpe Ebɔrɛ na e baa sɔ bumo be esarga na.

Ɛksodɔs 29:24

Men shin nɛ Ɛɛrɔn nɛ mbe bibinyɛn na e maŋ amo so ma, Enyɛnpe Ebɔrɛ na be anishito fanɛ kakɛ cheembi be sarga.

Levitikɔs 10:14

Ama menyi nɛ men be mbinyɛnsobi nɛ bechesobi kikɛ beeŋ tiŋ n we asɔbɔya be ŋgbene nɛ ebɛaŋ nɛ baa maŋ so awɔlto a ŋini fanɛ a la kakɛgboŋ nna n sa Enyɛnpe Ebɔrɛ na nsaa la bɔrɛmatapoana be kachige na. Men baa we amo kakpa cheembi, ŋkpal manɛ so, a la menyi nɛ men be mbia be kachige nna ashi Israɛlebi be kɔnɔkoŋwule be esarga to.

Levitikɔs 23:10

e kaŋɛ Israɛl be basa na le: “Men kaŋ luri kasawule nɛ mee sha keta n sa menyi na to nseŋ ya dɔ n teŋi, men lara asɔ nɛ menyeeŋ juŋkpar n teŋi na be kuyu pati m ba sa bɔrɛmatapo na.

Levitikɔs 23:12

Kumo be kamɔnchɛ na, a daga fanɛ men ta kpakpafɔlbi nɛ k fo kafɛ nsaa maŋ kɔ ndulgi n lara sarga n sa Enyɛnpe Ebɔrɛ na.

Levitikɔs 9:21

Kumo be kaman nɛ e ta ŋgbene na nɛ jiso be ebɛaŋ nɛ a la Enyɛnpe Ebɔrɛ na be kakɛgboŋ nɛ k bee yɔ bɔrɛmatapoana na kutɔ fanɛ kananɛ Enyɛnpe Ebɔrɛ na yili n sa Mosis na.

Ruf be kawɔl 1:22

To, kananɛ Nawomi nɛ mo shache Ruf nɛ e daa la Mowabche na daŋ shi Mowab be efuli so m ba Bɛtlɛhɛm nna na. B daŋ ba fo Bɛtlɛhɛm jemanɛ nɛ baa fara a buri akoŋboyu na nna.