Levitikɔs 23:10 - EBƆRƐ BE KAWƆL

¹⁰ e kaŋɛ Israɛl be basa na le: “Men kaŋ luri kasawule nɛ mee sha keta n sa menyi na to nseŋ ya dɔ n teŋi, men lara asɔ nɛ menyeeŋ juŋkpar n teŋi na be kuyu pati m ba sa bɔrɛmatapo na.

Levitikɔs 23:10 ပူးပေါင်းရင်းမြစ်များ

Ɛksodɔs 22:29

Men sa maŋ kaŋ kini kesa ma men be adɔjibi nɛ asɔrso be asɔnuuso. Men ta men be ewurkoŋ nyɛnso

Ɛksodɔs 23:16

Kasɔteŋi be jemanɛ baa fo, men wora Kasɔteŋi be Kejigboŋ. Kafɛ na ya kaa loge be saŋɛ nɛ menyee chala men be adɔjibi abar so na, men wora Kechala Abarso be Kejigboŋ na.

Ɛksodɔs 23:19

Kafɛ kikɛ men baa ta men be adɔjibi juŋkparso lelaana a bar ma, Enyɛnpe Ebɔrɛ, ashi kakpa nɛ menyee bunyaŋ ma na. Men sa maŋ kaŋ daŋɛ kaboe fɔlbi kumo nio be kenyipochu to.

Ɛksodɔs 34:22

Men baŋ ba kaa teŋi men be ayu juŋkparsoana na, men wora Kasɔteŋi be daŋkare be Kejigboŋ na. Kafɛ na malɛ naŋ ya kaa fo ekar nɛ menyee chala men be adɔjibi na, men wora Abuu to be daŋkare be Kejigboŋ na malɛ.

Ɛksodɔs 34:26

Kafɛ kikɛ men baa ta men be adɔjibi nɛ menyee juŋkpar n teŋi a ba ma, Enyɛnpe men be Ebɔrɛ na be kowu to. Men sa maŋ kaŋ ta kusɔbɔya kikɛ be kenyipochu n daŋɛ kumo pibi.”

Ezikɛl 44:30

Adɔjibi kama nɛ b juŋkpar n teŋi nɛ kusɔ kama nɛ b ta n sa ma beeŋ baa la bɔrɛmatapoana na peya nna. Jemanɛ kikɛ nɛ basa na wora ebodobodo, a daga fanɛ b ta bodobodo nɛ b juŋkpar n wora na n sa bɔrɛmatapoana fanɛ kakɛ nɛ k bee yɔ Ebɔrɛ kutɔ, saŋɛ na so ma nɛfa beeŋ baa wɔ bumo be elaŋana so.

Levitikɔs 14:34

“Men kaŋ ya luri Keenan be kasawule nɛ mee sha keta n sa menyi ere to, nɛ ŋ kaŋ shin nɛ ndoŋ be laŋ ko be egbal puu,

Levitikɔs 23:11

Mo alɛ beeŋ ba maŋ kumo so Enyɛnpe Ebɔrɛ na be anishito a ŋini fanɛ k la Kewushiachɛ na be sarga nna, saŋɛ na so Enyɛnpe Ebɔrɛ na beeŋ sɔ menyi be kekule.

Levitikɔs 23:17

Kanaŋ kikɛ beeŋ bar ebodobodo anyɔ m ba sa bɔrɛmatapo na nɛ e ta amo m ba sa Enyɛnpe Ebɔrɛ na fanɛ kakɛgboŋ. A daga b ta nyifu kurwa koŋwule nna n wɔtɔ yiisi n wora bodobodo koŋwule kama nɛ a baa la asɔ nɛ b juŋkpar n teŋi na be sarga n sa Enyɛnpe Ebɔrɛ na.

Levitikɔs 23:9

Kumo be kaman nɛ Enyɛnpe Ebɔrɛ na naŋ kaŋɛ Mosis fanɛ

Nɔmbɛs 15:2

e ta le be esarga be kelara be mbraana n sa Israɛlebi na nɛ b baa bɛ amo so ashi kasawule nɛ baa yɔ nɛ b ya chena so na so.

Nɔmbɛs 28:26

A daga fanɛ men be ekama ka wushi ashi mbe ashuŋ to kasɔteŋi be kachɛgboŋ na be kachɛ juŋkparso, nseŋ ta mbe ayu popɔr be sarga m ba sa Enyɛnpe Ebɔrɛ na, nseŋ shɛr abar so m bunyaŋ mo.

Romebi 11:16

Nɛ esa baŋ ta bodobodo be kaba n lara kanya popɔr be sarga n sa Ebɔrɛ, kumo ere bodobodo na gba kikɛ la Ebɔrɛ peya nna na. Nɛ esa malɛ naŋ kaŋɛ fanɛ Ebɔrɛ e wɔ kedibi be nliŋi, kumo ere mo koŋwule na e kraa wɔ kedibi na kikɛ gba.

Ditɛronɔmi 16:9

Ade kikɛ be kaman nɛ men yili jemanɛ nɛ men fara a teŋi menyi be ayu na a karga n ya fo ebɔkwe ashunu.

Jeems 1:18

Mo gbagba e yili kumo fanɛ e bɔla mbe kashenteŋ be kamalga na to n shin nɛ an ki mbe kepɔrso kikɛ be basa juŋkparso.

Joshuwa 3:15

Kasɔteŋi be jemanɛ e daa la nɛ Jɔɔdan be lɔr na bɔlɔ n to chuful. Ama bɔrɛmatapoana nɛ b sulɔ ŋkre be deka na be aya ka baŋ chichi nchu na to,

Kelaraŋŋini 14:4

Bumo e la basa nɛ b maŋ di beche n jija bumo be amu na, b daa maŋ nyi beche. Kaplɛkama nɛ Kpakpafɔlbi na bee yɔ, b bɛ mo so nna. B daŋ sɔ bumo ashi edimɛdi to nna n yige n shin nɛ b du fanɛ asɔrso juŋkparso mo nɛ baaŋ ta n lara sarga n sa Ebɔrɛ nɛ Kpakpafɔlbi na.

Ruf be kawɔl 1:22

To, kananɛ Nawomi nɛ mo shache Ruf nɛ e daa la Mowabche na daŋ shi Mowab be efuli so m ba Bɛtlɛhɛm nna na. B daŋ ba fo Bɛtlɛhɛm jemanɛ nɛ baa fara a buri akoŋboyu na nna.