Levitikɔs 22:9 - EBƆRƐ BE KAWƆL

⁹ Bɔrɛmatapoana kikɛ daga b bɛ mbraana nɛ n nase na kikɛ so, saŋɛ na so b maaŋ tɔr ntaŋ nseŋ wu ŋkpal b ka maŋ wora amo kasonu so. Ma e la Enyɛnpe Ebɔrɛ na nɛ mee sha fanɛ ma bɔrɛmatapoana e baa du cheembi.

Levitikɔs 22:9 ပူးပေါင်းရင်းမြစ်များ

Ɛksodɔs 28:43

A daga fanɛ Ɛɛrɔn nɛ mbe mbinyɛnso na e baa wɔtɔ loŋ be ewondoŋshiimbi ere saŋkama nɛ baa luri Enyɛnpe be wajɛbu na to ŋko saŋkama nɛ baa ba bɔrɛsure na ase nɛ b ba shuŋ ma ashi kakpa cheembi na to, saŋɛ na so b maaŋ wu ŋkpal b ka na kayurkpaŋ so. Le be mbra ere beeŋ baa dese n sa Ɛɛrɔn nɛ mbe kaman to ebi hale mbaanaayɔ.

Levitikɔs 16:13

E beeŋ ta duwu na n wɔtɔ edɛ na to ashi Enyɛnpe Ebɔrɛ na be anishito ndoŋ nɛ duwu na be edishi a buu kɔnɔkoŋwule be ŋkre be deka na be buuso na so, saŋɛ na so e maaŋ wu kumo kenishiso nseŋ wu.

Levitikɔs 16:2

“Kaŋɛ fo da Ɛɛrɔn fanɛ jemanɛ nɛ k daga nawule nɛ e beeŋ tiŋ n luri acheembiana to be kakpa cheembi nɛ k wɔ patisa na be kaman na to, ŋkpal manɛ so, ndoŋ nɛ mee bɔla kuwɔlpa nɛ k buu kɔnɔkoŋwule be ŋkre be deka na so a lara ma kumu a ŋini. Nɛ mannɛ aloŋ, e beeŋ wu.

Levitikɔs 18:30

Ade kikɛ be kaman nɛ Enyɛnpe Ebɔrɛ na naŋ kaŋɛ: “Men wora asɔ nɛ n yili n sa menyi ere kasonu nsaa maŋ wora mbushusheŋ nɛ basa nɛ b daa wɔ kasawule na so na wora na. Men sa maŋ kaŋ wora amo nseŋ luri eyurpi to. Ma e la Enyɛnpe, men be Ebɔrɛ na.”

Levitikɔs 22:16

nseŋ shin nɛ basa nɛ b maŋ daga keji amo e ji amo. Kumo be loŋ beeŋ shin nɛ b wora n da so nseŋ nya kasogberge. Ma e la Enyɛnpe Ebɔrɛ na. Ma alɛ e naa shin nɛ esarga na bee ki cheembi.”

Nɔmbɛs 18:22

Baŋ yili kabre a yɔ, Israɛlebi nɛ b ka na e sa maŋ taga Enyɛnpe be wajɛbu na to, manɛ aloŋ baaŋ wu nɛ k baa la bumo be alubi be kasogberge.

Nɔmbɛs 18:32

Nɛ men baŋ lara amo to be alela n sa Enyɛnpe Ebɔrɛ na pɔɛŋ nseŋ ji amo nɛ a ka na, kumo ere men maŋ wora n da so. Menyi alɛ maŋ jija Israɛlebi na be esarga cheembi na. Menyi alɛ maaŋ wu.”

Matiu 23:17

Betanpo wulpo ere, bɔrɛlambu na nɛ kumo to be amansherbi na, kumo e chɔ? Amansherbi na e chɔ ŋko bɔrɛlambu nɛ k shin nɛ amansherbi na ki cheembi na e chɔ?

Ditɛronɔmi 11:1

Men baa sha Enyɛnpe menyi be Ebɔrɛ na nsaa wora mbe mbraana kikɛ kasonu.