Levitikɔs 22:23 - EBƆRƐ BE KAWƆL

²³ Menyeeŋ tiŋ n ta kena ŋko kubolpɔ nɛ kumo be aya maŋ sasa abar n lara kakɛ be sarga, ama mannɛ kɔnɔ be ketia be sarga bre.

Levitikɔs 22:23 ပူးပေါင်းရင်းမြစ်များ

Ɛksodɔs 35:29

Israɛlebi na be benyɛn nɛ beche nɛ b daa sha nɛ b chɛ kushuŋ na to na, daa bar bumo be ŋkɛ nna fanɛ b ta n shuŋ Enyɛnpe Ebɔrɛ na be kushuŋ nɛ e ta n sa Mosis na.

Levitikɔs 21:18

Esa kama nɛ e dulgi maaŋ tiŋ ŋ ki bɔrɛmatapo n lara sarga kikɛ. Esa kama nɛ e la tanpo ŋko bobi ŋko mbe anishiakpa chɛrga ŋko ŋ gbɛto ŋko nɛ mbe kabre ŋko mbe keya wu ŋko nɛ kugɔŋwura ŋko kirbi ŋko esa nɛ e bee lɔ anishi ŋko esa nɛ mbe eyur so kɔ achuu nɛ a bee lar nchu, ŋko enyɛn kama nɛ b fɛl mo nɛ e maaŋ naŋ tiŋ n di eche, maaŋ tiŋ ŋ ki bɔrɛmatapo.

Levitikɔs 22:22

Men sa maŋ kaŋ ta kusɔbɔya nɛ k tan ŋko nɛ a la bobi ŋko m piira ŋko a lɔ keshekpere n lara sarga n sa Enyɛnpe Ebɔrɛ na. Men sa maŋ kaŋ ta loŋ be asɔbɔya ere be kekama n lara ajibi be sarga bɔrɛsure na so kikɛ.

Levitikɔs 22:24

Men sa maŋ kaŋ ta kusɔbɔya nɛ b fɛl ŋko kusɔbɔya nɛ k piira n lara sarga n sa Enyɛnpe Ebɔrɛ na. Kumo be loŋ maŋ daga menyi be kasawule so.

Malakai 1:8

Men ka bee ta asɔbɔya nɛ b tan ŋko asɔbɔya nɛ baa lɔ ŋko bumo nɛ bumo be ayaana wu a lara sarga a sa ma na, men fɛ fanɛ loŋ walɛ a? Men ta loŋ be asɔbɔya n ya sa men be gomena e beeŋ kini amo, mo alɛ maaŋ chɛ menyi to.”

Ditɛronɔmi 15:21

Ama nɛ fanɛ kusɔbɔya na buri to ŋko n tan nna ŋko doro ko wɔ kumo so nna, kumo ere men sa maŋ kaŋ ta kumo n lara sarga n sa Enyɛnpe menyi be Ebɔrɛ na.

Ditɛronɔmi 17:1

Men sa maŋ kaŋ ta kena ŋko kubolpɔ nɛ k kɔ doro kikɛ n lara sarga n sa Enyɛnpe Ebɔrɛ na, ŋkpal manɛ so, e kishi loŋ ga.