Levitikɔs 22:22 - EBƆRƐ BE KAWƆL

²² Men sa maŋ kaŋ ta kusɔbɔya nɛ k tan ŋko nɛ a la bobi ŋko m piira ŋko a lɔ keshekpere n lara sarga n sa Enyɛnpe Ebɔrɛ na. Men sa maŋ kaŋ ta loŋ be asɔbɔya ere be kekama n lara ajibi be sarga bɔrɛsure na so kikɛ.

Levitikɔs 22:22 ပူးပေါင်းရင်းမြစ်များ

Levitikɔs 1:13

A daga e fɔr apuntosɔ nɛ kaman to be aya na so nɛ bɔrɛmatapo na e chɔɔ amo alɛ gba bɔrɛsure na so. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Levitikɔs 1:9

Nɛ esa nɛ e bee lara sarga na e fɔr kusɔbɔya na be apuntosɔ nɛ kaman to be aya kikɛ so nɛ bɔrɛmatapoana na e chɔɔ amo kikɛ bɔrɛsure na so m mur. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Levitikɔs 22:20

Nɛ men bar kusɔbɔya nɛ e kɔ ndulgi, Enyɛnpe Ebɔrɛ na maaŋ sɔ kumo.

Levitikɔs 22:21

Esa kama nɛ e bee shin nɛ e lara kɔnɔkoŋwule be sarga n sa Enyɛnpe Ebɔrɛ n tia kɔnɔ ŋko n ta ŋ kɛ mo, daga fanɛ e bar kusɔbɔya nɛ k maŋ kɔ ndulgi.

Levitikɔs 22:23

Menyeeŋ tiŋ n ta kena ŋko kubolpɔ nɛ kumo be aya maŋ sasa abar n lara kakɛ be sarga, ama mannɛ kɔnɔ be ketia be sarga bre.

Levitikɔs 3:3

nseŋ lara kusɔbɔya na be nfɔ nɛ a wɔ kumo be apuntosɔ so na kikɛ nɛ

Levitikɔs 3:5

Bɔrɛmatapoana na be beko beeŋ ta kusɔbɔya na be nfɔ na n ti ayu be sargajibi na so n chɔɔ bɔrɛsure na so nɛ k baa la sarga nɛ kumo be efɛa bee par Enyɛnpe Ebɔrɛ na nna.

Malakai 1:8

Men ka bee ta asɔbɔya nɛ b tan ŋko asɔbɔya nɛ baa lɔ ŋko bumo nɛ bumo be ayaana wu a lara sarga a sa ma na, men fɛ fanɛ loŋ walɛ a? Men ta loŋ be asɔbɔya n ya sa men be gomena e beeŋ kini amo, mo alɛ maaŋ chɛ menyi to.”