Levitikɔs 22:20 - EBƆRƐ BE KAWƆL

²⁰ Nɛ men bar kusɔbɔya nɛ e kɔ ndulgi, Enyɛnpe Ebɔrɛ na maaŋ sɔ kumo.

Levitikɔs 22:20 ပူးပေါင်းရင်းမြစ်များ

Ezikɛl 45:18

Ade kikɛ be kaman, nɛ Enyɛnpetale Ebɔrɛ na naŋ kaŋɛ le: “Menyeeŋ ta gbolu nɛ doro kikɛ maŋ wɔ kumo so n lara sarga n lɔŋɛ bɔrɛlambu na so kufɔl juŋkparso na be kachɛ sososo na.

Levitikɔs 1:3

“Nɛ fanɛ kena nɛ e bee ta a lara sarga chɔɔso na, a daga k baa la gbolu nɛ e maŋ kɔ ndulgi kikɛ kumo be eyur so. Amodoŋwura malɛ beeŋ bar kumo wajɛbu na be kabuna ase, saŋɛ na so Enyɛnpe Ebɔrɛ na beeŋ sɔ sarga na.

Levitikɔs 22:24

Men sa maŋ kaŋ ta kusɔbɔya nɛ b fɛl ŋko kusɔbɔya nɛ k piira n lara sarga n sa Enyɛnpe Ebɔrɛ na. Kumo be loŋ maŋ daga menyi be kasawule so.

Levitikɔs 22:25

Men sa maŋ kaŋ sɔ efɔ be kusɔbɔya kikɛ n lara ajibi be sarga n sa men be Ebɔrɛ. M maaŋ sɔ amo, ŋkpal manɛ so, loŋ be asɔbɔya na maŋ kɔr asɔbɔya nɛ e kɔ ndulgi to.”

Levitikɔs 3:1

Nɛ esa ta kusɔbɔya nɛ e lara kɔnɔkoŋwule be sarga, a daga k baa la gbolu ŋko nache nɛ k maŋ kɔ ndulgi kikɛ kumo so nna, nɛ e keta kumo m ba Enyɛnpe Ebɔrɛ na be anishito.

Levitikɔs 3:6

Nɛ kusɔbɔya nɛ esa na ta nɛ e lara kɔnɔkoŋwule be sarga n sa Enyɛnpe Ebɔrɛ na la kubolpɔ ŋko kaboe nna, a daga k baa la kenyɛnso ŋko kecheso nɛ k maŋ kɔ ndulgi kikɛ kumo so.

Malakai 1:8

Men ka bee ta asɔbɔya nɛ b tan ŋko asɔbɔya nɛ baa lɔ ŋko bumo nɛ bumo be ayaana wu a lara sarga a sa ma na, men fɛ fanɛ loŋ walɛ a? Men ta loŋ be asɔbɔya n ya sa men be gomena e beeŋ kini amo, mo alɛ maaŋ chɛ menyi to.”

Nɔmbɛs 19:2

fanɛ b ta mbra ere n sa Israɛlebi na fanɛ b bar kena peper nɛ b maŋ naŋ ta kumo n shuŋ kikɛ nɛ k maŋ kɔ ndulgi kumo so m ba sa Mosis nɛ Ɛɛrɔn,

Nɔmbɛs 29:8

Men ta gbolu fɔlbi nɛ k maŋ kɔ ndulgi nɛ kpakpa nɛ k maŋ kɔ ndulgi nɛ nfɛ koko be ekpakpafɔlbi ashunu nɛ a maŋ kɔ ndulgi kikɛ m ba lara sarga nɛ kumo be efɛa wɔ ebel n sa Enyɛnpe Ebɔrɛ.

Ditɛronɔmi 15:21

Ama nɛ fanɛ kusɔbɔya na buri to ŋko n tan nna ŋko doro ko wɔ kumo so nna, kumo ere men sa maŋ kaŋ ta kumo n lara sarga n sa Enyɛnpe menyi be Ebɔrɛ na.

Ditɛronɔmi 17:1

Men sa maŋ kaŋ ta kena ŋko kubolpɔ nɛ k kɔ doro kikɛ n lara sarga n sa Enyɛnpe Ebɔrɛ na, ŋkpal manɛ so, e kishi loŋ ga.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.

1 Pita 1:19

Kristo nɛ e du fanɛ kpakpafɔlbi a maŋ dulgi kikɛ na ŋko nɛ saŋgre kikɛ maŋ wɔ mo to na be ŋklaŋ nɛ b ta n sɔ menyi n yige.