Levitikɔs 22:2 - EBƆRƐ BE KAWƆL

² fanɛ e kaŋɛ Ɛɛrɔn nɛ mbe mbinyɛnsobi le: “Men baa ta bunyaŋ a sa esarga cheembi nɛ Israɛl be basa bee lara a sa ma na nsaa maa ŋaba ma ketre cheembi na. Ŋkpal manɛ so, ma e la Enyɛnpe Ebɔrɛ na.

Levitikɔs 22:2 ပူးပေါင်းရင်းမြစ်များ

Ɛzra 8:28

Kumo be kaman nɛ ŋ kaŋɛ bumo le: “Menyi nɛ asɔ ere kikɛ ki asɔ cheembi nna n sa Enyɛnpe men nanaana be Ebɔrɛ na. Shuwa nɛ gbiti na kikɛ la kagbene koŋwule so be sarga nna nɛ an lara n sa Enyɛnpe men tutoana be Ebɔrɛ na.

Ɛksodɔs 13:12

men ta men be ewurkoŋnyɛn nɛ men be asɔbɔya be bibinyɛn nɛ baaŋ fara ŋ kurge ashi ndoŋ na kikɛ n sa ma, Enyɛnpe Ebɔrɛ na.

Ɛksodɔs 28:38

A daga fanɛ Ɛɛrɔn e baa chɛ neemu na nɛ kasibɛ na e baa wɔ mbe kasɔto so saŋkama a ŋini fanɛ e ta Israɛlebi be alubi nɛ b wora saŋɛ nɛ baa lara sarga a sa ma na n deŋi mbe kumu so nɛ ma, Enyɛnpe Ebɔrɛ na e baa sɔ bumo be esarga na.

Aizaaya 52:11

Menyi kikɛ nɛ menyee sulɔ bɔrɛlambu na to be asɔ na, e lar kadegboŋ nɛ baa tre Babilɔn na to. Men sa maŋ kaŋ beta keyurpisɔ kikɛ n wora eyurpi daŋkare be ekpa so. Menyi alɛ e bɛr nchu a du farfarbi pɔɛŋ nseŋ lar ndoŋ.

Ezikɛl 44:8

Bumo gbagba ka beeŋ baa wora asɔ nɛ a daga a laŋɛ esarga cheembi na kaplɛa so ashi bɔrɛlambu na to so na, befɔ nɛ b ta loŋ be kushuŋ nna n sa.

Levitikɔs 15:31

Ade kikɛ be kaman, nɛ Enyɛnpe Ebɔrɛ na naŋ kaŋɛ Mosis fanɛ e kpele Israɛl be basa na kusoe a laŋɛ bumo be eyurpisheŋ be kaplɛa so, saŋɛ na so b maaŋ ta eyurpi m pɛ wajɛbu nɛ k wɔ keeyi na be nferinto na. Nɛ b ta eyurpi m pɛ kumo, efuli na kikɛ beeŋ wu.”

Levitikɔs 18:21

Sa maŋ kaŋ ta fo pibi kama n sa nɛ b lara sarga n sa kegbir nɛ baa tre Mɔlɛk na, ŋkpal manɛ so, k beeŋ ŋaba men Nyɛnpe Ebɔrɛ na be ketre.

Levitikɔs 19:12

Sa maŋ kaŋ ta ma ketre n nase kɔnɔ nɛ fo maŋ kre ketia, saŋɛ na so, fo maaŋ ŋaba ma ketre. Ma e la Enyɛnpe, men be Ebɔrɛ na.

Levitikɔs 20:3

Esa kikɛ nɛ e ta mbe kebia n sa kegbir Mɔlɛk na jija ma nshɛrbu nseŋ ŋaba ma ketre cheembi na nna na. Ŋkpal loŋ so, meeŋ pal kaman n sa amodoŋwura nɛ e maaŋ naa la ma basa Israɛl ebi to be eko.

Levitikɔs 21:6

A daga fanɛ e baa du cheembi nna nsaa maa ŋaba ma ketre. Ŋkpal e ka la esa nɛ e bee ta ayu be sargajibi m ba kaa sa ma, Enyɛnpe Ebɔrɛ na so, a daga fanɛ e baa du cheembi.

Levitikɔs 22:1

Ndoŋ nna nɛ Enyɛnpe Ebɔrɛ na naŋ kaŋɛ Mosis

Levitikɔs 22:32

Men sa maŋ kaŋ ŋaba ma ketre cheembi na. Israɛl be basa kikɛ daga b baa nyi ŋ kaa du cheembi. Ma e la Enyɛnpe Ebɔrɛ na. Ma alɛ bee sha fanɛ ma basa e baa du cheembi nna.

Nɔmbɛs 18:32

Nɛ men baŋ lara amo to be alela n sa Enyɛnpe Ebɔrɛ na pɔɛŋ nseŋ ji amo nɛ a ka na, kumo ere men maŋ wora n da so. Menyi alɛ maŋ jija Israɛlebi na be esarga cheembi na. Menyi alɛ maaŋ wu.”

Ditɛronɔmi 15:19

Kede be kaman, kusɔbɔya fanɛ kena ŋko kubolpɔ ŋko kaboe pibi wurkoŋ la Enyɛnpe menyi be Ebɔrɛ na peya nna nɛ a maŋ daga fanɛ men ta loŋ be ana na a shuŋ ŋko ŋ kuya mbolpɔ na be afuibi n wora kusɔ ko.