Levitikɔs 22:19 - EBƆRƐ BE KAWƆL

¹⁹ Pɔɛŋ nɛ meeŋ sɔ sarga na, a daga fanɛ kusɔbɔya na e baa la kenyɛnso nsaa maa kɔ ndulgi kikɛ.

Levitikɔs 22:19 ပူးပေါင်းရင်းမြစ်များ

Ɛksodɔs 12:5

Laŋ kama to be kusɔbɔya e baa la kusɔbɔyanyɛnso nɛ k ji kafɛ koŋwule nsaa maa kɔ ndulgi kikɛ. Baaŋ tiŋ n lara kumo ashi mbolpɔ to ŋko mboe to.

Levitikɔs 1:10

Nɛ fanɛ esa na bee lara kubolpɔ ŋko kaboe nna, a daga k baa la kenyɛnso nɛ k maŋ kɔ ndulgi kikɛ kumo be eyur so.

Levitikɔs 1:2

“Kaŋɛ Israɛl be basa na fanɛ nɛ ekama baa bar sarga nɛ e ba sa Enyɛnpe Ebɔrɛ na, e bar kena ŋko kubolpɔ ŋko kaboe.”

Levitikɔs 1:3

“Nɛ fanɛ kena nɛ e bee ta a lara sarga chɔɔso na, a daga k baa la gbolu nɛ e maŋ kɔ ndulgi kikɛ kumo be eyur so. Amodoŋwura malɛ beeŋ bar kumo wajɛbu na be kabuna ase, saŋɛ na so Enyɛnpe Ebɔrɛ na beeŋ sɔ sarga na.

Levitikɔs 21:18

Esa kama nɛ e dulgi maaŋ tiŋ ŋ ki bɔrɛmatapo n lara sarga kikɛ. Esa kama nɛ e la tanpo ŋko bobi ŋko mbe anishiakpa chɛrga ŋko ŋ gbɛto ŋko nɛ mbe kabre ŋko mbe keya wu ŋko nɛ kugɔŋwura ŋko kirbi ŋko esa nɛ e bee lɔ anishi ŋko esa nɛ mbe eyur so kɔ achuu nɛ a bee lar nchu, ŋko enyɛn kama nɛ b fɛl mo nɛ e maaŋ naŋ tiŋ n di eche, maaŋ tiŋ ŋ ki bɔrɛmatapo.

Levitikɔs 4:32

Nɛ fanɛ esa lara kubolpɔ nna fanɛ kulubi be sarga be kusɔbɔya, a daga k baa la kubolpɔche nɛ k maŋ kɔ ndulgi kikɛ.

Matiu 27:19

Pailat daŋ kraa tase demujikpa na nna nɛ mbe eche ta le be kubɔya n shoŋi mo: “Lara fo enɔ ashi kanyɛn na be asheŋ to, ŋkpal manɛ so, e la esa lela nna. Ŋ kaŋ ku mbe edare ndre kanyɛso, n ji awurfoŋ ga.”

Matiu 27:24

Pailat ka wu fanɛ e maaŋ naŋ tiŋ n wora shɛŋ she kebagato e naa shin nɛ k koso basa na to nɛ e ta nchu n fɔr mbe enɔana nseŋ kaŋɛ le: “Ma enɔ maŋ wɔ kanyɛn ere be luwu to, menyi be asheŋ nna.”

Matiu 27:4

nseŋ ya kaŋɛ bumo le: “N wora alubi, ŋkpal manɛ so, n debɔr esa nɛ e maŋ wora shɛŋ nɛ baa shin nɛ b mɔ mo.” Nɛ basa na bishi mo le: “Anyi alɛ be manɛ e naa wɔtɔ? Fo asheŋ nna.”

Matiu 27:54

Benapo be enimu nɛ basa nɛ b daa yil ndoŋ a de Yesu so na ka wu kananɛ kasawule na gbuŋgbuŋ to nɛ asɔ nɛ a daŋ wora na kikɛ nɛ kufu pɛ bumo nɛ b kaŋɛ le: “Kashenteŋto, kanyɛn ere daa la Ebɔrɛ Pibinyɛn nna!”

Luuk 23:14

ŋ kaŋɛ bumo le: “Men yɛ kanyɛn nɛ men bar ma na la esa lubi nna a wɔtɔ a fur basa a wɔtɔ kumuleŋ to. Ma alɛ ka yili menyi kikɛ be anishito nfe ŋ keni mbe demu na to m maŋ wu alubi nɛ men kaŋɛ fanɛ e wora na be kekama mo so.

Luuk 23:41

Anyi ere be alubi be tɔnɔ nɛ anyee ji na, ama kanyɛn ere bre maŋ wora shɛŋ.”

Luuk 23:47

Benapo be enimu ko ka daŋ wu asɔ nɛ a wora na kikɛ nɛ e di Ebɔrɛ epaŋ nseŋ kaŋɛ le: “Kashenteŋto, kanyɛn ere daa maŋ wora shɛŋ.”

Baru lela nɛ Jɔn kute na 19:4

Ade kikɛ be kaman nɛ Pailat naŋ lar ŋ kaŋɛ Juwebi na le: “Men keni, meeŋ ta mo m bar menyi nɛ men pin fanɛ ma ere maŋ wu kusɔ lubi kikɛ mo so nɛ k daga mbe kasogberge.”

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Ɛfesesebi 5:27

Saŋɛ na so e beeŋ ta asɔri na nɛ kumo be kela kikɛ nɛ kumo be kananɛ k ki cheembi nɛ kananɛ k maŋ kɔ kulubi kikɛ ŋko nɛ kananɛ kulubi kikɛ maŋ do kumo so nɛ kananɛ k maŋ nɔkɔr to ŋko kananɛ k maaŋ baa du bubɔrɔ kikɛ na m bɔɔ mo gbagba be kumu enɔ.

Ditɛronɔmi 15:21

Ama nɛ fanɛ kusɔbɔya na buri to ŋko n tan nna ŋko doro ko wɔ kumo so nna, kumo ere men sa maŋ kaŋ ta kumo n lara sarga n sa Enyɛnpe menyi be Ebɔrɛ na.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.

1 Pita 1:19

Kristo nɛ e du fanɛ kpakpafɔlbi a maŋ dulgi kikɛ na ŋko nɛ saŋgre kikɛ maŋ wɔ mo to na be ŋklaŋ nɛ b ta n sɔ menyi n yige.

1 Pita 3:18

Ŋkpal manɛ so, Kristo gba wu kela koŋwule nna pati, ŋkpal basa be alubi so, esa nɛ e maŋ kɔ kulubi e wu n sa basa lubi na, saŋɛ na so e beeŋ yɛra menyi Ebɔrɛ kutɔ. B daŋ mɔ mbe eyur, ama Ebɔrɛ shin nɛ e nya ŋkpa ashi mbe Kiyoyu na to.