Levitikɔs 22:16 - EBƆRƐ BE KAWƆL

¹⁶ nseŋ shin nɛ basa nɛ b maŋ daga keji amo e ji amo. Kumo be loŋ beeŋ shin nɛ b wora n da so nseŋ nya kasogberge. Ma e la Enyɛnpe Ebɔrɛ na. Ma alɛ e naa shin nɛ esarga na bee ki cheembi.”

Levitikɔs 22:16 ပူးပေါင်းရင်းမြစ်များ

Nshɛ 38:4

nɛ ma alubi wora ma so egbɛ hale a buri ma to.

Ɛksodɔs 28:38

A daga fanɛ Ɛɛrɔn e baa chɛ neemu na nɛ kasibɛ na e baa wɔ mbe kasɔto so saŋkama a ŋini fanɛ e ta Israɛlebi be alubi nɛ b wora saŋɛ nɛ baa lara sarga a sa ma na n deŋi mbe kumu so nɛ ma, Enyɛnpe Ebɔrɛ na e baa sɔ bumo be esarga na.

Levitikɔs 10:17

“Manɛ e ba nɛ men maŋ ji kulubi be sarga na ashi kakpa nɛ k du cheembi nseŋ daga? K la sarga cheembi ga nna nɛ Enyɛnpe Ebɔrɛ na ta n sa menyi nɛ e bɔla kumo so n lara kade na kikɛ be alubi bumo to.

Levitikɔs 20:8

Men baa wora ma mbraana kasonu nsaa bɛ amo so, ŋkpal manɛ so, ma e la Enyɛnpe Ebɔrɛ na. Ma alɛ bee sha fanɛ men baa du cheembi nna.”

Levitikɔs 21:15

Nɛ mannɛ aloŋ, mbe mbia nɛ b daga fanɛ b baa du cheembi na, maaŋ baa la basa cheembi nseŋ tiŋ n shuŋ ma. Ma e la Enyɛnpe Ebɔrɛ na. Ma alɛ e lara mo n yili fanɛ Bɔrɛmatapo Nimuso.”

Levitikɔs 21:23

Ama ŋkpal mbe ndulgi na so, a maŋ daga e ka taga to patisa cheembi nɛ k bee kuŋ kɔnɔkoŋwule be ŋkre be deka na ŋko bɔrɛsure na to. A maŋ daga fanɛ e ta eyurpi m pɛ le be asɔ cheembi ere, ŋkpal manɛ so, ma e la Enyɛnpe Ebɔrɛ na. Ma alɛ e naa shin nɛ asɔ na bee ki cheembi.”

Levitikɔs 21:8

A daga basa na ka wu bɔrɛmatapo na fanɛ esa cheembi, ŋkpal e kaa bee ta ayu be sargajibi m ba kaa sa ma so. Ma e la Enyɛnpe Ebɔrɛ na. N du cheembi nna, ma alɛ bee sha fanɛ ma basa e baa du cheembi nna.

Levitikɔs 22:17

Ade be kaman nɛ Enyɛnpe Ebɔrɛ na naŋ kaŋɛ Mosis

Levitikɔs 22:9

Bɔrɛmatapoana kikɛ daga b bɛ mbraana nɛ n nase na kikɛ so, saŋɛ na so b maaŋ tɔr ntaŋ nseŋ wu ŋkpal b ka maŋ wora amo kasonu so. Ma e la Enyɛnpe Ebɔrɛ na nɛ mee sha fanɛ ma bɔrɛmatapoana e baa du cheembi.

Levitikɔs 7:18

Nɛ eblaŋ na fo nchɛ asa nɛ b we kumo, Ebɔrɛ maaŋ sɔ esa na be sarga na. Esa nɛ e lara sarga na maaŋ nya kumo be nɛfa, kumo alɛ maaŋ baa la sarga cheembi. Kumo be kumu lubi malɛ beeŋ baa bɛ esa kikɛ nɛ e we kumo be eblaŋ na so.

Nɔmbɛs 18:1

Le nɛ Enyɛnpe Ebɔrɛ kaŋɛ Ɛɛrɔn a laŋɛ bɔrɛmatapoana be kushuŋ be kaplɛa so: “Fo nɛ fo mbinyɛnsobi nɛ Livaiebi na kikɛ e naaŋ nya kulubi kama nɛ k wora Enyɛnpe be wajɛbu na be kushuŋ be kaplɛa so be kasogberge ama fo nɛ fo mbinyɛnsobi nawule e naaŋ nya kulubi kama nɛ k wora ashi bɔrɛmatapoana bre be kushuŋ be kaplɛa so bre be kasogberge.

Nɔmbɛs 18:32

Nɛ men baŋ lara amo to be alela n sa Enyɛnpe Ebɔrɛ na pɔɛŋ nseŋ ji amo nɛ a ka na, kumo ere men maŋ wora n da so. Menyi alɛ maŋ jija Israɛlebi na be esarga cheembi na. Menyi alɛ maaŋ wu.”

Matiu 23:17

Betanpo wulpo ere, bɔrɛlambu na nɛ kumo to be amansherbi na, kumo e chɔ? Amansherbi na e chɔ ŋko bɔrɛlambu nɛ k shin nɛ amansherbi na ki cheembi na e chɔ?

1 Pita 2:24

Mo ere gbagba e ta mbe eyur n ta an be alubi n yɔ kedibi largato na so nɛ an baa la basa nɛ b wu alubi be kaplɛa so nsaa wɔtɔ ŋkpal alelasheŋ so. Mbe eyur be kemurgi so nɛ men nya kechɛ.