Levitikɔs 22:10 - EBƆRƐ BE KAWƆL

¹⁰ Bɔrɛmatapoana nɛ bumo be nnaŋ to be basa nawule e naŋ tiŋ n ji esarga cheembi na. Bɔrɛmatapo be efɔ ŋko mbe eshumpo nɛ e ber paa gba maaŋ tiŋ n ji amo.

Levitikɔs 22:10 ပူးပေါင်းရင်းမြစ်များ

Ɛzra 2:63

Ndoŋ nna Juwebi be gomena yili fanɛ b maŋ kɔ ekpa nɛ b ji ajibi nɛ b ta n lara sarga n sa Ebɔrɛ na n ya fo fanɛ bɔrɛmatapoana ka beeŋ ba bishi Ebɔrɛ m pin fanɛ b la bɔrɛmatapoana nna ŋko b maŋ la.

Ɛksodɔs 12:43

Kamalga ere be kaman nɛ Enyɛnpe Ebɔrɛ kaŋɛ Mosis nɛ Ɛɛrɔn le: “Kebansonchoŋ be kejigboŋ na be mbraana nde: K maŋ daga efɔ kikɛ ka ji kumo.

Ɛksodɔs 12:45

Esa kama malɛ gba nɛ e ba kaa wɔ menyi to nɛ e wora nchɛnnyɔ ŋko men be paawura kikɛ maŋ daga e ka ji kumo be kejibi na.

Ɛksodɔs 29:33

Bumo e daga b ka ji asɔ nɛ b ta n lara alubi be ketampaŋ be sarga na saŋɛ nɛ b ta bumo m bɔɔ Ebɔrɛ enɔ nɛ b ki bɔrɛmatapoana na. A maŋ daga esa pɔtɛ kama ka ji loŋ be asɔ na, ŋkpal manɛ so a la asɔ cheembi nna.

Ezikɛl 44:8

Bumo gbagba ka beeŋ baa wora asɔ nɛ a daga a laŋɛ esarga cheembi na kaplɛa so ashi bɔrɛlambu na to so na, befɔ nɛ b ta loŋ be kushuŋ nna n sa.

Levitikɔs 21:22

E beeŋ tiŋ n ji ajibi nɛ b ta n lara sarga n sa ma nɛ a ki cheembi nɛ amo nɛ a ki cheembi ga na kikɛ.

Levitikɔs 22:13

Ama mo pibiche nɛ e la ekulpoche ŋko emo nɛ mo kul kini nɛ e maŋ kɔ mbia nseŋ bɛta m ba mo tuto be laŋ to nɛ mo tuto bee bela mo, bre beeŋ tiŋ n ji mo tuto be ajibi nɛ a la bɔrɛmatapo be kachige na.

Nɔmbɛs 3:10

Lara Ɛɛrɔn nɛ mbe bibinyɛn nɛ b baa la bɔrɛmatapoana. Esa pɔtɛ kama nɛ e pɛl n shuŋ bɔrɛmatapo be kushuŋ b mɔ mo.”

Matiu 12:4

E daŋ yɔ Ebɔrɛ be lambu to nna n ya ta ebodobodo nɛ b daŋ ta n lara sarga n sa Ebɔrɛ na nna nɛ mo nɛ basa na we, ŋkeshin nɛ an be mbra na bee kaŋɛ fanɛ bɔrɛmatapo na nawule e naaŋ tiŋ n we loŋ be bodobodo na.

1 Samuɛl 21:6

Ndoŋ nna nɛ bɔrɛmatapo na ta bodobodo cheembi nɛ b daŋ deŋi Enyɛnpe Ebɔrɛ na be teebɔl cheembi so na nseŋ ta apopɔr n deŋi so na, n sa Deevid ŋkpal manɛ so bodobodo kikɛ daŋ maŋ naa wɔtɔ.

1 Samuɛl 21:7

Duɛg nɛ e shi Edɔm be efuli so nsaa la Sɔɔl be mbolpɔkpapo nimuso na gba daŋ ba ndoŋ kumo be kamɔnchɛ nna, nɛ e ba bunyaŋ Enyɛnpe Ebɔrɛ.