Levitikɔs 21:9 - EBƆRƐ BE KAWƆL

⁹ Nɛ bɔrɛmatapo pibiche jija mbe kumu ŋkpal e ka ki sakaleche so, e ŋaba mo tuto nna na nɛ a daga fanɛ b chɔɔ mo m mɔ.

Levitikɔs 21:9 ပူးပေါင်းရင်းမြစ်များ

Jɛnesis 38:24

Kumo be afɔl asa be kaman nɛ esa ko ba kaŋɛ Juda le: “Fo shache Taama ji kubojua n di kedampo.” Ndoŋ nna nɛ Juda kaŋɛ: “Men ta mo n lar ekarso n chɔɔ mo edɛ m mɔ.”

Ɛksodɔs 31:14

Men baa bɛ loŋ be kewushiachɛ na be daŋkare so nsaa ta kumo fanɛ kachɛ cheembi. A daga b ka mɔ esa kama nɛ e kini kebɛ kumo so nseŋ shuŋ kumo be kamɔnchɛ.

Aizaaya 33:14

Kufugboŋ beeŋ tɔr Jerusalɛm be basa lubi nɛ b maa ŋana Ebɔrɛ na so nɛ b baa chicha. B yɛ: “Ebɔrɛ be demuji du fanɛ edɛ nɛ k bee chɔ a maa duŋ nna. Anyi to be beko beeŋ tiŋ n luri edɛ ere to n lar nɛ anyi maaŋ wu a?”

Ezikɛl 9:6

Men ya mɔ benyɛnnimu nɛ mbrantiɛ nɛ besuŋgurbi nɛ bechekpar nɛ mbi wurbi kikɛ ama men sa maŋ beta ekama nɛ e kɔ ndulgi mbe kasɔto na. Men fara ma bɔrɛlambu to a mɔ a yɔ.” Nɛ b ta benimuana nɛ b daa wɔ bɔrɛlambu na be anishito na n fara.

Levitikɔs 19:29

Men sa maa shin nɛ men be bibiche e baa ji kubojua ashi agbir lambu to a ŋaba bumo be amu. Loŋ beeŋ shin nɛ kesakalea nɛ kumu kpakpa e sɔ kasawule na kikɛ so.

Levitikɔs 20:14

Nɛ enyɛn ta eche nɛ mo nio kikɛ a kil, k la nyɔmɔ be kesheŋ nna. A daga fanɛ b ka chɔɔ bumo basa asa na kikɛ m mɔ, saŋɛ na so le be nyɔmɔ be kesheŋ ere maaŋ naŋ wora menyi to kikɛ.

Malakai 2:3

Meeŋ gberge men be mbia kusoe nseŋ ta asɔbɔya nɛ menyee ta a lara esarga na be ebin ŋ gbiti menyi be anishito. Kumo be kaman nɛ ma nɛ menyi maa naa kɔ shɛŋ.

Ditɛronɔmi 22:21

kumo ere kade na to be benyɛn beeŋ keta eche na n yɔ mo tuto be laŋ be kabuna to n ya kpa mo ajembu m mɔ. Ŋkpal e ka pin enyɛn, jemanɛ nɛ e kraa wɔ mo tuto pe pɔɛŋ nseŋ ba kakil to so, nyɔmɔ be kesheŋ nɛ e wora ashi anyi be basa to na. Kananɛ menyeeŋ lara le be kulubi ere ashi menyi to nna na.

Taites 1:6

Ŋ kaŋɛ fo fanɛ a maŋ daga loŋ be basa ka kɔ eda lubi. A daga fanɛ loŋ be basa e baa la beche koko wuraana nɛ bumo be mbia malɛ e baa la beyirdapo a kɔ kasonu nɛ esa kikɛ e sa maŋ nya ekpa ŋ kuli bumo ŋkpal bumo be kusɔjigaya be kebaawɔtɔ so. A daga fanɛ b baa kɔ kebaawɔtɔ lela.

Joshuwa 7:15

Esa kama nɛ b kaŋ wu asɔ nɛ a maŋ daga na mo kutɔ, baaŋ chɔɔ mo nɛ mbe kanaŋ nɛ mbe asɔ nɛ e kɔ kikɛ, ŋkpal e ka shin nɛ le be anishinyɔr lubi ere ba Israɛl so nseŋ naŋ wora n da Enyɛnpe Ebɔrɛ be ŋkre na so so!”

Joshuwa 7:25

Nɛ Joshuwa kaŋɛ le: “Eekan, fo wɔtɔ anyi tɔrɔ to bre, ama Enyɛnpe Ebɔrɛ beeŋ gberge fo alɛ gba kusoe kabre!” Ndoŋ nna nɛ Israɛlebi na kpa Eekan nɛ mbe kanaŋ ajembu m mɔ nseŋ chɔ bumo nɛ bumo be asɔ kikɛ.

1 Samuɛl 2:17

Eli be mbinyɛnsobi na be kulubi daa shi ga ashi Enyɛnpe Ebɔrɛ be anishito ŋkpal b ka daa maa keni esarga nɛ baa lara a sa Enyɛnpe Ebɔrɛ na a bɔlɔ kenishi so.

1 Samuɛl 2:34

Saŋɛ nɛ fo mbinyɛnsobi Hofni nɛ Finihas kikɛ beeŋ wu kachɛ koŋwule na nɛ feeŋ pin fanɛ kusɔ kama nɛ ŋ kaŋɛ na beeŋ bɔlɔ so kashenteŋto.