Levitikɔs 21:7 - EBƆRƐ BE KAWƆL

⁷ A maŋ daga bɔrɛmatapo ka ta eche nɛ e ji kesakalea ŋ ku so ŋko eche nɛ e teŋ pin enyɛn ŋko eche nɛ mo kul kini mo, ŋkpal manɛ so, e la esa cheembi nna.

Levitikɔs 21:7 ပူးပေါင်းရင်းမြစ်များ

Jɛnesis 38:24

Kumo be afɔl asa be kaman nɛ esa ko ba kaŋɛ Juda le: “Fo shache Taama ji kubojua n di kedampo.” Ndoŋ nna nɛ Juda kaŋɛ: “Men ta mo n lar ekarso n chɔɔ mo edɛ m mɔ.”

Aizaaya 50:1

Enyɛnpe Ebɔrɛ na yɛ: “Menyee fɛ fanɛ ŋ kini ma basa nna nseŋ ju bumo n lɛ fanɛ kananɛ enyɛn bee kini mbe eche nsaa ju mo a lɛ na. To, nnɛ nɛ kakilgboŋi be nwɔl na wɔ? Menyee fɛ nna fanɛ ma e fa menyi fanɛ anya ŋ ka kukɔ fanɛ kananɛ esa bee fa mbe mbia fanɛ anya a ka kukɔ na a? Ama mannɛ aloŋ nna, menyi be alubi so nɛ b pɛ menyi anya n yɔ. Menyi be aworandeso so nɛ b sulɔ menyi n yɔ efuli pɔtɛana so.

Ezikɛl 44:22

Bɔrɛmatapowura kikɛ maŋ daga fanɛ e ta eche nɛ mo kul kini mo. A daga fanɛ e ta Israɛl to be eche nɛ e maŋ nyi enyɛn ŋko eche nɛ mo kul daa la bɔrɛmatapo nseŋ wu ŋ ka nawule nna.

Levitikɔs 21:8

A daga basa na ka wu bɔrɛmatapo na fanɛ esa cheembi, ŋkpal e kaa bee ta ayu be sargajibi m ba kaa sa ma so. Ma e la Enyɛnpe Ebɔrɛ na. N du cheembi nna, ma alɛ bee sha fanɛ ma basa e baa du cheembi nna.

1 Timoti 3:11

Bumo be beche gba e baa kɔ da lela nsaa maa ji bumo braana be asheŋ. A daga fanɛ b baa fɛ nfɛra dede a la beshenteŋjipo.