Levitikɔs 21:22 - EBƆRƐ BE KAWƆL

²² E beeŋ tiŋ n ji ajibi nɛ b ta n lara sarga n sa ma nɛ a ki cheembi nɛ amo nɛ a ki cheembi ga na kikɛ.

Levitikɔs 21:22 ပူးပေါင်းရင်းမြစ်များ

Levitikɔs 10:12

Nɛ Mosis kaŋɛ Ɛɛrɔn nɛ mbe mbinyɛnsobi anyɔ, Eliaza nɛ Itama, nɛ b ka na le: “Men ta ayu be sargajibi nɛ a ka ashi ajibi nɛ b ta n lara sarga n sa Enyɛnpe Ebɔrɛ na to na n wora ebodobodo nɛ a maŋ kɔ yiisi n chena bɔrɛsure na ase n we, ŋkpal manɛ so, k la sarga nɛ k du cheembi ga nna.

Levitikɔs 10:17

“Manɛ e ba nɛ men maŋ ji kulubi be sarga na ashi kakpa nɛ k du cheembi nseŋ daga? K la sarga cheembi ga nna nɛ Enyɛnpe Ebɔrɛ na ta n sa menyi nɛ e bɔla kumo so n lara kade na kikɛ be alubi bumo to.

Levitikɔs 14:13

Kakpa nɛ baa mɔ kulubi be esarga nɛ esarga chɔɔso be asɔbɔya na nɛ e beeŋ mɔ kpakpafɔlbi na. A daga e ka wora loŋ, ŋkpal manɛ so, k la kewora n jija be sarga nna fanɛ kananɛ kulubi be sarga la bɔrɛmatapoana na be kachige nsaa du cheembi ga na.

Levitikɔs 2:10

Amo be amo nɛ a beeŋ ka na beeŋ baa la bɔrɛmatapoana peya nna. Amo alɛ la ajibi nɛ a du cheembi ga nna ŋkpal a ka shi ajibi nɛ b ta n lara sarga n sa Enyɛnpe Ebɔrɛ na to so.

Levitikɔs 2:3

Amo be amo nɛ a beeŋ ka kusɔ to na kikɛ la bɔrɛmatapoana na peya nna. Amo alɛ la ajibi nɛ a du cheembi ga nna ŋkpal a ka shi ajibi nɛ b ta n lara sarga n sa Enyɛnpe Ebɔrɛ na to so.

Levitikɔs 21:23

Ama ŋkpal mbe ndulgi na so, a maŋ daga e ka taga to patisa cheembi nɛ k bee kuŋ kɔnɔkoŋwule be ŋkre be deka na ŋko bɔrɛsure na to. A maŋ daga fanɛ e ta eyurpi m pɛ le be asɔ cheembi ere, ŋkpal manɛ so, ma e la Enyɛnpe Ebɔrɛ na. Ma alɛ e naa shin nɛ asɔ na bee ki cheembi.”

Levitikɔs 22:25

Men sa maŋ kaŋ sɔ efɔ be kusɔbɔya kikɛ n lara ajibi be sarga n sa men be Ebɔrɛ. M maaŋ sɔ amo, ŋkpal manɛ so, loŋ be asɔbɔya na maŋ kɔr asɔbɔya nɛ e kɔ ndulgi to.”

Levitikɔs 22:7

Epeŋi baŋ tɔr na pɔɛŋ nɛ e beeŋ nyalɛ so nseŋ tiŋ n ji esarga cheembi na, ŋkpal manɛ so, a la mbe ajibi jiso nna.

Levitikɔs 27:28

Esa kama maŋ kɔ ekpa nɛ e fa ŋko n laŋɛ n tɔ kusɔ nɛ e ta n sa Enyɛnpe Ebɔrɛ na fanɛ k baa la mo peya mbaanaayɔ na. Dimɛdi ŋko kusɔbɔya ŋko kasawule kama nɛ b baŋ ta n sa Enyɛnpe Ebɔrɛ na ashi le be ekpa so, daga kechɔɔ m mur nna, ŋkpal manɛ so, esa na ŋko kusɔbɔya na ŋko kasawule na la Enyɛnpe Ebɔrɛ na peya nna mbaanaayɔ.

Levitikɔs 6:10

Bɔrɛmatapo na malɛ daga e ta mbe kabɔrɛmata be piŋi m buu ŋ deŋi mbe danshiki so m ba koli sarga chɔɔso na be nsunɔ na m muu n nase bɔrɛsure na be kekel to.

Levitikɔs 6:29

Bɔrɛmatapo be kanaŋ to be kusɔnyɛn nawule e naaŋ tiŋ n ji loŋ be sarga na. K la sarga cheembi ga nna.

Levitikɔs 7:1

Kewora n jija be sarga la sarga cheembi nna. Mbraana nɛ a dese a laŋɛ kananɛ baa lara kumo be kaplɛa so nde:

Levitikɔs 7:6

Bɔrɛmatapo be kanaŋ to be kusɔnyɛn kikɛ beeŋ tiŋ n ji sarga na, ama a daga b ji kumo kakpa cheembi nna. Ŋkpal manɛ so, k la sarga cheembi nna.

Nɔmbɛs 18:19

Baŋ yili kabre a yɔ, sarga cheembi kama nɛ Israɛlebi na lara n sa ma ki fo nɛ fo mbinyɛnsobi nɛ mbichesobi peya mbaanaayɔ. Kɔnɔ nɛ n sa fo nɛ fo kaman to ebi nna na, kumo alɛ maaŋ chɛrga kikɛ.”

1 Kɔrintebi 9:13

Men maŋ nyi fanɛ basa nɛ baa shuŋ bɔrɛlambu to bee nya bumo be keji nna ashi bɔrɛlambu na to nɛ bumo nɛ baa shuŋ bɔrɛsure akpa na malɛ gba bee nya bumo be kachige ashi asɔ nɛ baa ta a lara esarga na to a?