Levitikɔs 21:10 - EBƆRƐ BE KAWƆL

¹⁰ Ŋkpal b ka chulgi ŋku nɛfaso cheembi na n wurge mbe kumu so nɛ e ki Bɔrɛmatapo Nimuso nɛ e beeŋ baa ta kabɔrɛmata be epiŋi a buu na so, a maŋ daga e yige mbe emin nɛ e maa mɔ amo to. A maŋ daga fanɛ e kpɛa mbe asɔbuuso to a ŋini fanɛ e bee shu keeli nna.

Levitikɔs 21:10 ပူးပေါင်းရင်းမြစ်များ

Jɛnesis 37:34

Ndoŋ nna nɛ e kpɛa mbe asɔbuuso to nseŋ ta kusɔbuuso ko nɛ kumo be kapɔr du sesaga fanɛ bɔtɛ m buu n ta nchɛ damta n shu mbe kebia na be keeli ga.

2 Samuɛl 15:30

Nɛ Deevid ta asɔ m buu mbe kumu so nsaa nite aya fuloŋ a shu n yɔ kebeegboŋ nɛ baa tre Ɔlifs na ase a ŋini kagbenejija nɛ k tɔr mo so. Basa nɛ b daa bɛ mo so na gba daŋ ta asɔ nna m buu bumo be amu so a shu a bɛ mo so.

Ɛsta 6:12

B ka kilgi to n loge, nɛ Mɔdikaya bɛta n ya chena ewurkpa be kabunagboŋ na ase, nɛ Heman malɛ ta anishinyɔr gboŋgboŋi n jɔto n yɔ epe,

Job be kawɔl 1:20

Job ka nu le be asheŋ ere kikɛ, nɛ e pɛ mbe asɔbuuso ŋ kpɛa to nseŋ she mbe kumu so be emin kikɛ ŋkpal kagbenejija damta nɛ k tɔr mo so na so. Kumo be kaman nɛ e gbir m bunyaŋ Ebɔrɛ

Nshɛ 133:2

K du fanɛ b ka daŋ duga ɔlif be ŋku n wurge bɔrɛmatapo Ɛɛrɔn be kumu so nɛ a gbelge to m bɔla mbe katɔl so m ba mbe piŋi be kubɔ to nna.

Ɛksodɔs 29:7

Asɔ buuso na be kaman, nɛ men ta ŋku nɛfaso na n do Ɛɛrɔn be kumu so nɛ e ki Ebɔrɛ be esa laraso.

Ezikɛl 24:17

Fo alɛ e sa maŋ shin nɛ esa e nu fo ka bee shuto gba. Sa maŋ kaŋ shɛŋi fo neemu fo kumu so ŋko n lara fo asɛbta nsaa na aya fuloŋ a ŋini fanɛ fee shu keeli nna. Fo alɛ e sa maŋ buu fo anishiakpa so ŋko n ji daŋkare be ajibi nɛ basa nɛ baa shu nli bee ji na.”

Levitikɔs 13:45

Esa kama nɛ e bee lɔ kulɔ lubi daga e baa buu asɔfarbi nsaa maa mɔ mbe emin to nna. Mo alɛ e baa ta wajɛ a buu mbe kamuna so a gbelge mbe eyur so nsaa nite a ponte to a kaŋɛ, ‘M maŋ walɛ so, m maŋ walɛ so!’

Levitikɔs 16:32

Nɛ Bɔrɛmatapo Nimuso baŋ wu, bɔrɛmatapo kama nɛ e beeŋ sɔ mo so na e naŋ baa wora le be kenyalɛso be kesheŋ wora ere. E beeŋ ta mbe kabɔrɛmata be asɔbuuso nna m buu pɔɛŋ

Levitikɔs 4:3

Nɛ fanɛ Bɔrɛmatapo Nimuso e wora kulubi nɛ k suse basa na kikɛ, e beeŋ bar gbolu fɔlbi nɛ e maŋ kɔ ndulgi kikɛ kumo so m ba lara sarga n sa Enyɛnpe Ebɔrɛ na ŋkpal mbe kulubi na so.

Levitikɔs 8:12

Ade be kaman nɛ e wora ŋku nɛfaso na be ako n do Ɛɛrɔn be kumu so nɛ mo e ki Ebɔrɛ be esa laraso.

Nɔmbɛs 35:25

K daga b ka kuŋ emɔpo na ashi esa nɛ e bee fin mo nɛ e mɔ n tal to na kutɔ n yɛr mo kesɔnyige be kade to nɛ e ya ka wɔ ndoŋ hale nɛ bɔrɛmatapo nimuso na e ya wu.

Matiu 26:65

Nɛ bɔrɛmatapo nimuso na kpɛa mbe asɔbuuso to nseŋ kaŋɛ le: “E malga ŋ gbiti Ebɔrɛ! Men nu kananɛ e malga ŋ gbiti Ebɔrɛ nna na. An naa sha eshɛda ko nna n ti so a?