Levitikɔs 20:9 - EBƆRƐ BE KAWƆL

⁹ Kede be kaman nɛ Enyɛnpe Ebɔrɛ na yili mbraana ere, “Esa kama nɛ e shoduu mo tuto ŋko mo nio daga fanɛ b mɔ mo. Mo alɛ be luwu na be turju beeŋ laŋɛ mbe kumu so ŋkpal e ka shoduu basa nɛ b kurge mo na so.

Levitikɔs 20:9 ပူးပေါင်းရင်းမြစ်များ

2 Samuɛl 1:16

Nɛ Deevid kaŋɛ Amalɛk be esa na le: “Fo e kil le be asheŋ n sa fo kumu na. Fo ka shuli so fanɛ fo e mɔ Enyɛnpe Ebɔrɛ be ewura laraso na so, nɛ le be luwu ere bee ba fo so na.” Kumo be kaman nɛ kabrantiɛbia na wu.

1 Bewura 2:32

Ŋkpal e ka mɔ Abna nɛ e la Israɛl be benapo be enimu nɛ Amasa nɛ mo alɛ la Juda be benapo be enimu nɛ n tuto ewura Deevid maŋ nyi na so, Enyɛnpe Ebɔrɛ beeŋ gberge mo kusoe.

Ɛksodɔs 21:17

Esa kama malɛ nɛ e sho mo tuto ŋko mo nio kɔnɔ daga luwu.

Aŋasa 20:20

Esa nɛ e bee sho mo tuto nɛ mo nio kɔnɔ be ŋkpa maa teŋiso, k du nna fanɛ fitila ka duŋ tentembiri to epul to nna.

Aŋasa 30:11

Basa ko bee sho bumo tutoana kɔnɔ nna nsaa maa keni bumo nioana a bɔlɔ kenishi.

Aŋasa 30:17

Ejita e naŋ ji bekama nɛ baa fɛl bumo tutoana nsaa keni bumo nioana jiga na be eblaŋ kupuŋ to.

Ezikɛl 18:13

Ade kikɛ be kaman, e bee wɔtɔ mpaŋ kama nɛ e sa esa nchu ga nna. Esa kikɛ nɛ e la esa lubi fanɛ mo maa ba nɛ e ji efute n chɛr. Mo gbagba e wora le be ekishisheŋ ere, amoso mo e daga amo be luwu. Mo luwu na be turju beeŋ baa bɛ mo gbagba nna.

Ezikɛl 22:7

Menyi basa nɛ men wɔ kadegboŋ na to na maa sa men tutoana nɛ men nioana bunyaŋ. Menyee puni befɔ nna nsaa kɔrfɛ amunibi nɛ bekulpoche.

Levitikɔs 20:16

Nɛ eche ya tu kusɔbɔya n di keche nɛ kenyɛn, a daga fanɛ b mɔ eche na nɛ kusɔbɔya na kikɛ. Eche na malɛ be luwu be turju beeŋ baa bɛ mo.

Levitikɔs 20:27

Esa kama nɛ e yɛ mo ere bee tiŋ a malga bubuni kutɔ a kpal nna, e daga fanɛ b kpa mo ajembu m mɔ nɛ mbe luwu be turju a baa bɛ mo.”

Matiu 15:4

Ŋkpal manɛ so, Ebɔrɛ kaŋɛ: ‘Bunyaŋ fo tuto nɛ fo nio nɛ ekama nɛ e malga ŋ gbiti mo nio nɛ mo tuto, b mɔ amodoŋwura.’

Matiu 27:25

Nɛ basa na kikɛ kaŋɛ: “Mm, mbe ŋklaŋ e baa wɔ anyi nɛ anyi be mbia so.”

Maak 7:10

Ŋkpal manɛ so, anebi Mosis daŋ kaŋɛ fanɛ: ‘Bunyaŋ fo tuto nɛ fo nio,’ nɛ: ‘Ekama nɛ e malga ŋ gbiti mo nio nɛ mo tuto, b mɔ amodoŋwura.’

Ditɛronɔmi 27:16

Nɛ b naŋ kaŋɛ: “Ebɔrɛ be kɔnɔsho beeŋ ba esa kama nɛ e beeŋ ŋaba mo tuto ŋko mo nio so.” Nɛ basa nɛ b yil Ebal be kebee so na kikɛ shuliso le: ‘Amɛn!’

Joshuwa 2:19

Ama men be ekama nɛ e kaŋ lar fo laŋ to nɛ b mɔ mo bre, k maaŋ baa la anyi be asheŋ. Ekama nɛ e ŋana fo laŋ to bre kaŋ baŋ, wu kumo ere mbe turju e baa bɛ anyi.

Demujipoana 9:24

Ebɔrɛ malɛ wora loŋ nna nɛ Shɛkɛmebi nɛ b leŋ Abimelɛk to nɛ e mɔ Gidiɔn be bibinyɛn adushunu na e nya bumo be kulubi be kusoegberge.