Levitikɔs 20:3 - EBƆRƐ BE KAWƆL

³ Esa kikɛ nɛ e ta mbe kebia n sa kegbir Mɔlɛk na jija ma nshɛrbu nseŋ ŋaba ma ketre cheembi na nna na. Ŋkpal loŋ so, meeŋ pal kaman n sa amodoŋwura nɛ e maaŋ naa la ma basa Israɛl ebi to be eko.

Levitikɔs 20:3 ပူးပေါင်းရင်းမြစ်များ

Ɛksodɔs 30:33

Esa kama nɛ e pel n wora amo be kaduli ŋko n ta amo ŋ gbiti esa pɔtɛ nɛ e maŋ la bɔrɛmatapo, a daga fanɛ b lara mo ashi mbe basa to.’ ”

Ezikɛl 20:39

Kusɔ nɛ Enyɛnpetale Ebɔrɛ bee kaŋɛ menyi nde: Menyi Israɛlebi, be ekama nɛ e bee sha e ya kaa shuŋ mbe agbirana, ŋkpal manɛ so, ade kikɛ be kaman menyeeŋ ba nu n sa ma nseŋ yige kebaa lara esarga a sa menyi be agbirana a jija ma ketre.

Ezikɛl 5:11

Ma, Enyɛnpetale Ebɔrɛ na, e naa bɔ ntaŋ a kaŋɛ fanɛ, ŋkpal men ka ta menyi be agbirana nɛ aworbi lubiana n shin nɛ ma bɔrɛlambu ki kakpa nɛ esa maaŋ naŋ tiŋ n shuŋ ma ndoŋ so, m maaŋ wu menyi kuwɔr ŋko n shu menyi so ŋko n shin nɛ men nya menyi be amu n ya ji kikɛ.

Levitikɔs 15:31

Ade kikɛ be kaman, nɛ Enyɛnpe Ebɔrɛ na naŋ kaŋɛ Mosis fanɛ e kpele Israɛl be basa na kusoe a laŋɛ bumo be eyurpisheŋ be kaplɛa so, saŋɛ na so b maaŋ ta eyurpi m pɛ wajɛbu nɛ k wɔ keeyi na be nferinto na. Nɛ b ta eyurpi m pɛ kumo, efuli na kikɛ beeŋ wu.”

Levitikɔs 17:10

Israɛl be esa kikɛ ŋko bumo to be efɔ kikɛ baŋ ji eblaŋ nɛ ŋklaŋ kraa wɔ kumo to, Enyɛnpe Ebɔrɛ na beeŋ pal kaman n sa amodoŋwura nseŋ lara mo ashi mbe basa to.

Levitikɔs 18:21

Sa maŋ kaŋ ta fo pibi kama n sa nɛ b lara sarga n sa kegbir nɛ baa tre Mɔlɛk na, ŋkpal manɛ so, k beeŋ ŋaba men Nyɛnpe Ebɔrɛ na be ketre.

Levitikɔs 19:12

Sa maŋ kaŋ ta ma ketre n nase kɔnɔ nɛ fo maŋ kre ketia, saŋɛ na so, fo maaŋ ŋaba ma ketre. Ma e la Enyɛnpe, men be Ebɔrɛ na.

Levitikɔs 20:4

Ama nɛ kade na to ebi kplaŋ kusɔ nɛ e wora na so nsaa maŋ mɔ mo,

Levitikɔs 21:6

A daga fanɛ e baa du cheembi nna nsaa maa ŋaba ma ketre. Ŋkpal e ka la esa nɛ e bee ta ayu be sargajibi m ba kaa sa ma, Enyɛnpe Ebɔrɛ na so, a daga fanɛ e baa du cheembi.

Levitikɔs 7:20

Ama esa kama nɛ e wora eyurpi daŋkare be ekpa so nseŋ ji sarga nɛ k la Enyɛnpe Ebɔrɛ na peya daga kelara ashi Ebɔrɛ be basa to.

Levitikɔs 7:21

Nɛ esa beta dimɛdi ŋko kusɔbɔya nɛ k maŋ walɛ so daŋkare be ekpa so nseŋ ji kɔnɔkoŋwule be sarga nɛ k la Enyɛnpe Ebɔrɛ na peya, amodoŋwura maŋ naŋ ti Ebɔrɛ be basa so.

Nɔmbɛs 19:13

Esa kama nɛ e beta ebuni nseŋ kini kefɔr mbe kumu so daŋkare be ekpa so, wora eyurpi n jija Enyɛnpe be wajɛbu na nna nsaa maaŋ naŋ ti Ebɔrɛ be basa so.

Nɔmbɛs 19:20

Esa kama nɛ e wora eyurpi daŋkare be ekpa so nseŋ kini kefɔr mbe kumu so daŋkare be ekpa so wora eyurpi n jija Enyɛnpe be wajɛbu na nna nsaa maaŋ naŋ ti Ebɔrɛ be basa so.

2 Kɔrintebi 6:16

Manɛ be ŋkre e wɔ Ebɔrɛ be lambu nɛ agbirana be nferinto? Ŋkpal manɛ so, anyi e la Ebɔrɛ nɛ e wɔ ŋkpa to na be lambu. Kumo be asheŋ nɛ Ebɔrɛ malɛ gba kaŋɛ na fanɛ: “Meeŋ baa wɔ bumo to nsaa na bumo to a la bumo be Ebɔrɛ nɛ bumo alɛ e baa la ma basa.

1 Pita 3:12

Ŋkpal manɛ so, Enyɛnpe be anishi wɔ belelapo kikɛ so nna, mo alɛ nsaa kaŋ kusoe a nu bumo be kabɔrɛkule, ama bekama nɛ baa wora alubi bre, e bee pal kaman nna a sa bumo.”