Levitikɔs 20:27 - EBƆRƐ BE KAWƆL

²⁷ Esa kama nɛ e yɛ mo ere bee tiŋ a malga bubuni kutɔ a kpal nna, e daga fanɛ b kpa mo ajembu m mɔ nɛ mbe luwu be turju a baa bɛ mo.”

Levitikɔs 20:27 ပူးပေါင်းရင်းမြစ်များ

2 Kronikɛls 33:6

E daŋ ta mbe mbia nna n lara sarga chɔɔso ashi ketaŋɛ nɛ baa tre Hinnɔm na to. E daa wora kegbaya nɛ ŋkilgisheŋ nna nsaa yɔ belejipo kutɔ n ya ka kpal nsaa shuŋ bubuni gba a ti so. E daŋ wora alubi damta nna ŋ gbiti Enyɛnpe Ebɔrɛ n shin nɛ mbe agbo kaa ga.

Ɛksodɔs 22:18

Eche kikɛ nɛ e kɔ kegba be ŋkilgisheŋ, b mɔ mo.

Levitikɔs 19:31

Men sa maa yɔ basa nɛ baa tre abuniyoyu a kpal na kutɔ n ya kaa fin kepin asheŋ to, ŋkpal manɛ so, baaŋ shin nɛ men luri eyurpi to. Ma e la Enyɛnpe, men be Ebɔrɛ na.

Levitikɔs 20:2

fanɛ e kaŋɛ Israɛlebi na le: “Israɛl be esa kama ŋko efɔ kama nɛ e wɔ Israɛl be efuli so nseŋ ta mbe kebia n lara sarga n sa kegbir Mɔlɛk, daga fanɛ kade na to ebi kikɛ ka kpa mo ajembu m mɔ.

Levitikɔs 20:6

Esa kama nɛ e beeŋ yɔ ekpalpo kutɔ n ya bishi so, meeŋ pal kaman n sa mo nɛ e maaŋ naa ti ma basa so.

Levitikɔs 24:14

“Ta kanyɛn na n lar keeyi na to. Bekama nɛ b nu e kaa malga ŋ gbiti Ebɔrɛ na beeŋ ta bumo be enɔana n deŋi kanyɛn na be kumu so nseŋ ji shɛda fanɛ e wora n da so, kumo be kaman nɛ kade na kikɛ ebi e kpa mo ajembu m mɔ.

Nɔmbɛs 15:35

Ndoŋ nna nɛ Enyɛnpe Ebɔrɛ kaŋɛ Mosis le: “Shin nɛ b keta kanyɛn na n lar keeyi na to nɛ basa na kikɛ e ya kpla mo ajembu m mɔ.”

Ashuŋ Shunso 16:16

Kachako an ka bee yɔ kabɔrɛkulekpa nɛ kebichebi ko nɛ kiyoyu lubi ko daa wɔ mo to a shin nɛ e daa wu asheŋ a kaŋɛ na tu anyi. Mbe kewu asheŋ ŋ kaŋɛ na daa shin nɛ e daa nya amansherbi damta ga nna a sa mo nyɛnpeana.

Ditɛronɔmi 21:21

Saŋɛ na so nɛ kade na be benyɛn e kpa kebia na ajembu m mɔ, nɛ kumo be loŋ e lara le be kulubi ere ashi menyi to nɛ kufu e pɛ Israɛl be esa kama nɛ e nu kumo be asheŋ.

1 Samuɛl 28:3

Samuɛl ka wu, nɛ Israɛlebi na kikɛ ba abar so m ba shu mbe keeli nseŋ ta mo n ya puli mbe kade to ashi Raama. Ndoŋ nna nɛ Sɔɔl ju bekpalpo nɛ belejipo kikɛ ashi Israɛl be kasawule so.