Levitikɔs 20:2 - EBƆRƐ BE KAWƆL

² fanɛ e kaŋɛ Israɛlebi na le: “Israɛl be esa kama ŋko efɔ kama nɛ e wɔ Israɛl be efuli so nseŋ ta mbe kebia n lara sarga n sa kegbir Mɔlɛk, daga fanɛ kade na to ebi kikɛ ka kpa mo ajembu m mɔ.

Levitikɔs 20:2 ပူးပေါင်းရင်းမြစ်များ

1 Bewura 11:7

Ewura Sɔlɔmɔn daŋ pɔr agbirlambu ashi Jerusalɛm be kebee na be epeŋitɔrkpa be kaba so nna nɛ baa shuŋ Mowab be efuli so be kegbir nɛ baa tre Chemɔsh na nɛ Ammɔn be efuli so be kegbir nɛ baa tre Mɔlɛk nɛ Ebɔrɛ kishi ga na.

2 Bewura 17:17

B daa ta bumo be mbia nna a chɔɔ a lara esarga nnyamase be agbir so nseŋ ki belejipo a kpal. Kusɔ nɛ Enyɛnpe Ebɔrɛ kishi na nɛ baa wora nɛ mbe agbo nyaŋɛ to.

2 Bewura 23:10

Ewura Josaya daŋ bɔla daŋkare be ekpa so nna n jija Tofɛf nɛ k wɔ Bɛnhinnɔm be ketaŋɛ to be bɔrɛsure na, saŋɛ na so b maaŋ naa ta bumo be bibinyɛn ŋko bibiche a lara sarga a sa Mɔlɛk be kegbir na.

2 Kronikɛls 28:3

E daa chɔɔ duwu ashi kepla nɛ baa tre Hinnɔm na so nna hale n ta mo gbagba be mbinyɛnsobi n lara sarga chɔɔso n sa agbir. Mo alɛ daa kute basa nɛ b daa wɔ Israɛl be efuli so nɛ Enyɛnpe Ebɔrɛ ju bumo saŋɛ so nɛ Israɛlebi daŋ ba kasawule na so sososo na be asheŋ woraso lubi nɛ Ebɔrɛ kishi ga na to nna.

2 Kronikɛls 33:6

E daŋ ta mbe mbia nna n lara sarga chɔɔso ashi ketaŋɛ nɛ baa tre Hinnɔm na to. E daa wora kegbaya nɛ ŋkilgisheŋ nna nsaa yɔ belejipo kutɔ n ya ka kpal nsaa shuŋ bubuni gba a ti so. E daŋ wora alubi damta nna ŋ gbiti Enyɛnpe Ebɔrɛ n shin nɛ mbe agbo kaa ga.

Nshɛ 106:38

Bumo be mbia nɛ b maŋ nyi kulubi nɛ kelela na be ŋklaŋ nɛ b daŋ ta n lara esarga n sa Keenan be efuli so be agbirana n jija kasawule na.

Jɛremaya 32:35

Bumo alɛ daŋ naŋ pɔr agbirsure nna n yili Hinnɔm be Ketaŋɛ to n sa Baal be kegbir nsaa ta bumo be mbia a lara esarga a sa kegbir nɛ baa tre Mɔlɛk na. N daŋ maŋ yili bumo fanɛ b ba wora loŋ. K daŋ maŋ ba ma nfɛra to gba fanɛ baaŋ wora le be ekishisheŋ ere n shin nɛ Juda be basa e luri kulubi to.”

Jɛremaya 7:31

Bumo alɛ naŋ pɔr kegbirsure nɛ baa tre Tofɛf na ashi Hinnɔm be ketaŋɛ to, saŋɛ na so baaŋ baa chɔɔ bumo be mbia edɛ to a lara esarga kumo so. N daŋ maŋ yili loŋ n sa bumo fanɛ b baa wora. M maŋ naŋ fɛ kumo be asheŋ gba kuraa.

Ezikɛl 20:26

B daŋ naŋ bɔla bumo gbagba be esarga so n jija bumo be kebaawɔtɔ nna. B daa ta bumo be ewurkoŋ nna a lara esarga. N daŋ shin nɛ loŋ wora nna nɛ kufu e pɛ bumo nɛ b pin fanɛ ma e la Enyɛnpe na.

Ezikɛl 20:31

Jemanɛ nɛ menyee ta menyi be mbia a lara esarga a sa agbirana na hale nɛ mbre na, menyee jija menyi be amu nɛ menyi be kebaawɔtɔ nna na. O Israɛlebi, a daga ŋ ka naŋ sa menyi ekpa nɛ men bishi ma kusɔ ko a? Ma, Enyɛnpetale Ebɔrɛ e naa kaŋɛ menyi kashenteŋto na fanɛ m maaŋ sa menyi ekpa nɛ men bishi ma shɛŋ.

Ezikɛl 23:37

B bɔla kagbirshuŋ so n ji kubojua, kumo e la fanɛ b maŋ ji kashenteŋ n sa ma nseŋ ta ma mbia n m mɔ n lara esarga n sa agbirana.

Ezikɛl 23:39

Kachɛ nɛ b mɔ ma mbia n lara esarga n sa agbirana na nɛ b ba ma bɔrɛlambu na to nɛ kumo be loŋ shin nɛ k ki kakpa nɛ k maŋ naŋ daga fanɛ b shuŋ ma ndoŋ.

Levitikɔs 17:13

Nɛ Israɛl be esa kikɛ ŋko efɔ kama nɛ e chena bumo to ya ji kekpaŋ m mɔ kusɔbɔya ŋko kabuibi nɛ k daga keji, amodoŋwura e ku kumo be kubɔto n chulgi kumo be ŋklaŋ n wurge kasawule nseŋ wora eshishɛr m buu amo so.

Levitikɔs 17:15

Israɛl be esa kikɛ ŋko efɔ kama nɛ e we kusɔbɔya nɛ e wu kpi ŋko kusɔbɔya nɛ kupuŋ to be kusɔ pɛ, daga fanɛ e fɔr mbe asɔbuuso nseŋ bɛr nchu, ama e kraa beeŋ baa wɔ eyurpi to n ya fo kaaseso.

Levitikɔs 17:8

Men baa nyiŋi fanɛ Israɛl be esa kikɛ ŋko efɔ kama nɛ e chena bumo to nseŋ lara sarga chɔɔso ŋko sarga be yiri kikɛ

Levitikɔs 18:21

Sa maŋ kaŋ ta fo pibi kama n sa nɛ b lara sarga n sa kegbir nɛ baa tre Mɔlɛk na, ŋkpal manɛ so, k beeŋ ŋaba men Nyɛnpe Ebɔrɛ na be ketre.

Levitikɔs 20:1

Ndoŋ nna nɛ Enyɛnpe Ebɔrɛ naŋ kaŋɛ Mosis

Levitikɔs 20:27

Esa kama nɛ e yɛ mo ere bee tiŋ a malga bubuni kutɔ a kpal nna, e daga fanɛ b kpa mo ajembu m mɔ nɛ mbe luwu be turju a baa bɛ mo.”

Levitikɔs 24:14

“Ta kanyɛn na n lar keeyi na to. Bekama nɛ b nu e kaa malga ŋ gbiti Ebɔrɛ na beeŋ ta bumo be enɔana n deŋi kanyɛn na be kumu so nseŋ ji shɛda fanɛ e wora n da so, kumo be kaman nɛ kade na kikɛ ebi e kpa mo ajembu m mɔ.

Levitikɔs 24:16

Israɛl be esa kikɛ ŋko efɔ kama nɛ e wɔ Israɛl be efuli so nɛ e malga ŋ gbiti Enyɛnpe Ebɔrɛ na, kade na ebi kikɛ beeŋ kpa mo ajembu m mɔ.

Levitikɔs 24:23

Mosis ka kaŋɛ Israɛlebi na mbraana na n loge, nɛ b keta kanyɛn nɛ e malga ŋ gbiti Ebɔrɛ na n lar keeyi na to n ya kpa mo ajembu m mɔ. Kananɛ Israɛl be basa na daŋ wora kusɔ nɛ Enyɛnpe Ebɔrɛ na kaŋɛ Mosis na nna na.

Ashuŋ Shunso 7:43

Kegbir Molɛk be wajɛbu nɛ men daŋ keta n ti menyi be kegbir pɔrso Rɛfam nɛ k duli kechɛkpabi na so. Amo agbir anyɔ na nɛ men daŋ lɔŋɛ a bunyaŋ. Amoso, meeŋ shin nɛ b lara menyi ashi menyi be efuli ere so n yɔ kufɔ kufɔ, Babilɔn be kaman.’

Ditɛronɔmi 12:31

Men sa maŋ kaa shuŋ Enyɛnpe menyi be Ebɔrɛ na ekpa nɛ baa bɔla so a shuŋ bumo be agbirana na. Ŋkpal manɛ so, ashi bumo be kagbirshuŋ to baa kaa wora ekishisheŋ nɛ Enyɛnpe Ebɔrɛ na kishi nna. Bumo alɛ bee kaa mɔ bumo mbia a chɔɔ a lara esarga bumo be agbirsureana so nna.

Ditɛronɔmi 17:2

Nɛ men kaŋ nu fanɛ benyɛn ŋko beche ko ashi menyi be ndeana na be kekama to wora kulubi n da Enyɛnpe Ebɔrɛ na so n tɔr mbe kɔnɔkoŋwule be ŋkre na be ntaŋ

Ditɛronɔmi 18:10

Men sa maŋ kaa chɔɔ menyi be mbia ebɔrɛsure so a lara esarga. Menyi alɛ e sa maŋ shin nɛ menyi be basa e baa kpal ŋko a kɔ mputi ŋko a to akprambi ŋko a kre mbre. Kumo be kaman men sa maŋ kaa malga bubuni kutɔ a bishi so a fin kenu kusɔ ko bumo kutɔ.

Ditɛronɔmi 21:21

Saŋɛ na so nɛ kade na be benyɛn e kpa kebia na ajembu m mɔ, nɛ kumo be loŋ e lara le be kulubi ere ashi menyi to nɛ kufu e pɛ Israɛl be esa kama nɛ e nu kumo be asheŋ.

Ditɛronɔmi 22:21

kumo ere kade na to be benyɛn beeŋ keta eche na n yɔ mo tuto be laŋ be kabuna to n ya kpa mo ajembu m mɔ. Ŋkpal e ka pin enyɛn, jemanɛ nɛ e kraa wɔ mo tuto pe pɔɛŋ nseŋ ba kakil to so, nyɔmɔ be kesheŋ nɛ e wora ashi anyi be basa to na. Kananɛ menyeeŋ lara le be kulubi ere ashi menyi to nna na.