Levitikɔs 20:17 - EBƆRƐ BE KAWƆL

¹⁷ Nɛ enyɛn ta mo nio pibiche ŋko mo tuto pibiche a kil nɛ mo nɛ mo di, k la ŋaba nna. A daga fanɛ b yili ekama be anishito n ju bumo n lɛ. Enyɛn na ŋaba mo sipoche na nna na nseŋ daga fanɛ e ji kumo be tɔrɔ.

Levitikɔs 20:17 ပူးပေါင်းရင်းမြစ်များ

Jɛnesis 20:12

Ama e la n sipoche nna kashenteŋto bre, ŋkpal manɛ so, ma nɛ mo la ketuto koŋwule nna, ama an nioana bre e kɔr nɛ e bee kil ma.

2 Samuɛl 13:12

Nɛ Tamaa yɛ: “M-m, sa maŋ tintiŋ ma n wɔtɔ le be anishinyɔr ere to! Le be kesheŋ maŋ daga kewora Israɛl be efuli so!

Ɛksodɔs 30:33

Esa kama nɛ e pel n wora amo be kaduli ŋko n ta amo ŋ gbiti esa pɔtɛ nɛ e maŋ la bɔrɛmatapo, a daga fanɛ b lara mo ashi mbe basa to.’ ”

Ezikɛl 22:11

Basa ko wɔtɔ nna a ji kubojua nɛ beko bee di bumo be bibinyɛn be beche. Bede malɛ wɔtɔ a di bumo sipocheana nɛ bumo nɛ bumo la kututo ŋko kenio koŋwule.

Levitikɔs 18:9

Sa maŋ kaŋ tu fo sipoche nɛ fo nɛ mo la kenio koŋwule nɛ ketuto koŋwule ŋko emo nɛ fo nɛ mo la kenio ŋko ketuto koŋwule nawule n di keche nɛ kenyɛn kikɛ. E la eche nɛ b bela fo nɛ mo laŋ koŋwule to nna. Hale b bela mo laŋ pɔtɛ to gba, a maŋ daga fo nɛ mo e di keche nɛ kenyɛn.

Levitikɔs 20:16

Nɛ eche ya tu kusɔbɔya n di keche nɛ kenyɛn, a daga fanɛ b mɔ eche na nɛ kusɔbɔya na kikɛ. Eche na malɛ be luwu be turju beeŋ baa bɛ mo.

Nɔmbɛs 5:31

Nɛ enyɛn na wora loŋ, kumo be kulubi maŋ bɛ mo so, ama nɛ fanɛ eche na wora n da so nna e beeŋ nya kumo be kasogberge.

Ditɛronɔmi 27:22

Nɛ b naŋ kaŋɛ: “Ebɔrɛ be kɔnɔsho beeŋ ba esa kama nɛ e beeŋ di mo sipoche ŋko mo nio mo chamana pibiche na so.” Nɛ basa nɛ b yil Ebal be kebee so na e kaŋɛ: ‘Amɛn!’