Levitikɔs 20:13 - EBƆRƐ BE KAWƆL

¹³ Nɛ enyɛn di mo barkasa enyɛn keche nɛ kenyɛn, kusɔ nɛ b wora na la mbushu nna na. A daga fanɛ b mɔ bumo. Bumo alɛ be luwu be turju beeŋ baa bɛ bumo nna.

Levitikɔs 20:13 ပူးပေါင်းရင်းမြစ်များ

Jɛnesis 19:5

B daŋ tre Lɔt nna m bishi mo le: “Nnɛ nɛ basa nɛ b ba fo pe nfe kanyɛ ere na wɔ? Shin nɛ b lar m ba anyi kutɔ nɛ anyi nɛ bumo e di keche nɛ kenyɛn.”

Levitikɔs 18:22

Sa maŋ kaŋ di fo barkasa enyɛn keche nɛ kenyɛn kikɛ. K la ekishi nna n sa Ebɔrɛ.

1 Kɔrintebi 6:9

Men maŋ nyi fanɛ mannɛ basa lubi e naaŋ ba nya Ebɔrɛ be kuwura na to n luri ŋko? Men sa maŋ shin nɛ esa kikɛ e fule menyi. Kesakaleawuraana kikɛ ŋko bumo nɛ baa shuŋ agbirana ŋko bumo nɛ baa kil nsaa ji kesakalea ŋko benyɛn mo nɛ baa di abar keche nɛ kenyɛn kikɛ maaŋ nya Ebɔrɛ be kuwura na to n luri kikɛ.

Ditɛronɔmi 23:17

Israɛl be kusɔnyɛn ŋko kusɔche kikɛ maŋ daga fanɛ e ki sakale ashi agbirlambu to kikɛ.

Ditɛronɔmi 23:18

Kumo be kaman, ekama nɛ e wora loŋ n nya amansherbi e sa maŋ ta amo m ba Enyɛnpe Ebɔrɛ na kutɔ nɛ e ba tia kɔnɔ naseso kikɛ. Ŋkpal manɛ so, Enyɛnpe Ebɔrɛ na kishi agbirlambu to be esakale ga.

1 Timoti 1:10

Mo alɛ naŋ bar mbra na nna ŋkpal kesakaleawuraana nɛ benyɛn nɛ bumo gbagba kɔ abar a di na nɛ bumo nɛ baa yuri basa a fin kasɔji na nɛ befɛpo nɛ basa nɛ b maa yɛ asheŋ a wora na nɛ bumo nɛ baa wora asheŋ nɛ a maa bɛ kashenteŋ be keŋini na so kuraa na kikɛ so.

Juud 1:7

Men baa nyiŋi nde mo nɛ baa tre Sodɔm nɛ Gomɔra nɛ nde mo nɛ a daŋ taga amo to na gba be asheŋ. Ndoŋebi gba daa wora kesakalea be asheŋ nɛ alubi kama nɛ a maŋ daga dimɛdi ka wora nna. B wɔ edɛ mo nɛ a maa duŋ kikɛ na to nɛ k bee ŋini anyi kananɛ Ebɔrɛ beeŋ gberge bekama nɛ baa wora asheŋ fanɛ loŋ be basa na kusoe.

Demujipoana 19:22

Jemanɛ nɛ baa ji na nɛ kade na to be basa lubi ba kulti laŋ na n wɔtɔ nseŋ fara a ŋmea kukuloŋ na a ponte to a kaŋɛ kanyɛnnimubi na le: “Shin nɛ kanyɛn nɛ fo keta m ba fo laŋ to na e lar m ba! Anyee sha kedi mo keche nɛ kenyɛn nna!”