Levitikɔs 2:4 - EBƆRƐ BE KAWƆL

⁴ Nɛ fanɛ b ta ayu na n wora bodobodo nna, kumo ere a sa maa kɔ yiisi amo to. Ama a beeŋ tiŋ a la bodobodo nɛ b ta nyifu nɛ a pe nɛnɛ nseŋ ta ɔlif be ŋku n wea amo to n wora, ŋko ekrakashi nɛ b ta ɔlif be ŋku m baga amo.

Levitikɔs 2:4 ပူးပေါင်းရင်းမြစ်များ

Nshɛ 22:14

Ma eleŋ kikɛ loge nna fanɛ nchu ka feeto na, nɛ ma echɛkpaana du fanɛ ma awibi ka maŋ naa chɔ abar so na. Ma kagbene malɛ ki fanɛ ŋku bumbuŋ ka ŋalga na nna.

Ɛksodɔs 12:8

K daga fanɛ b tɔ eblaŋ na edɛ to nna nseŋ ta amo nɛ bodobodo nɛ a maŋ kɔ yiisi nɛ epofantaŋ kekra n wea abar to n we.

Ɛksodɔs 16:31

Israɛl be basa daa tre loŋ be ajibi na ‘manna’ nna. Amo alɛ daa du wurwurbi n fuli fanɛ ateebi nsaa du belbel fanɛ mushoŋ nna.

Ɛksodɔs 29:2

Men ta ayunyifu nɛ a pe nɛnɛ n wora bodobodo nɛ a maŋ kɔ yiisi. Men ta ɔlif be ŋku n wora bodobodo na be ako nseŋ wora ako malɛ loŋ, nseŋ ta nyifu na be ako malɛ n wora ekrakashi n ta ɔlif be ŋku n wurge amo so.

Aizaaya 42:1

Enyɛnpe Ebɔrɛ na yɛ: “Ma kenya nde, ma e naa sa mo eleŋ. Mo e la esa nɛ n lara, nɛ ma kagbene bee fuli mo so. N ta ma Kiyoyu nna n sa mo, nɛ e bar keji asheŋ nɛ amo be ekpa so ashi efuliana so.

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

Ezikɛl 46:20

nseŋ kaŋɛ le: “Kakpa nɛ bɔrɛmatapoana na beeŋ baa daŋɛ eblaŋ nɛ b ta n lara kulubi ŋko kewora n jija be esarga nseŋ naa ta nyifu nɛ b ta n lara esarga naa wora ebodobodo gba nna na. Saŋɛ na so b maaŋ sulɔ asɔ cheembi na be kekama n lar n yɔ bɔrɛlambu na be kowushina be kelɔnɛ so be kakpa nɛ esa ko beeŋ tiŋ n foe m bɛta amo nɛ k baa la tɔrɔ n sa mo.”

Levitikɔs 1:11

E beeŋ mɔ kusɔbɔya na bɔrɛsure na be kelargato be esoso ase, ashi Enyɛnpe Ebɔrɛ na be anishito, nɛ bɔrɛmatapo na e suse ŋklaŋ na ŋ ŋmanyaŋ bɔrɛsure na be mba ana na so ŋ kulti.

Levitikɔs 10:12

Nɛ Mosis kaŋɛ Ɛɛrɔn nɛ mbe mbinyɛnsobi anyɔ, Eliaza nɛ Itama, nɛ b ka na le: “Men ta ayu be sargajibi nɛ a ka ashi ajibi nɛ b ta n lara sarga n sa Enyɛnpe Ebɔrɛ na to na n wora ebodobodo nɛ a maŋ kɔ yiisi n chena bɔrɛsure na ase n we, ŋkpal manɛ so, k la sarga nɛ k du cheembi ga nna.

Levitikɔs 7:12

Nɛ esa bee shin nɛ e lara kɔnɔkoŋwule be sarga fanɛ kapandi be sarga, a daga e ta bodobodo nɛ a maŋ kɔ yiisi ŋko ekrakashi nɛ a maŋ kɔ yiisi ŋko mansaŋ m b baga amo ŋku n ti kusɔbɔya na so n lara sarga na so n lara kumo.

Nɔmbɛs 6:15

A daga fanɛ b ta bodobodo nɛ a maŋ kɔ yiisi nɛ b ta nyifu nɛ ɔlif be ŋku n wora na kelantaŋɛ be bɔlɔ nɛ ekrakashi nɛ amo alɛ gba maŋ kɔ yisi na nɛ ayu nɛ asɔnuuso n ti asɔbɔya na so n lara sarga na.

Matiu 26:38

Nɛ e kaŋɛ bumo le: “Kagbenejija nɛ k wɔ ma to ere shi ga, hale a sha keburi ma to m mɔ, men shir a wɔ nfe n tu ma a de so.”

Baru lela nɛ Jɔn kute na 12:27

Naniere ma kagbene maŋ dese ma, ama nuso nɛ meeŋ wora? Ŋ kaŋɛ n Tuto fanɛ: ‘Etuto, mɔlga ma ashi le be kenishipere ere to,’ ŋko nuso? Ayai, m maaŋ wora loŋ, ŋkpal manɛ so, loŋ so nɛ m ba nɛ m ba ji saŋɛ ere so be awurfoŋ.

Baru lela nɛ Jɔn kute na 3:34

Emo nɛ Ebɔrɛ shuŋi na bee malga Ebɔrɛ be mmalga nna, ŋkpal manɛ so, Ebɔrɛ shin nɛ mbe Kiyoyu na bɔlɔ mo to felɛlɛ.

Hibruwebi 7:26

Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.

1 Pita 2:1

Amoso, men lara alubi kikɛ ashi menyi to. Men sa maŋ naa ku efɛ ŋko a kɔ kebirkɔnshi ŋko yurkishi ŋko katege be mmalga.

1 Pita 2:22

E daa maŋ wora kulubi kikɛ, kafulesheŋ malɛ kikɛ daa maŋ lar mbe kɔnɔ to.