Levitikɔs 2:14 - EBƆRƐ BE KAWƆL

¹⁴ Kafɛ to be ayu nɛ menyeeŋ juŋkpar n teŋi nseŋ jɔ amo m ba lara sarga n sa Enyɛnpe Ebɔrɛ na daga a baa la ayu nɛ b ke ŋko n yarga nna.

Levitikɔs 2:14 ပူးပေါင်းရင်းမြစ်များ

Jɛnesis 4:3

Kachako nɛ Keen ya bar mbe adɔjibi ko m ba kɛ Enyɛnpe Ebɔrɛ na

2 Bewura 4:42

Kachako malɛ nɛ kanyɛn ko nɛ e shi Baal Shalisha ta ayu peper nɛ b fara n teŋi kafɛ to n wora ebodobodo adunyɔ nɛ aboyu bumbuŋ m bar Elaisha. Ndoŋ nna nɛ Elaisha kaŋɛ mbe kayɛrbi fanɛ e ta amo n ya sa anebiana na nɛ b ji.

Levitikɔs 2:15

Menyi alɛ beeŋ ta ɔlif be ŋku n wea amo to nseŋ ta duwu n ti so m ba, ŋkpal manɛ so, e la ayu be sargajibi nna.

Levitikɔs 2:16

Bɔrɛmatapo na beeŋ jɔ nyifu nɛ b baga amo ɔlif be ŋku na shɛda so nseŋ ta duwu na kikɛ n ti so n chɔɔ bɔrɛsure na so fanɛ ayu be sargajibi n sa Enyɛnpe Ebɔrɛ na.

Levitikɔs 22:29

Nɛ menyee lara kapandi be sarga a sa ma, Enyɛnpe Ebɔrɛ na, men lara kumo ekpa nɛ k beeŋ shin nɛ n sɔ kumo so.

Levitikɔs 23:10

e kaŋɛ Israɛl be basa na le: “Men kaŋ luri kasawule nɛ mee sha keta n sa menyi na to nseŋ ya dɔ n teŋi, men lara asɔ nɛ menyeeŋ juŋkpar n teŋi na be kuyu pati m ba sa bɔrɛmatapo na.

Levitikɔs 23:13

Menyi alɛ beeŋ ta nyifu fanɛ kurwa anyɔ n wora ɔlif be ŋku m baga amo n lara ayu be sargajibi. Le be sarga ere be efɛa e naa par Enyɛnpe Ebɔrɛ na. Menyeeŋ naŋ ta yabra belbelso fanɛ ekɔlba anyɔ n ti so n lara sarga na.

Levitikɔs 23:20

Bɔrɛmatapo na beeŋ ba maŋ ajibi na nɛ ekpakpafɔlbi anyɔ na so ashi Enyɛnpe Ebɔrɛ na be anishito a ŋini fanɛ a la kakɛgboŋ nna n sa mo nsaa la bɔrɛmatapoana be kachige. Le be esarga du cheembi nna.

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Nɔmbɛs 28:2

fanɛ e kaŋɛ Israɛlebi na kenishipereso nɛ b baa ta bumo be ajibi be esarga nɛ amo be efɛa bee wora Enyɛnpe Ebɔrɛ ebel ga na m ba ka sa Ebɔrɛ saŋɛ nɛ k daga.

1 Kɔrintebi 15:20

Ama kashenteŋ malɛ nna fanɛ Kristo juŋkpar bumo nɛ b wu na kikɛ n tiŋi luwu to.

Ditɛronɔmi 26:2

menyi to be ekama daga fanɛ e ta mbe sososo be adɔjibi nɛ e beeŋ teŋi na n wɔtɔ kelantaŋɛ to n yɔ kakpa nɛ Enyɛnpe menyi be Ebɔrɛ na lara n yili fanɛ men baa shuŋ mo na.

Kelaraŋŋini 14:4

Bumo e la basa nɛ b maŋ di beche n jija bumo be amu na, b daa maŋ nyi beche. Kaplɛkama nɛ Kpakpafɔlbi na bee yɔ, b bɛ mo so nna. B daŋ sɔ bumo ashi edimɛdi to nna n yige n shin nɛ b du fanɛ asɔrso juŋkparso mo nɛ baaŋ ta n lara sarga n sa Ebɔrɛ nɛ Kpakpafɔlbi na.