Levitikɔs 2:12 - EBƆRƐ BE KAWƆL

¹² A daga fanɛ men jɔ ayu nɛ menyeeŋ juŋkpar n teŋi kafɛ to n lara sarga n sa Enyɛnpe Ebɔrɛ na, ama men sa maŋ chɔɔ amo bɔrɛsure so.

Levitikɔs 2:12 ပူးပေါင်းရင်းမြစ်များ

Jɛnesis 23:17

To, kananɛ Efrɔn be kasawule nɛ kebeelaŋ nɛ baa tre Makpɛla nɛ k wɔ Mamre be epeŋipetekpa be kaba so na daŋ ki Eebraham peya nna na. Ndoŋ be ndibiana na nɛ kebeelaŋ na nɛ kasawule na so be kusɔ kikɛ nɛ k daa wɔ kaboŋ na be ekarso gba daŋ ki Eebraham peya nna.

2 Kronikɛls 31:5

Israɛlebi na ka baŋ nu loŋ, epul to nɛ b ta ayu nɛ asɔnuuso nɛ ɔlif be ŋku nɛ mushoŋ nɛ sososo be adɔjibiana be ŋkɛana nɛ bumo be kudukudusopo m ba.

Ɛksodɔs 22:29

Men sa maŋ kaŋ kini kesa ma men be adɔjibi nɛ asɔrso be asɔnuuso. Men ta men be ewurkoŋ nyɛnso

Ɛksodɔs 23:19

Kafɛ kikɛ men baa ta men be adɔjibi juŋkparso lelaana a bar ma, Enyɛnpe Ebɔrɛ, ashi kakpa nɛ menyee bunyaŋ ma na. Men sa maŋ kaŋ daŋɛ kaboe fɔlbi kumo nio be kenyipochu to.

Ɛksodɔs 34:22

Men baŋ ba kaa teŋi men be ayu juŋkparsoana na, men wora Kasɔteŋi be daŋkare be Kejigboŋ na. Kafɛ na malɛ naŋ ya kaa fo ekar nɛ menyee chala men be adɔjibi na, men wora Abuu to be daŋkare be Kejigboŋ na malɛ.

Levitikɔs 23:10

e kaŋɛ Israɛl be basa na le: “Men kaŋ luri kasawule nɛ mee sha keta n sa menyi na to nseŋ ya dɔ n teŋi, men lara asɔ nɛ menyeeŋ juŋkpar n teŋi na be kuyu pati m ba sa bɔrɛmatapo na.

Levitikɔs 23:17

Kanaŋ kikɛ beeŋ bar ebodobodo anyɔ m ba sa bɔrɛmatapo na nɛ e ta amo m ba sa Enyɛnpe Ebɔrɛ na fanɛ kakɛgboŋ. A daga b ta nyifu kurwa koŋwule nna n wɔtɔ yiisi n wora bodobodo koŋwule kama nɛ a baa la asɔ nɛ b juŋkpar n teŋi na be sarga n sa Enyɛnpe Ebɔrɛ na.

Levitikɔs 7:13

Esa na malɛ beeŋ naŋ ta bodobodo nɛ yiisi wɔ amo to n ti so n lara sarga na.

Nɔmbɛs 15:20

Men baŋ wora bodobodo, men ta amo nɛ men juŋkpar n wora na n lara sarga n sa Enyɛnpe Ebɔrɛ fanɛ kananɛ menyeeŋ ta ayu nɛ men juŋkpar m biri n lara sarga na.

Nɔmbɛs 18:12

N ta ɔlif be ŋku nɛ yabra belbelso nɛ ayu nɛ a la sososo be ajibi nɛ Israɛlebi bee lara kafɛ kafɛ kikɛ a sa ma na nna n sa menyi.

1 Kɔrintebi 15:20

Ama kashenteŋ malɛ nna fanɛ Kristo juŋkpar bumo nɛ b wu na kikɛ n tiŋi luwu to.

Ditɛronɔmi 26:10

Amoso nɛ ŋ kɔ ma sososo be adɔjibi nɛ Enyɛnpe Ebɔrɛ na sa ma na a ba nɛ m ba sa mo.” E kaŋ malga le n loge nɛ e murgi m bunyaŋ Enyɛnpe Ebɔrɛ na ndoŋ.

Kelaraŋŋini 14:4

Bumo e la basa nɛ b maŋ di beche n jija bumo be amu na, b daa maŋ nyi beche. Kaplɛkama nɛ Kpakpafɔlbi na bee yɔ, b bɛ mo so nna. B daŋ sɔ bumo ashi edimɛdi to nna n yige n shin nɛ b du fanɛ asɔrso juŋkparso mo nɛ baaŋ ta n lara sarga n sa Ebɔrɛ nɛ Kpakpafɔlbi na.