Levitikɔs 2:11 - EBƆRƐ BE KAWƆL

¹¹ Ayu be sarga kama nɛ menyeeŋ lara n sa Enyɛnpe Ebɔrɛ na maŋ daga e baa kɔ yiisi kumo to. Menyi alɛ e sa maŋ kaŋ ta yiisi ŋko mushoŋ n wea ayu be sarga kama to n chɔɔ n lara sarga n sa Enyɛnpe Ebɔrɛ na.

Levitikɔs 2:11 ပူးပေါင်းရင်းမြစ်များ

Ɛksodɔs 23:18

Men sa maŋ shin nɛ asɔbɔya nɛ men ta n lara sarga n sa ma na be ŋklaŋ nɛ kusɔ kama nɛ k kɔ yiisi e wea abar to. Menyi alɛ e sa maŋ shin nɛ kare e chɛ asɔbɔya nɛ men ta n lara sarga n sa ma kejigboŋana na to na be nfɔ so.

Ɛksodɔs 29:25

Kumo be kaman nɛ men sɔ amo bumo kutɔ n chɔɔ bɔrɛsure na so ashi kakpa nɛ baa chɔɔ sarga chɔɔso na. Loŋ be sarga be efɛa bee par ma, Enyɛnpe Ebɔrɛ na nna.

Ɛksodɔs 34:25

Men sa maŋ kaŋ ta kusɔ kama nɛ k kɔ yiisi n ti kusɔbɔya so n lara sarga n sa ma. Menyi alɛ e sa maŋ kaŋ shin nɛ Kebansonchoŋ be Kejigboŋ be kusɔbɔya be eblaŋ kama e yili ŋklade.

Aŋasa 24:13

M pibi, baa ji mushoŋ ŋkpal manɛ so mushoŋ walɛ. Kananɛ mushoŋ wɔ ebel kudonduloŋ so na,

Aŋasa 25:16

Sa maŋ kpal mushoŋ ka wɔ ebel so n ji amo m baŋ fo kumu so, mannɛ aloŋ feeŋ kwiɛ amo.

Aŋasa 25:27

Kananɛ mushoŋ maŋ daga keji m baŋ so na, aloŋ nɛ k maŋ daga esa ka bee fin fanɛ basa e baa fur mo saŋkama.

Levitikɔs 1:13

A daga e fɔr apuntosɔ nɛ kaman to be aya na so nɛ bɔrɛmatapo na e chɔɔ amo alɛ gba bɔrɛsure na so. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Levitikɔs 6:10

Bɔrɛmatapo na malɛ daga e ta mbe kabɔrɛmata be piŋi m buu ŋ deŋi mbe danshiki so m ba koli sarga chɔɔso na be nsunɔ na m muu n nase bɔrɛsure na be kekel to.

Matiu 16:6

B ka yɔ ndoŋ na nɛ Yesu kaŋɛ bumo le: “Men baa keni so nɛnɛ a de Efarisiana na nɛ Esadusiana na be yiisi so.”

Maak 8:15

Nɛ Yesu ji bumo asoe to ŋ kaŋɛ: “Men baa keni so nɛnɛ a de Efarisiana na nɛ Hɛrɔd be yiisi so.”

Luuk 12:1

Basa ŋgboŋ damta ko ka shɛr ndoŋ hale n ya kaa chichi abar so nɛ Yesu fara a kaŋɛ mbe bebɛsopo le: “Men baa de Efarisiana na be yiisi so, kumo e la fanɛ bumo be kebirkɔnshi be asheŋ.

Luuk 21:34

Ama men baa de menyi be amu so nsaa maa wɔ kebaawɔtɔ jiga nɛ kasanuu nɛ durnya ere to be kasɔsha be kebaawɔtɔ to nɛ menyi be aba e pɔ menyi nɛ kachɛ nɛ ma, Nyiŋgbasa Pibinyɛn beeŋ ba na e purgi menyi fanɛ kejigbelɛ na.

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”

Galeeshaebi 5:9

Yiisi gbrɛbi ko e naa kaa luri nyifu to a shin nɛ amo kikɛ bee tiŋ fɔŋgrɔŋ.

1 Pita 4:2

Nɛ loŋ malɛ baŋ wora, loŋ be esa na maŋ naa kɔ mbe durnya ere to be kebaawɔtɔ a wɔ edimɛdi be ayɛlgasɔ lubiana to, ama Ebɔrɛ be aparsheŋ to nɛ e kɔ mbe kebaawɔtɔ a wɔ.