Levitikɔs 2:10 - EBƆRƐ BE KAWƆL

¹⁰ Amo be amo nɛ a beeŋ ka na beeŋ baa la bɔrɛmatapoana peya nna. Amo alɛ la ajibi nɛ a du cheembi ga nna ŋkpal a ka shi ajibi nɛ b ta n lara sarga n sa Enyɛnpe Ebɔrɛ na to so.

Levitikɔs 2:10 ပူးပေါင်းရင်းမြစ်များ

2 Kronikɛls 31:14

Imna pibinyɛn Kɔr nɛ e la Livai be esa nsaa keni bɔrɛlambu na be epeŋilarkpa be kaba so be kabuna na so na e daa sɔ ŋkɛ nɛ baa bar Enyɛnpe Ebɔrɛ na nsaa barga amo to a sa Livaiebi na nɛ bɔrɛmatapoana na.

Ɛzra 2:63

Ndoŋ nna Juwebi be gomena yili fanɛ b maŋ kɔ ekpa nɛ b ji ajibi nɛ b ta n lara sarga n sa Ebɔrɛ na n ya fo fanɛ bɔrɛmatapoana ka beeŋ ba bishi Ebɔrɛ m pin fanɛ b la bɔrɛmatapoana nna ŋko b maŋ la.

Ezikɛl 44:29

Ayu be esarga nɛ kulubi be esarga nɛ kewora n jija be esarga kikɛ beeŋ baa la bɔrɛmatapoana be asɔ jiso nna. Kumo be kaman, kusɔ kama nɛ b kɛ ma ashi Israɛl to kikɛ gba la bumo peya nna.

Ezikɛl 46:20

nseŋ kaŋɛ le: “Kakpa nɛ bɔrɛmatapoana na beeŋ baa daŋɛ eblaŋ nɛ b ta n lara kulubi ŋko kewora n jija be esarga nseŋ naa ta nyifu nɛ b ta n lara esarga naa wora ebodobodo gba nna na. Saŋɛ na so b maaŋ sulɔ asɔ cheembi na be kekama n lar n yɔ bɔrɛlambu na be kowushina be kelɔnɛ so be kakpa nɛ esa ko beeŋ tiŋ n foe m bɛta amo nɛ k baa la tɔrɔ n sa mo.”

Levitikɔs 10:12

Nɛ Mosis kaŋɛ Ɛɛrɔn nɛ mbe mbinyɛnsobi anyɔ, Eliaza nɛ Itama, nɛ b ka na le: “Men ta ayu be sargajibi nɛ a ka ashi ajibi nɛ b ta n lara sarga n sa Enyɛnpe Ebɔrɛ na to na n wora ebodobodo nɛ a maŋ kɔ yiisi n chena bɔrɛsure na ase n we, ŋkpal manɛ so, k la sarga nɛ k du cheembi ga nna.

Levitikɔs 14:13

Kakpa nɛ baa mɔ kulubi be esarga nɛ esarga chɔɔso be asɔbɔya na nɛ e beeŋ mɔ kpakpafɔlbi na. A daga e ka wora loŋ, ŋkpal manɛ so, k la kewora n jija be sarga nna fanɛ kananɛ kulubi be sarga la bɔrɛmatapoana na be kachige nsaa du cheembi ga na.

Levitikɔs 2:3

Amo be amo nɛ a beeŋ ka kusɔ to na kikɛ la bɔrɛmatapoana na peya nna. Amo alɛ la ajibi nɛ a du cheembi ga nna ŋkpal a ka shi ajibi nɛ b ta n lara sarga n sa Enyɛnpe Ebɔrɛ na to so.

Levitikɔs 21:22

E beeŋ tiŋ n ji ajibi nɛ b ta n lara sarga n sa ma nɛ a ki cheembi nɛ amo nɛ a ki cheembi ga na kikɛ.

Levitikɔs 5:13

Kananɛ bɔrɛmatapo na beeŋ lara esa na be kulubi be sarga nɛ e nya ketampaŋ nna na. Nyifu nɛ a beeŋ ka na la bɔrɛmatapo na peya nna fanɛ kananɛ ayu be sargajibi be nyifu la mo peya na.”

Levitikɔs 6:16

Kumo be kaman nɛ bɔrɛmatapoana na e ta amo nɛ a ka na n wora bodobodo nɛ yiisi maŋ wɔ amo to n we ashi wajɛbu na be kelɔnɛ cheembi na so. Enyɛnpe Ebɔrɛ na e ta amo n sa bumo nɛ a baa la bumo be ayu be sargajibi to be kachige. Kananɛ kulubi nɛ kewora n jija be esarga du cheembi na nɛ bodobodo na gba du.

Levitikɔs 6:23

Sargajibi kama nɛ bɔrɛmatapo beeŋ lara daga kechɔɔ m mur nna. A maŋ daga b ka ji kumo be shɛŋ.”

Levitikɔs 6:9

“Kaŋɛ Ɛɛrɔn nɛ mo mbinyɛnsobi fanɛ mbraana nɛ n yili a laŋɛ sarga chɔɔso be kaplɛa so nde: A daga fanɛ b baa chɔɔ esarga bɔrɛsure na so saŋkikɛ. A maŋ daga bɔrɛsure na so be edɛ ka duŋ kikɛ.

Levitikɔs 7:7

Mbra koŋwule e deŋ kulubi be sarga nɛ kewora n jija be sarga na kikɛ so. Kumo be eblaŋ la bɔrɛmatapoana nɛ baa yili basa be katelamu to a lara amo na peya nna.

Nɔmbɛs 18:9

Sarga cheembi kama nɛ b maa chɔɔ bɔrɛsure na so bre la menyeya nna, amo e la ayu be sargajibi nɛ kulubi be sarga nɛ abar be kelɔŋɛ be sarga. Kusɔ cheembi kama nɛ b ta m ba lara sarga n sa ma la fo nɛ fo mbinyɛnsobi peya nna.

1 Samuɛl 2:28

Mo nɛ n lara Israɛl be eyiri na kikɛ to, fanɛ e baa la bɔrɛmatapo nsaa chɔɔ duwu ashi bɔrɛsure na so a sa ma nsaa buu kabɔrɛmata be piŋi nɛ baa tre ɛfɔd na saŋkama nɛ e bee ba ma anishito, nseŋ sa mbe kaman to ebi ekpa fanɛ b baa ta sarga nɛ baa chɔɔ bɔrɛsure na so na be ako.