Levitikɔs 2:1 - EBƆRƐ BE KAWƆL

¹ Nɛ esa ta ayu nɛ e ba lara sarga n sa Enyɛnpe Ebɔrɛ na, a daga e kɔr amo nɛ a pe nɛnɛ. Kumo be kaman e ta ɔlif be ŋku m baga amo nseŋ ta duwu n ti so

Levitikɔs 2:1 ပူးပေါင်းရင်းမြစ်များ

Ɛksodɔs 29:2

Men ta ayunyifu nɛ a pe nɛnɛ n wora bodobodo nɛ a maŋ kɔ yiisi. Men ta ɔlif be ŋku n wora bodobodo na be ako nseŋ wora ako malɛ loŋ, nseŋ ta nyifu na be ako malɛ n wora ekrakashi n ta ɔlif be ŋku n wurge amo so.

Aizaaya 43:23

Menyi maŋ ta mbolpɔ n lara esarga chɔɔso n sa ma, ŋko n ta menyi be esarga m bunyaŋ ma. Ma alɛ maŋ yili menyi so a fin ayu be esarga ŋko efɛa belbelso be eduwu be esarga n shin nɛ ebɔl e lar menyi.

Aizaaya 66:20

Bumo alɛ beeŋ bɛta men kurgepoana ashi efuliana na so fanɛ kakɛ m ba sa Enyɛnpe Ebɔrɛ na. Egbaŋɛ nɛ egbaŋɛturko nɛ ekurma nɛ enyɔma nɛ baaŋ dii m ba ma kebee cheembi so ashi Jerusalɛm to fanɛ kananɛ Israɛlebi bee ta bumo be ayu be esarga ekpa nɛ k daga so ashi ma bɔrɛlambu to na.

Ezikɛl 46:20

nseŋ kaŋɛ le: “Kakpa nɛ bɔrɛmatapoana na beeŋ baa daŋɛ eblaŋ nɛ b ta n lara kulubi ŋko kewora n jija be esarga nseŋ naa ta nyifu nɛ b ta n lara esarga naa wora ebodobodo gba nna na. Saŋɛ na so b maaŋ sulɔ asɔ cheembi na be kekama n lar n yɔ bɔrɛlambu na be kowushina be kelɔnɛ so be kakpa nɛ esa ko beeŋ tiŋ n foe m bɛta amo nɛ k baa la tɔrɔ n sa mo.”

Jowɛl 1:9

Kebɔltofinfin pɛ bɔrɛmatapoana nɛ b wɔ Enyɛnpe Ebɔrɛ be bɔrɛlambu to a shuŋ na gba ŋkpal kuyu baŋɛto nɛ kusɔ nuuso kikɛ ka maŋ naa wɔtɔ nɛ b ta n lara sarga n sa Enyɛnpe Ebɔrɛ na so.

Jowɛl 2:14

Nɛ men lar men be alubi to ashere Enyɛnpe, men be Ebɔrɛ na beeŋ chɛrga mbe nfɛra nseŋ nɛfa menyi nɛ men be adɔjibi e wora nɛnɛ ga. Loŋ nɛ menyeeŋ tiŋ n nya adɔjibi nɛ asɔ nuuso n lara sarga n sa mo.

Levitikɔs 14:10

Kachɛ burwasopo na e beeŋ ta ekpakpafɔlbi anyɔ nɛ kubolpɔche nɛ k fo kafɛ koŋwule nsaa maŋ kɔ ndulgi kikɛ nɛ nyifu nɛ b ta ɔlif be ŋku m baga be kurwa koŋwule nɛ bargato nɛ ɔlif be ŋku kɔlba koŋwule nɛ bargato n ti so m ba bɔrɛmatapo na kutɔ.

Levitikɔs 24:7

Men ta duwu lela n nase ebodobodo na be egbaŋ be kekama to nseŋ chɔɔ duwu na n lara sarga n sa Enyɛnpe Ebɔrɛ na.

Levitikɔs 5:11

Ama nɛ fanɛ esa na maŋ kɔ elepɔ anyɔ ŋko ali anyɔ na gba, e bar nyifu nɛ b kɔr nɛ e pe nɛnɛ be kurwa be bɔlɔ m ba lara kulubi be sarga na. E sa maŋ kaŋ ta ɔlif be ŋku m baga amo ŋko n ta duwu n ti amo so, ŋkpal manɛ so, k la kulubi be sarga nna.

Levitikɔs 6:7

Nɛ bɔrɛmatapo na e ta kumo n lara sarga n sa Enyɛnpe Ebɔrɛ na nɛ esa na e nya ketampaŋ.”

Levitikɔs 9:17

E daŋ bar ayu be sargajibi gba nna nseŋ jɔ nyifu na enɔ be bɔlɔ n ti kachipurso be sarga chɔɔso na so n chɔɔ bɔrɛsure na so.

Levitikɔs 9:4

nseŋ naŋ ta gbolu nɛ kpakpa n lara kɔnɔkoŋwule be sarga. A daga b ta amo n ti ayu be sargajibi nɛ b ta ŋku m baga amo n lara kɔnɔkoŋwule be sarga n sa Enyɛnpe Ebɔrɛ na. A daga b ka wora loŋ, ŋkpal manɛ so, Enyɛnpe Ebɔrɛ na beeŋ lar bumo so kabre.”

Malakai 1:11

Durnya ere to be basa damta beeŋ bunyaŋ ma. Baaŋ baa chɔɔ duwu a sa ma nsaa lara esarga nɛ a bee bɔlɔ kenishi a sa ma. Bumo kikɛ bee bunyaŋ ma ketre gboŋ na nna.

Nɔmbɛs 18:9

Sarga cheembi kama nɛ b maa chɔɔ bɔrɛsure na so bre la menyeya nna, amo e la ayu be sargajibi nɛ kulubi be sarga nɛ abar be kelɔŋɛ be sarga. Kusɔ cheembi kama nɛ b ta m ba lara sarga n sa ma la fo nɛ fo mbinyɛnsobi peya nna.

Nɔmbɛs 28:5

B ta ɔlif be ŋku kɔlba koŋwule m baga ayunyifu kurwa koŋwule n ti mbolpɔ na be kekama so.

Nɔmbɛs 29:18

Men ta nyifu nɛ yabra kananɛ k daga fanɛ b ta n ti kusɔbɔya kama so, nɛ kaboelote n ti asɔbɔya na so n lara sarga.

Nɔmbɛs 8:8

Kede be kaman nɛ fo shin nɛ b bar egbolu fɔlbi anyɔ nɛ ayu nyifu nɛ b ta ɔlif be ŋku m baga amo.

Baru lela nɛ Jɔn kute na 6:35

Nɛ Yesu kaŋɛ bumo: “Ma e la loŋ be bodobodo nɛ k bee sa ŋkpa na. Ekama nɛ e ba ŋ kutɔ, akoŋ maaŋ pɛ mo kikɛ nɛ ekama nɛ e yirda ma, achukoŋ malɛ maaŋ pɛ mo.

1 Jɔn 2:20

Ama menyi ere, Yesu Kristo ta Kiyoyu Cheeŋ na nna n wɔtɔ menyi to nɛ menyi kikɛ e pin kashenteŋ na.

1 Jɔn 2:27

Ama menyi ere, Yesu Kristo ta Kiyoyu Cheeŋ na nna n wɔtɔ menyi to nɛ e shir a wɔ menyi to. A maŋ daga fanɛ men naŋ nya esa ko nɛ e ŋini menyi, ŋkpal manɛ so, mbe Kiyoyu na e naa ŋini menyi asɔ kikɛ. Kusɔ kama malɛ nɛ e bee ŋini la kashenteŋ nna, mannɛ efɛ. Amoso, men baa bɛ Kiyoyu na be keŋini so nseŋ shir a wɔ Kristo na to.

Juud 1:20

Ama menyi ere, n teri lelaana, men baa wora ania ga a chɛ abar to a yɔ anishito ashi abɔrɛsheŋ cheembi nɛ men yirda ga na to nsaa kule Ebɔrɛ ashi Kiyoyu Cheeŋ na to.

Kelaraŋŋini 8:3

Nɛ malaika ko malɛ ka kɔ shuwa be kusɔjɔduwu to m ba yili bɔrɛsure na akpa. B daŋ ta duwu damta ko nna fanɛ e ta n wea Ebɔrɛ be basa be kabɔrɛkuleana to n ta m ba deŋi shuwa be bɔrɛsure na so ashi kuwurputi na be anishito.