Levitikɔs 19:5 - EBƆRƐ BE KAWƆL

⁵ Nɛ men baŋ mɔ kusɔbɔya nɛ men lara kɔnɔkoŋwule be sarga, men bɛ mbraana nɛ n yili n sa menyi na so nɛ n sɔ menyi be sarga na.

Levitikɔs 19:5 ပူးပေါင်းရင်းမြစ်များ

2 Kronikɛls 31:2

Ewura Hɛzekaya daŋ naŋ lɔŋɛ nna n yili bɔrɛmatapoana nɛ Livaiebi na be ntuŋ nɛ ashuŋ nɛ baa shuŋ. Ashuŋ na be ako e la kebaalara esarga chɔɔso nɛ kɔnɔkoŋwule be esarga nɛ kebaabunyaŋ Ebɔrɛ nɛ kebaadi Ebɔrɛ epaŋ nsaa juŋkpar kabɔrɛchɔrɔ ashi bɔrɛlambu na to.

Ɛksodɔs 24:5

Kumo be kaman nɛ Mosis lara Israɛl be basa na to be mbrantiɛbia nɛ b ya lara sarga chɔɔso nseŋ ta ana n lara kɔnɔkoŋwuleso be esarga n sa Enyɛnpe Ebɔrɛ na.

Ezikɛl 46:12

Kede be kaman nɛ ewura na bee sha kelara mo gbagba be keparso be sarga chɔɔso ŋko kɔnɔkoŋwule be sarga n sa Enyɛnpe Ebɔrɛ na baŋ bugi bɔrɛlambu na be epunto be kelɔnɛ na be kabunagboŋ nɛ k wɔ epeŋilarkpa be kaba so na n sa mo nɛ e luri. Kananɛ e baa lara Kewushiachɛ be esarga na nɛ e beeŋ lara kede gba. E kaŋ wora n loge nseŋ lar na nɛ b ti kabunagboŋ na.”

Ezikɛl 46:2

Jemanɛ nɛ bɔrɛmatapo na malɛ bee lara ewura be sarga chɔɔso nɛ kɔnɔkoŋwule be esarga na Israɛl be ewura na beeŋ shi kowushina be kelɔnɛ na so m bɔla kabuna to be ebu na to n luri m ba yili m mata kabunagboŋ na be ndibi na; ŋ gbir m bunyaŋ ma nseŋ bɛta m bɔla kabunagboŋ na to n lar. Kabuna na beeŋ bugi n yili loŋ hale n ya fo kaaseso.

Levitikɔs 1:3

“Nɛ fanɛ kena nɛ e bee ta a lara sarga chɔɔso na, a daga k baa la gbolu nɛ e maŋ kɔ ndulgi kikɛ kumo be eyur so. Amodoŋwura malɛ beeŋ bar kumo wajɛbu na be kabuna ase, saŋɛ na so Enyɛnpe Ebɔrɛ na beeŋ sɔ sarga na.

Levitikɔs 19:4

Men sa maŋ kaŋ kplaŋ ma so n ya shuŋ agbir. Men sa maŋ ta abɛlso ŋko kusɔ kama n wora kapɔrduli be yiri kikɛ ŋ ki agbir a shuŋ kumo. Ma e la Enyɛnpe, men be Ebɔrɛ na.

Levitikɔs 19:6

Kachɛ nɛ men mɔ kusɔbɔya na ŋko kumo be ŋklade, e daga fanɛ men we eblaŋ na. Eblaŋ kama nɛ a beeŋ ka kachɛ sasopo na daga kechɔɔ nna,

Levitikɔs 22:19

Pɔɛŋ nɛ meeŋ sɔ sarga na, a daga fanɛ kusɔbɔya na e baa la kenyɛnso nsaa maa kɔ ndulgi kikɛ.

Levitikɔs 22:21

Esa kama nɛ e bee shin nɛ e lara kɔnɔkoŋwule be sarga n sa Enyɛnpe Ebɔrɛ n tia kɔnɔ ŋko n ta ŋ kɛ mo, daga fanɛ e bar kusɔbɔya nɛ k maŋ kɔ ndulgi.

Levitikɔs 22:23

Menyeeŋ tiŋ n ta kena ŋko kubolpɔ nɛ kumo be aya maŋ sasa abar n lara kakɛ be sarga, ama mannɛ kɔnɔ be ketia be sarga bre.

Levitikɔs 22:29

Nɛ menyee lara kapandi be sarga a sa ma, Enyɛnpe Ebɔrɛ na, men lara kumo ekpa nɛ k beeŋ shin nɛ n sɔ kumo so.

Levitikɔs 7:16

Nɛ fanɛ sarga na la sarga nɛ esa lara a tia kɔnɔ nɛ e nase nna ŋko mbe keparso nɛ e lara kumo, a daga b we eblaŋ na kikɛ kachɛ nɛ e lara sarga na, ama baaŋ tiŋ n we kekama nɛ kare chɛ so na gba.

Levitikɔs 7:18

Nɛ eblaŋ na fo nchɛ asa nɛ b we kumo, Ebɔrɛ maaŋ sɔ esa na be sarga na. Esa nɛ e lara sarga na maaŋ nya kumo be nɛfa, kumo alɛ maaŋ baa la sarga cheembi. Kumo be kumu lubi malɛ beeŋ baa bɛ esa kikɛ nɛ e we kumo be eblaŋ na so.